Lars Bohinen

Lars Bohinen
Statsborgarskap	Noreg
Fødd	8. september 1969 (54 år) Vadsø kommune
Yrke	fotballspelar
Språk	norsk
Høgd	185 centimeter
Lars Bohinen på Commons

Lars Bohinen (fødd 8. september 1969 i Vadsø) er ein tidlegare norsk fotballspelar. Bohinen var midtbanespelar. Bohinen fekk 49 A-landskampar for Noreg, og scora 10 landslagsmål. Han spelte i samtlege av Noreg sine kampar i fotball-VM i 1994.

Bohinen spelte seniorfotball for 11 ulike klubbar. I Noreg var han innom Bærum, Lyn, Vålerenga (to periodar), Viking og Lillestrøm. Han spelte også for ei rekke klubbar i utlandet – fyrst for sveitsiske Young Boys Bern, seinare for dei engelske klubbane Nottingham Forest, Blackburn og Derby, og til slutt i dei danske klubbane Lyngby FC (no Lyngby Boldklub) og Farum. Han avslutta karrieren i Vålerenga i 2003.

I 1995 skapa Bohinen avisoverskrifter då han valde å boikotte privatlandskampen mot Frankrike i protest mot dei franske prøvesprengingane i Stillehavet, og fekk både ros og kritikk for sitt engasjement.

Bohinen arbeider no som sportsleg administrativ leiar i Vålerenga Fotball. Bohinen er fetter til Sigurd Rushfeldt, som også er ein mangeårig landslagsspelar og utanlandsproff.

Spelarkarriere

Klubb	Kampar*	Mål*	Periode
Bærum	2	0	1986
Lyn	20	3	1987
Vålerenga	33	5	1988-1989
Viking	10	0	1990
Young Boys	58	6	1990-1993
Lillestrøm (lån)	19	1	1993
Nottingham Forest	64	7	1993-1995
Blackburn	58	7	1995-1998
Derby	56	1	1998-2001
Lyngby	26	0	2001-2002
Farum	2	0	2002
Vålerenga	6	1	2003

* Berre seriekampar.