Desolation Row

«Desolation Row» Song av Bob Dylan frå albumet Highway 61 Revisited
Språk	engelsk
Utgjeve	30. august 1965
Innspelt	Columbia Studios i New York, 4. august 1965
Sjanger	Folkrock
Lengd	11:21
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Bob Johnston

«Desolation Row» er det siste sporet på det sjette studioalbumet til Bob Dylan, Highway 61 Revisited frå 1965. Songen er kjend for lengda (11:21) og den surrealistiske teksten. Han vart spelt inn 4. august 1965, i Columbia sitt Studio A i New York City. To opptak vart sett saman for albumutgåva. Charlie McCoy spelte akustisk gitar på innspelinga, og songen er den einaste på albumet som ikkje inneheld elektrisk gitar. Eit anna opptak med elektrisk gitar og meir tydeleg bass vart gjeve ut på The Bootleg Series Vol. 7: No Direction Home: The Soundtrack.

Musikkmagasinet Rolling Stone plasserte songen på 187. plass på lista deira over dei 500 beste songane gjennom tidene. Joe Strummer har ein referanse til «Desolation Row» i songen sin «Coma Girl» på albumet Streetcore. Songen vert òg referert til i Laura Branigan sin «Spanish Eddie» i 1985.

Inspirasjon og komposisjon

They're selling postcards of the hanging They're painting the passports brown The beauty parlor is filled with sailors The circus is in town Bob Dylan

I eit intervju med USA Today i 2001 hevda Dylan at songen er ein «trubadursong»

Det har vore diskutert kvar Desolation Row er. Dylan fortalte i 1965 at det var «ein stad i Mexico», medan Al Kooper (som spelte orgel og piano på albumet) hevdar det er Eighth Avenue i New York City.

Andre utgåver

Den italienske visesongaren Fabrizio de André skreiv «Via della Povertà», ei italiensk tolking av «Desolation Row» på albumet Canzoni i 1974. Åge Aleksandersen spelte inn ei norsk utgåve av songen kalla «Nederst på Karl Johan» (på Fredløs: Dylan på norsk, 1997).

I følgje nettsida til Grateful Dead har dei spelt «Desolation Row» sidan midten av 1980-åra. Songen finst på albumet deira Postcards of the Hanging frå 2002.

Chris Smither spelte inn songen på albumet Train Home frå 2003 med Bonnie Raitt på korvokal og slidegitar.

Dan Tillberg gjorde ein svensk versjon av songen kalla «Hopplöshetens gränd» på Kärlek minus noll.

My Chemical Romance-utgåva

«Desolation Row» Singel av My Chemical Romance frå albumet Watchmen: Music from the Motion Picture
Språk	engelsk
Utgjeve	26. januar 2009
Innspelt	2008
Sjanger	Rock
Lengd	3:01
Selskap	Reprise Records Warner Sunset Records
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
My Chemical Romance-kronologi
«Teenagers» (2007)	«Desolation Row»	«Death Before Disco» (2009)

My Chemical Romance spelte ei punkrock-utgåve av «Desolation Row», for filmen Watchmen i 2009. Songen nådde 20. plass på Billboards Modern Rock Tracks i mars 2009. Det første kapittelet i Watchmen («At Midnight All the Agents») er òg kalla opp etter ei av linjene i songen, som òg inneheld eit sitat frå songen på slutten av kapittelet.

Norske utgåver

Jan Erik Vold skreiv ein norsk tekst til songen, kalla «Lågfot Aveny». Denne vart framført av Jan Erik Vold, Kåre Virud og Telemark Blueslag i 1981. Ein annan norsk tekst vart skriven av Håvard Rem og kalla «Nederst på Karl Johan». Denne vart framført av Åge Aleksandersen med band og Taraf de Haïdouks i 1997.

Bakgrunnsstoff

• Songeteksten Arkivert 2008-10-07 ved Wayback Machine.
• Rolling Stone-artikkel om «Desolation Row» Arkivert 2009-12-05 ved Wayback Machine.

Kjelder

• Denne artikkelen bygger på «Desolation Row» frå Wikipedia på engelsk, den 23. oktober 2009.
  • Wikipedia på engelsk oppgav desse kjeldene:

84:  «Let’s Stay Together»  Al Green

Plassering på lista til Rolling Stone frå 2021 over dei 500 beste songane gjennom tidene 83 «Desolation Row»  Bob Dylan

82:  «Rolling in the Deep»  Adele

188:  «Who'll Stop the Rain»  Creedence Clearwater Revival

Plassering på lista til Rolling Stone frå 2010 over dei 500 beste songane gjennom tidene 187 «Desolation Row»  Bob Dylan

186:  «Please Please Me»  The Beatles