Norsk Selskab til Skibbrudnes Redning

Reiarlagsflagg

Veteranbåten «Biskop Hvoslef» som var i teneste frå 1933 til 1965

RS «Gjert Wilhelmsen», Fosen-klassa, Egersund Hamn, 2005

Norsk Selskab til Skibbrudnes Redning (NSSR), oftast kjend som Redningsselskapet, er ein norsk humanitær organisasjon. Han blei stifta av Kristiania Kjøbmandsforening 9. juli 1891. Organisasjonen har som formål å redde liv og berge verdiar på sjøen.

I oktober 2006 kom Øyvind Stene inn som ny generalsekretær i Redningsselskapet. Han kom frå stillinga som direktør i Kystverket, der han hadde vore i 6 år.

Norsk Selskab til Skibbrudnes Redning har hovudkontoret på Høvik.

Nokre kjende redningsaksjoner

• Den første redningsskøyta blei sett i teneste i 1893, og i 1894 redda «Colin Archer» 36 menneske i storm ved Hamningberg i Finnmark.
• Roktaforliset: 3. april 1938, gjekk DS «Rokta» på grunn og sakk ved Gallerskjera utanfor Bjørnsund. Seks av mannskapet på 12 blei berga av redningsskøyta RS «Christian Bugge» og lokale fiskarar.

Redningsskøytene

Pr. desember 2008 er det bygt i alt 141 redningsskøyter. Colin Archer designa den første klassa med redningsskøyter med segl som einaste framdriftsmiddel. Seinare vidareførte Bjarne Aas tradisjonen samtidig som skøytene fekk motor i tillegg til segl. I dag er alle seglskøytene teke ut av teneste og erstatta av hurtiggående skøyter med skrog i aluminium.

Sjå: Norske redningsskøyter

Plassering

I dag finst det 26 fast bemanna redningsskøyter langs norskekysten. I tillegg finst 14 sjøredningskorps med friviljuge mannskap strategisk stasjonert frå Oslofjorden opp til Tromsø, men også i innlandet på Mjøsa og Femunden.

Sjå også

• Royal National Lifeboat Institution
• Redningsselskapet sin sommarskule for barn
• Redningsstasjon
• Sjøredningsskulen i Stavern
• Norske redningsskøyter

Bakgrunnsstoff

• Redningsselskapet - offisiell heimeside