Lenvik kommune

Lenvik kommune
Komm.nr.	1931
Fylke	Troms
Adm.senter	Finnsnes
Areal	895 km²
Folkemengd	11 360 (1. jan 2012)
Politikk
Ordførar (2011-2015)	Geir-Inge Sivertsen (H)
Målform	Nøytral
Nettstad	www.lenvik.kommune.no
Folketalsutvikling 1951-2010
Lenvik kommune på Commons

Lenvik kommune (samisk: Leaŋgáviika suohkan) ligg i Troms. Han grensar i nord mot Norskehavet og fjorden Malangen - på hi sida av Malangen ligg Tromsø i nord og Balsfjord i nordaust. I søraust grensar Lenvik mot Målselv kommune, i sør mot Sørreisa kommune, og i vest mot Tranøy og Berg. Om lag 60 % av arealet til kommunen ligg på Senja, medan resten ligg på fastlandet.

Frå Finnsnes

Administrasjonssenter er Finnsnes.

Historie

Lenvik kommune var ein av dei opphavlege kommunane som vart oppretta med Formannskapslovene i 1837, og var då større enn han er no. I 1848 vart Målselv kommune skilt ut frå Lenvik som eigen kommune og i 1855 skjedde det same med Hillesøy. I 1871 vart eit område med 70 innbyggjarar overført til Malangen kommune. 1. januar 1964 vart den delen av Hillesøy som låg på Senja og øya Hekkingen slått saman med Lenvik att, saman med den delen av Sørreisa kommune som låg på Senja og gardane Hellemo, Paulsrud, Johnsgård og Stormo frå Tranøy kommune. Etter dette hadde Lenvik kommune 8825 innbyggjarar. I 1972 vart eit område med 63 innbyggjarar overført frå Målselv kommune til Lenvik kommune.

Delområde

Lenvik kommune er deld inn i følgjande seks delområde (innbyggjartal 2008):

• På fastlandet:
  • Rossfjordområdet (981)
  • Bjorelvnesområdet (466)
  • Finnsnesområdet (5352)
• På Senja:
  • Silsandområdet (2620)
  • Gibostadområdet (885)
  • Stønnesbotn/Øyfjordområdet (824)
• Heimstad ikkje oppgjeve (32)

Husøy i Lenvik kommune

Tettstader

• Finnsnes
• Gibostad
• Husøy
• Silsand

Bakgrunnsstoff

• Denne artikkelen bygger på «Lenvik» frå Wikipedia på bokmål, den 11. april 2008.

• Kommunefakta (Troms) - frå Statistisk sentralbyrå
• Lenvik kommune sine heimesider

Systerprosjekt

Commons har multimedia som gjeld: Lenvik kommune

Denne geografiartikkelen er ei spire. Du kan hjelpe Nynorsk Wikipedia gjennom å utvide han.