Rondane nasjonalpark
| Rondane | ||
| Totalareal | 963 km² | |
| Landareal | 963 km² | |
| Sjøareal | 0 km² | |
| Område | Oppland og Hedmark | |
Rondane nasjonalpark er den eldste nasjonalparken i Noreg, oppretta oppretta 21. desember 1962 og utvida i 2003. Landskapet i parken er prega av Rondemassivet med tindar, tronge juv og djupe botnar.Berggrunnen er karrig, og lav og lyng dominerer vegetasjonen. Området har rike spor etter gammal fangstkultur.
Innhaldsliste |
Plassering [endre]
Rondane nasjonalpark er knytt til fjellområdet Rondane aust for Gudbrandsdalen og omfattar areal i kommunane Dovre, Sel, Nord-Fron, Sør-Fron, Ringebu i Oppland fylke og Folldal og Stor-Elvdal i Hedmark fylke.
Verneformål [endre]
Formålet med vernevedtaket er mellom anna å ta vare på
- eit stort, samanhengande og i det vesentlege urørt fjellområde
- eit høgfjellsøkosystem med eigenarta og variert biologisk mangfald
- ta vare på sentrale leveområde til villreinstammen i Rondane.
Bruk av nasjonalparken [endre]
Verneforskrifta tillèt bruk av fjellområda til husdyrbeite og tradisjonelt friluftsliv.
Den norske turistforening driv fleire hytter innanfor eller i utkanten av parken, deriblant Rondvassbu, Bjørnhollia, Grimsdalshytta, Peer Gynt Hytta, Dørålseter og Eldåbu. Kjende turistmål er m.a. Mysusæter, Høvringen, Kvitskriuprestinn, Skranglehaugane, Smiubelgen, Rondeslottet, Verkildalsbotnen, Jutulhogget og Ulafallene.
Pilegrimsleia frå Oslo til Nidaros går gjennom parken.
Fjelltoppar [endre]
Det er ti fjelltoppar i Rondane som ragar over 2 000 moh.:
- Rondeslottet — 2 178 moh.
- Storronden — 2 142 moh.
- Høgronden — 2 115 moh.
- Midtronden Vest — 2 060 moh.
- Vinjeronden — 2 044 moh.
- Midtronden Øst — 2 024 moh.
- Sagtinden — 2 018 moh.
- Storsmeden — 2 016 moh.
- Digerronden — 2 016 moh.
- Veslesmeden — 2 015 moh.
