Påskekylling

Frå Wikipedia – det frie oppslagsverket
Hopp til navigering Hopp til søk
Påskekyllingar på seljekvistar på eit norsk postkort frå rundt 1947.

Påskekylling er ein kylling brukt som symbol og pynt i samband med påsken. Som påskeegg er kyllingar eit symbol på grøderikdom og nytt liv, både innan heidensk og kristen tradisjon.[1] Kyllingar er også eit vårteikn ettersom både egg- og kyllingproduksjon tidlegare gjerne stoppa opp om vinteren.[2]

Dekorasjon[endre | endre wikiteksten]

Påskekyllingpynt på påskeegg.
Kylling fotografert for eit russisk påskekort.

Kyllingar, høns og hanar har vore vanlege motiv på påskekort på heile 1900-talet. Ein kan avbilda naturlege eller meir menneskeleggjorte kyllingar.

Mange bruker også kyllingar som påskepynt. Dei kan til dømes vera laga av garn,[3] stoff,[4] fiber,[5] piperensarar[6] eller ståltråd med gult syntetisk fiber som dun.[7]

Levande kyllingar[endre | endre wikiteksten]

Ein kan også markera påsken med levande kyllingar. Nokre klekker ut kyllingar til påsken, til dømes som eit barnehageprosjekt eller til ein besøksgard.[8] Mange slike gardar og ein del utandørsmuseum feirar påske med mellom anna levande kyllingar.[9]

Andre gjev kyllingar som gåve til born. Nokre stader farger ein tilmed kyllingane slik at dei skal bli like fargerike som påskeegga. Skikken med å behandla levande dyr som leiker eller dekorasjon er blitt kraftig kritisert, og ein blir sterk frårådd å kjøpa kyllingar om ein ikkje har ein plan for dei seinare.[10]

Mat[endre | endre wikiteksten]

Simnelkake pynta med påskekyllingar.

Som med andre motiv er det vanleg å ha kyllingforma mat og godteri til påske. Mange stader kan ein laga ulike kaker forma som kyllingar.[11] I tillegg til sjokoladeegg blir det også laga mange kyllingar og kaninar av sjokolade til påske. I USA og Canada er Peeps, fargerike marshmallowgodteri, utbreidde til å ha i påskekorger.

Ein kan også ha kylling som påskerett i staden for til dømes lam.[12]

Kjelder[endre | endre wikiteksten]

  1. James Cooper, Eggs and Chicks, whyeaster.com  Text "accessdate-24. mars 2017" ignored (hjelp)
  2. Påskens historie, dk-kogebogen.dk  Text "accessdate-24. mars 2017" ignored (hjelp)
  3. Klip selv: Påskekyllinger og påskeharer med pomponer, hjemmet.dk; Påskekyllinger på blomsterpind, haekleopskrifter.dk
  4. Påskesyssel - hjemmelaget påskepynt
  5. Påskeegg og påskekylling, unghusflid.no
  6. Påskepynt (SA.05075)
  7. Påskekylling (AAM.28870); Påskekylling (NF.2013-0361), Figur, påskekylling (NF.1986-1055)
  8. Lars IngeSkrede (07.04 2012), «Kjærkomne kyllingar og påskeglede», Sunnmørsposten 
  9. Martin Longhi (21. april 2011), «Så kan du godt finde påskehumøret frem», Århus Stiftstidende ; Lisbet Holst (28. mars 2015), «Påske med en kylling i hånden», Bornholms Tidende ; Easter holiday 2015 what's on guide for Kent: Egg hunts and family days out, 23 March 2015 
  10. Melissa Mayntz (03/14/17), «Why You Shouldn't Give Baby Chicks and Ducklings as Easter Gifts», the spruce 
  11. Påskekylling, mytasteno
  12. Påskekylling, familiejournal.dk; PÅSKE Frokost 13/4