Lasse Ottesen

Frå Wikipedia – det frie oppslagsverket
Jump to navigation Jump to search
Lasse Ottesen
20180126 FIS NC WC Seefeld Lasse Ottesen 850 9999.jpg
Fødd 8. april 1974
Oslo
Lasse Ottesen på Commons

Lasse Ingier Ottesen (fødd 8. april 1974) i Aurskog er ein norsk tidlegare skihoppar og seinare trenar. I 1994 vann han OL-sølv i normalbakken, bak landsmannen Espen Bredesen.

Ottesen debuterte i verdscupen i mars 1991 i Trondheim. Ni gongar kom han på sigerspallen i verdscupen, av dei var tre andreplassar og seks tredjeplassar. Frå 1993- til 2000-sesongen høyrde han til verdseliten i skihopping. Beste plassering samanlagt i verdscupen var niandeplassen i 1994-sesongen. I 1997 sette han ny verdsrekord i Planica med eit hopp på 212 meter, ein rekord som heldt seg to år.

Ottesen deltok i vinter-OL 1992 i Albertville og vart nummer 45 i begge renna. I ski-VM 1993 i Falun mislukkast han på nytt. Høgdepunktet som skihoppar opplevde han på Lillehammer under dei olympiske leikane i 1994. Han vann sølv i normalbakken og kom på sjetteplass i storbakken, samt han var med på det norske laget som vart nummer fire i lagtevlinga. Under ski-VM i Thunder Bay i 1995 hoppa han godt i storbakken og vart nummer fire, i normalbakkerennet hamna han langt nede på resultatlista. Også under ski-VM 1997 i Trondheim og 1999 i Ramsau måtte ein ned på resultatlistene for å finne Ottesen sitt namn. I mellom dei to meisterskapane hadde han vorte nummer 10 i storbakken i OL 1998 i Nagano. I skiflygings-VM vart han nummer fem både i 1994 i Planica og i 1998 i Oberstdorf, samt fekk ein niandeplass i Vikersund i 2000. Ottesen vart noregsmeister fem gongar, og fekk elles med seg to medaljar av kvar av valørane sølv og bronse. Han var medlem av Aurskog-Finstadbru Sportsklubb.

Besteplasseringar i internasjonale meisterskap og renn[endre | endre wikiteksten]

  • 1991: Nr 13 i Štrbské pleso
  • 1992: Nr 12 i Lahti
  • 1992/93: Nr 2 i Falun
  • 1994: Sølvmedalje under OL på Lillehammer. Nr 3 i Liberec
  • 1994/95: Nr 4 under VM i Thunder Bay. Nr 3 i Planica og i Vikersund (skiflyging)
  • 1995/96; Nr 5 i Predazzo
  • 1996/97: Nr 2 i Kuusamo og nr 3 i Planica (skiflyging)
  • 1998: Nr 4 i Oberstdorf. Nr 5 i VM i skiflyging, også Oberstdorf
  • 1999: Nr 2 i Harrachov
  • 1999/2000: Nr 3 i Zakopane og i Lahti
  • 2000/01: Nr 22 i Kuopio

Medaljar og besteplasseringar i noregsmeisterskap[endre | endre wikiteksten]

  • 1991: Nr 9 i storbakken i Bærum
  • 1992: Gullmedalje i storbakken i Trondheim, sølvmedalje i normalbakken i Molde
  • 1993: Nr 10 i storbakken på Odnes
  • 1994: Sølvmedalje i normalbakken i Vegårshei, bronsemedalje i storbakken på Rena
  • 1995: Gullmedalje i storbakken i Oslo
  • 1997: Gullmedalje i storbakken på Lillehammer
  • 1998: Nr 5 i storbakken i Meldal
  • 1999: Bronsemedalje i storbakken på Rena
  • 2000: Gullmedalje både i normalbakken på Vang og i storbakken i Meldal

Han la opp i 2001.

Trenar[endre | endre wikiteksten]

Ottesen var hopptrenar for det norske kombinertlandslaget 2001-04, og for skiforbundet i USA i perioden 2004-08.

Skal vi danse[endre | endre wikiteksten]

Hausten 2012 deltok Ottesen i Skal vi danseTV 2.[1]

Kjelder[endre | endre wikiteksten]

  • Sportsboken, aktuelle årgangar

Fotnotar[endre | endre wikiteksten]

Bakgrunnsstoff[endre | endre wikiteksten]