Al-Lubban al-Gharbi

al-Lubban al-Gharbi
اللبّن الغربيّ, al-Lubban al-Gharbiya, al-Lubban
kommune
Namneopphav: Al-Lubban Vest
Land	Dei palestinske territoria
Guvernement	Ramallah og al-Bireh guvernement
Koordinatar	32°02′04″N 35°02′22″E
Areal	9,7 km²
Folketal	1 476 (2006)
Folketettleik	152 / km²
Al-Lubban al-Gharbi 32.034444444444°N 35.039444444444°E / 32.034444444444; 35.039444444444
Kart som viser Al-Lubban al-Gharbi. Kart som viser Al-Lubban al-Gharbi.
Wikimedia Commons: Al-Lubban al-Gharbi

Al-Lubban al-Gharbi (arabisk اللبّن الغربيّ) er ein palestinsk landsby i Ramallah og al-Bireh guvernement, 21 kilometer nordvest for Ramallah nord på Vestbreidda. I følgje Palestinsk statistisk sentralbyrå hadde landsbyen eit folketal på 1 476 innbyggjarar i 2007.

Historie

Landsbyen ligg i åssida ved ein eldgamal stad, som er nemnt i Talmud som Beit Laban. Her finst ruinar av oldtidsbygningar, og somme av steinane har blitt brukt om att i landsbyhusa. Føre landsbymoskeen står foten av fem søyler som ein trur har vore ein del av eit kapell. Landsbyen har òg cisterner hogde ut i berget, og på sørvestsida ligg graver og grotter hogde ut i fjellet.

Som Lubban al-Kafr stod landsbyen oppført i osmanske skattelister i 1596 som ein del av Jabal Qubal nahiya i Nablus liwa. Han hadde eit folketal på 29 muslimske hushaldningar. Han betalte skattar av kveite, bygg, sommaravlingar, oliven, og geiter eller bikubar.

Den franske oppdagaren og amatørarkeolog Victor Guérin vitja landsbyen i 1863 og skriv «husa verkar å vere særs gamle og i lag dannar dei ein heilskap, som om dei alle var eitt enkelt hus. Store mengder eldgamle byggemateriale er obsevert i murane.» I «Survey of Western Palestina» frå 1881, vart landsbyen, (kalla «Lubban Rentis»), skildra som liten, og låg på ei høgd ved sidan av ein romersk veg.

I folketeljinga i 1931 hadde staden, kalla Al-Lubban eller Lubban Rantis, 60 busette hus og eit folketal på 298 muslimar.

I 1945 var folketalet i El Lubban 340, alle arabarar, som eigde 9 854 mål land i følgje ei offisiell landmåling. 1 411 mål var plantasjar og irrigert land, 1 118 nytta for korn, medan 6 mål var utbygd (urbant) land.

Sjå òg

• Al-Lubban ash-Sharqiya

Kjelder

• Denne artikkelen bygger på «Al-Lubban al-Gharbi» frå Wikipedia på engelsk, den 22. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine.
• Dauphin, Claudine (1998). La Palestine byzantine, Peuplement et Populations. BAR International Series 726 (på fransk). Vol. III : Catalogue. Oxford: Archeopress.
• Conder, Claude Reignier; Kitchener, H. H. (1881). The Survey of Western Palestine: Memoirs of the Topography, Orography, Hydrography, and Archeology. Vol. 2. London: Committee of the Palestine Exploration Fund.
• Guérin, Victor (1875). Description Géographique Historique et Archéologique de la Palestine (på fransk). Vol. 2: Samarie, pt. 2. Paris: L'Imprimerie Nationale.
• Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral.
• Wolf-Dieter Hütteroth and Kamal Abdulfattah (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2.
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
• Palmer, E. H. (1881). The Survey of Western Palestine:.