Kafr Ein

Kafr Ein
كفر عين, Kafr 'Ayn, Kufur Ain
kommune
View of Kafr Ein, 2012
Namneopphav: Kjeldelandsbyen
Land	Dei palestinske territoria
Guvernement	Ramallah og al-Bireh guvernement
Koordinatar	32°02′54″N 35°07′12″E
Areal	25 km²
Folketal	1 743  (2006)
Folketettleik	70 / km²
Borgarmeister	Mohammed Rifa'
Kafr Ein 32.04833333°N 35.12°E / 32.04833333; 35.12
Wikimedia Commons: Kafr Ein

Kafr Ein (arabisk كفر عين) er ein palestinsk landsby i Ramallah og al-Bireh guvernement, nordvest for Ramallah sentralt på Vestbreidda. I følgje Palestinsk statistisk sentralbyrå (PCBS) hadde Kafr Ein eit folketal på 1 743 innbyggjarar i 2007.

Historie

Kafr Ein tyder «kjeldelandsbyen». Landsbyen har ti vasskjelder og ti vassreservoar, eit av dei nyleg øydelagd.

Ein trur at det låg ein eldgammal stad på toppen av eit lokalt fjell kalla Haraek. Ein trur Haraek hadde både ei kyrkje og ein moské. I følgje ei lokal segn vart staden øydelagd under krosstoga og den einaste overlevande landsbybuararen kom ned frå fjellet og grunnla Kafr Ein.

Kafr Ein vart styrt av Barghouti-familien gjennom siste halvdelen av det osmanske styret i Palestina, og han låg då i sjeikdømet Bani Zeid.

Den franske oppdagaren Victor Guérin vitja landsbyen i 1870, og skreiv at han «verka ikkje særleg stor.» I 1882 skildra Palestine Exploration Fund i Survey of Western Palestine «Kefr Ain» som ei «lita grend i ei åsside, med forsyningar frå Ain Matrun, dalen i sørvest.»

I ei folketeljing i 1922 utført av Dei britiske mandatstyresmaktene hadde landsbyen, kalla Kufr 'Ain, eit folketal på 376, alle muslimar.

I 1945 var folketalet 550, alle arabarar, medan det samla landarealet var 7 145 mål, i følgje ei offisiell landmåling. Av dette var 4 928 for plantasjar og irrigert land, 724 for korn, medan 19 mål var klassifisert som utbygde område.

Kjelder

• Denne artikkelen bygger på «Kafr Ein» frå Wikipedia på engelsk, den 22. september 2015.
  • Wikipedia på engelsk oppgav desse kjeldene:
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Guérin, Victor (1875). Description Géographique Historique et Archéologique de la Palestine. Vol 2; Samarie, pt. 2. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 

Bakgrunnsstoff

• Velkomen til Kafr 'Ayn