Vidar Helgesen

Frå Wikipedia – det frie oppslagsverket
Gå til: navigering, søk
Vidar Helgesen
none  Vidar HelgesenFoto: Line Håland Aaltvedt / Noreg sin delegasjon til EU
Vidar Helgesen
Foto: Line Håland Aaltvedt / Noreg sin delegasjon til EU
Fødd 21. november 1968 (48 år)

Bodø

Parti Høgre
Yrke Diplomat
1. verv Norsk klima- og miljøminister
 - periode 16. desember 2015–
 - regjering Solberg
 - føregjengar Tine Sundtoft
2. verv Norsk EØS- og EU-minister
 - periode 16. oktober 2013–16. desember 2015
 - regjering Solberg
 - føregjengar Ministerpost oppretta
 - etterfylgjar Elisabeth Aspaker
3. verv Statsråd ved Statsministerens kontor
 - periode 16. oktober 2013–16. desember 2015
 - regjering Solberg
 - føregjengar Karl Eirik Schjøtt-Pedersen
 - etterfylgjar Elisabeth Aspaker
4. verv Statssekretær i Utanriksdepartementet
 - periode 2001–2005
 - regjering Bondevik II

Vidar Helgesen (fødd 21. november 1968 i Bodø) er ein norsk diplomat og politikar (H) og norsk klima- og miljøminister i regjeringa Solberg frå 2015. Frå 16. oktober 2013 til 2015 var han statsråd og stabssjef ved Statsministerens kontor i regjeringa Solberg med ansvar for EØS-saker og Noregs tilhøve til EU.[1]

Han var medlem av sentralstyra i Noregs Gymnasiastsamband 1987–1989 og Unge Høgre 1989–1991, og leia Operasjon Dagsverk 1987–1988. Ein periode var han og nestleiar i Oslo Unge Høgre. I 1994 leia han Høgre sin kampanje før folkerøystinga om EU i 1994. Helgesen var redaktør for boka Partiet, makten og staten frå 1995 og redaksjonssekretær i Tidens tegn 1996–1998.

Helgesen er særleg opptatt av menneskerettar, flyktningproblematikk, fredsmekling, forsoningsprosessar samt FN-politikk. Han var spesialrådgjevar i det internasjonale Røde Kors i Genève 1998–2001 og statssekretær i Utanriksdepartementet 2001–2005 samt generalsekretær i International Institute for Democracy and Electoral Assistance (IDEA) i Stockholm 2005–2013.

Helgesen har anar frå Gildeskål kommune i Nordland, vart født i Bodø, og voks opp på Nøtterøy i Vestfold.[2][3] Han er cand.jur. frå Universitetet i Oslo frå 1998, og praktiserte som advokatfullmektig i Wiersholm, Mellbye & Bech i Oslo i 2001. I 1999 vart han opptatt til Utanriksdepartementets aspirantkurs.[4] Han har publisert fleire artiklar om folkerett og fredsmekling.

Kjelder[endre | endre wikiteksten]

  1. Offisielt fra statsråd 16. oktober 2013 kl. 12.00. Statsministerens kontor. Vitja 16. oktober 2013.
  2. Fiskerne vil ikke ha Aspaker som minister (15. oktober 2013).
  3. Vestfold-kort i regjeringskabalen. Tønsbergs Blad (3. oktober 2013).
  4. UD (8. juli 1999) «Aspiranter til utenrikstjenesten 1999» – Aftenposten, s. 20.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Vidar Helgesen