Departementet Var

Frå Wikipedia – det frie oppslagsverket
Hopp til navigering Hopp til søk
For elva med det same namnet, sjå Elva Var
Var
Våpenskjoldet til Var
Plassering
Plasseringa til Var i Frankrike
Administrasjon
Departmentnummer: 83
Region: Provence-Alpes-Côte d'Azur
Préfecture: Toulon
Sous-préfectures: Brignoles
Draguignan
Arrondissement: 3
Kantonar: 43
Kommunar: 153
Président du conseil général: Horace Lanfranchi
Statistikk
Folketal Rangering 21.
 -1999 898 441
Folketettleik: 150/km²
Landareal¹: 5 973 km²
¹ Franske landdata, som ikkje tar med elvemunningar, innsjøar, vatn og isbrear større enn 1 km².
Frankrike

Var er eit departementet søraust i Frankrike. Departementet ligg i regionen Provence-Alpes-Côte d'Azur, kalla opp etter elva med same namn.

Historie[endre | endre wikiteksten]

Var er eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsen Provence. I 1860 vart distriktet rundt Grasse, som elva Var renn igjennom, overført til det nye departementet Alpes-Maritimes. Dette er årsaka til at elva som gav namn til departementet, ikkje renn gjennom det.

Kysten av Var nær Six-Fours-les-Plages.

Geografi[endre | endre wikiteksten]

Departementet er i dag ein del av regionen Provence-Alpes-Côte d'Azur og grensar til departementa Alpes-de-Haute-Provence i nord (elva Verdon dannar grensa), Alpes-Maritimes i aust, Middelhavet i sør og til Bouches-du-Rhône i vest.

Var er ein variert region på nesten 6 000 km² som inneheld fjell, kyst, sletter og dalar. I nord ligg Gorges du Verdon, eit svært populært område for turgåing og kajakkpadling.

Jordbruk[endre | endre wikiteksten]

800 km² eller 13 % av det totale arealet vert nytta til jordbruk, som gjev 38 000 innbyggjarar arbeid. Departementet har òg 10 km² med hageområde. Var er den største produsenten av snittblomar i Frankrike, og produserer 500 millionar stilkar i året Buskapen består hovudsakleg av sau (50 000 dyr) og geiter (4 200 dyr). Vinranker dekkjer 345 km² av jordbruksområdet, og dei 4 AOCane (appelation d'origine controlleé) produserer 150 millionar liter vin i året.

Andre viktige jordbruksprodukt er oliven (42 km², ein fjerdedel av alle olivenlundar i Frankrike), fiken (80 % av den totale produksjonen i Frankrike) og honning (800 tonn i året).

Jordbruket gjev eit overskot på 610 millionar euro kvart år, der 45 % av salet er vin og 42 % gartneriprodukt.

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Departementet Var