Guro Fjellanger
Frå Wikipedia – det frie oppslagsverket
Guro Fjellanger (fødd 26. januar 1964 i Bergen) er ein norsk politikar frå Venstre. Frå 1986 til 1988 var ho leiar av Unge Venstre.
Ho var statsråd og sjef for Miljøverndepartementet (miljøvernminister) i regjeringa Bondevik I frå 1997 til 2000.
Guro Fjellanger vart fødd i Bergen, men voks opp på Stokmarknes. Ho vart fødd med sjukdommen spina bifida, som gjer at ho har måtta gå med krykkjer heile livet. Ho er utdanna gullsmed, og har grunnfag i idéhistorie.
Då ho flytta til Oslo som 19-åring vart ho aktiv i Unge Venstre. Ho var organisasjonssekretær 1985-1986, og leiar 1986-1988. I åra 1991-1995 var ho generalsekretær i Nei til EU. I 1996 vart ho nestleiar i Venstre, noko ho var i fire år, til 2000.
| Føregjengar Hege Berg-Nielsen |
Leiar av Unge Venstre 1986–1988 |
Etterfylgjar Atle Hamar |
| Norske miljøvernministrar | |
|---|---|
| Olav Gjærevoll (1972) · Trygve Haugeland (1972-73) · Helga Gitmark (1973) · Tor Halvorsen (1973-74) · Gro Harlem Brundtland (1974-79) · Rolf Hansen (1979-81) · Wenche Frogn Sellæg (1981-83) · Rakel Surlien (1983-86) · Sissel Rønbeck (1986-89) · Kristin Hille Valla (1989-90) · Thorbjørn Berntsen (1990-97) · Guro Fjellanger (1997-2000) · Siri Bjerke (2000-01) · Børge Brende (2001-04) · Knut Arild Hareide (2004-05) · Helen Bjørnøy (2005-07) · Erik Solheim (2007-2012) · Bård Vegar Solhjell (2012- ) |
