Ob-La-Di, Ob-La-Da

Ob-La-Di, Ob-La-Da av The Beatles frå albumet The Beatles
B-side	«I Will» (Filippinane) «While My Guitar Gently Weeps» (andre stader) «Julia» (UK)
Språk	engelsk
Utgjeve	22. november 1968
Innspelt	8., 9., 11. og 15. juli 1968 EMI Studios, London
Sjanger	pop ska
Lengd	3:07
Selskap	Apple
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin
Amerikansk The Beatles-kronologi
«Got to Get You into My Life» (1976)	Ob-La-Di, Ob-La-Da	«Sgt. Pepper's Lonely Hearts Club Band» (1978)

«Ob-La-Di Ob-La-Da» er ein song av The Beatles frå det doble albumet The Beatles frå 1968. Han er skriven av Paul McCartney, men er på vanleg vis tilskriven Lennon/McCartney.

Songen vart ein stor hit for bandet Marmalade i 1968 og singelen deira gjekk til topps i fleire land. I Noreg låg han åtte veker på toppen av VG-lista.

Komposisjonen

Songen er ei bevisst hyllest til den gryande reggaerørsla, kanskje knytt til den veksande folkesetnaden frå Jamaica i England, men han kviler òg tungt på honky tonk. Songen vart spelt inn i tre utgåver, den første finst på Anthology 3. Denne gjekk saktare og lente seg tungt på karibiske innfall som bongotrommer. Andre opptak startar med ein noko påsegla Lennon som spelar eit hyperaktivt piano. Likevel var McCartney framleis ikkje nøgd og forlanga ei ny innspeling igjen seinare der dei konsentrerte seg om det vokale og ikkje det instrumentale. Låten vart krydra med latter og muntre tilrop. Likevel kom McCartney tilbake ei veke seinare for endå eit forsøk. Alt i alt dobbelt så mykje tid gjekk til å spele inn denne songen som heile albumet Please Please Me.

Songteksten

Den enkle teksten fortel historia om eit par kalla Desmond og Molly, og vert utheva med latter, tilrop og andre lyder som akkompagnerer teksten. Den andre gongen historia vert fortalt, vert namna bytta om og kjønnsrollene endra, slik at songen gjev hint om transvestittisme. Forklaringa er enklare; McCartney bytta om namna ved eit tilfelle og Lennon, som likte sære ting som forvirra, føreslo at dei skulle halde det slik. Lennon som seinare ytra at han ikkje likte songen må ha uttala seg i bitterheit, for han har òg innrømt at han har medverka til teksten her og der.

Kontroversielt

Den nigerianske songaren Jimmy Scott som spela conga-trommer på songen påstod seinare at frasen «Ob-La-Di, Ob-La-Da» var hans ide og saksøkte McCartney for kompensasjon. Scott hadde eit band på den tida som han kalla for «Obla Di Obla Da Band». Saka vart lagd vekk i retten.

Singel

McCartney var strålande nøgd med songen og ville ha han som singel, men då var dei andre Beatles-medlemmane alt leie. Tilbodet gjekk då vidare til gruppa Marmalade som gjekk til topp på listene med han, i Noreg i åtte veker.

Medverkande

• Paul McCartney – vokal, elektrisk bass, akustisk bass, klapping, vokal perkusjon
• John Lennon – piano, korvokal, klapping, talte ord, vokal perkusjon
• George Harrison – akustisk gitar, korvokal, klapping, talte ord, vokal perkusjon
• Ringo Starr – trommer, bongotrommer, maracas, andre perkusjon, klapping, vokal perkusjon

Personell per Ian MacDonald og Mark Lewisohn

• Blåsarar arrangerte av George Martin

Andre versjonar

Marmalade-versjonen

Ob-La-Di, Ob-La-Da singel av Marmalade
B-side	«Chains»
Språk	engelsk
Utgjeve	1968
Sjanger	Pop
Selskap	CBS
Komponist	John Lennon, Paul McCartney
Tekstforfattar	John Lennon, Paul McCartney
Produsent	Mike Smith

Det skotske popbandet Marmalade gav ut sin versjon av «Ob-La-Di, Ob-La-Da» i 1968. Versjonen deira gjekk til topps på UK Singles Chart i januar 1969 og dei vart det første skotske bandet som gjekk til topps på lista. Versjonen deira selde kring ein halv million eksemplar i Storbritannia og ein million eksemplar verda over april 1969. Dei spelte på Top of the Pops iført kilt.

Andre artistar

Andre artistar som har spelt songen er mellom andre Jimmy Cliff, James Last, Bing Crosby, No Doubt, Dick Hyman, Herb Alpert, Phish, The Heptones, Youssou N'Dour, Floyd Cramer og Inner Circle.

Salslister

The Beatles-versjonen

Liste (1969)	Plassering
Australia (Kent Music Report)	1
Austerrike (Ö3 austerriksk Topp 40)	1
Belgia (Ultratop 50 Flandern)	5
Den franske singellista	3
Nederland (Mega Single Top 100)	3
Sveits (Schweizer Hitparade)	1
Japansk Oricon-lista	7
Den japanske Oricon-lista for internasjonale artistar	1
New Zealand (Listener)	1
Vest-Tyskland - Media Contro-lista	1

Liste (1976)	Plassering
Canada RPM Top Singles	19
US Billboard Hot 100	49
US Billboard Adult Contemporary	39
US Cash Box Top 100	47

Marmalade-versjonen

Liste (1968–69)	Plassering
UK Singles (Official Charts Company)	1
Austerrike (Ö3 austerriksk Topp 40)	1
Noreg (VG-lista)	1
Sveits (Schweizer Hitparade)	2

Kjelder

• Denne artikkelen bygger på «Ob-La-Di, Ob-La-Da» frå Wikipedia på bokmål, den 8. februar 2009.
  • Wikipedia på bokmål oppgav desse kjeldene:
• Lewisohn, Mark (2005) [1988]. The Complete Beatles Recording Sessions: The Official Story of the Abbey Road Years 1962–1970. London: Bounty Books. ISBN 978-0-7537-2545-0. 
• Lewisohn, Mark (1988). The Beatles Recording Sessions. New York: Harmony Books. ISBN 0-517-57066-1. 
• MacDonald, Ian (1998). Revolution in the Head: The Beatles' Records and the Sixties. London: Pimlico. ISBN 978-0-7126-6697-8. 
• «The Marmalade – Ob-La-Di Ob-La-Da». norwegiancharts.com. 2009. 
• Murrells, Joseph (1978). The Book of Golden Discs (2nd utg.). London: Barrie and Jenkins Ltd. ISBN 0-214-20512-6. 

Bakgrunnsstoff

• Teksten Arkivert 2008-12-28 ved Wayback Machine.
• All Music Arkivert 2005-08-22 ved Wayback Machine.
• Beatles classic voted worst song frå BBC (10. november, 2004)

Føregangar «Fru Johnsen» Inger Lise Rypdal

Toppen av VG-lista Marmalade 8 veker, veke 5–veke 12 1968

Etterfylgjar «Oj, oj, oj så glad jeg ska bli» Kirsti Sparboe