The Rapture av Siouxsie and the Banshees

Frå Wikipedia – det frie oppslagsverket
The Rapture
Studioalbum av Siouxsie and the Banshees
Språk engelsk
Utgjeve 16. januar 1995
14. februar 1995 (USA)[1]
Innspelt 1993–1994
Studio Studio du Manoir (Léon i Frankrike) og Wessex (London)
Sjanger
Lengd 54:13
Selskap
Produsent
Siouxsie and the Banshees-kronologi 
Superstition
(1991) 		The Rapture Downside Up
(2004)
Siouxsie Sioux-kronologi
Superstition
Siouxsie and the Banshees
(1991) 		The Rapture Anima Animus
The Creatures
(1999)
Singlar frå The Rapture
  1. «O Baby»
    Utgjeve: 28. desember 1994
  2. «Stargazer»
    Utgjeve: 6. februar 1995

The Rapture er det 11. og siste studioalbumet til det engelske alternativ rock-bandet Siouxsie and the Banshees. Songane med celloarrangement, inkludert tittelsporet, i tillegg til «Fall from Grace» og «Not Forgotten», vart produserte av bandet på eiga hand i 1993. John Cale produserte sidan resten av songane i midten av 1994.

Innspeling og utgjeving[endre | endre wikiteksten]

Etter å ha komponert songar i heimen til Siouxsie og Budgie nær Toulouse i Frankrike i mars og april 1993, drog bandet til Léon nær Biarritz. Dei produserte den første delen av albumet i Studio du Manoir i mai. I byrjinga av 1994 spelte dei inn resten av songane i London, denne gongen med produsenten og det tidlegare Velvet Underground-medlemmar John Cale, som tidlegare hadde produsert album bandet likte godt, som Patti Smith sitt Horses og det første Modern Lovers-albumet. Cale miksa òg eit spor, «Fall from Grace», frå den første innspelinga.

I Storbritannia gav Polydor berre ut albumet på CD og kassett, medan Geffen i USA òg gav albumet ut på vinyl.

Albumet vart ommastra i 2014 med tre bonusspor, mellom anna ein song som ikkje var gjeven ut før kalla «FGM», og «New Skin», ein song spelt inn for filmmusikken til Showgirls av Paul Verhoeven.[2] «New Skin» har ein annan miks og er lengre enn originalen på Showgirls. Frå 2014 og på seinare nyutgjevingar har «Stargazer» fått ein annan miks av Mark Saunders i staden for den originale miksen som bandet laga.

Ei dobbel vinylutgåve av albumet, med ommastra lyd, kom ut i desember 2018.

Mottaking[endre | endre wikiteksten]

Meldingar
Karakter
KjeldeKarakter
AllMusic4/5 stars[3]
Select4/5 stars[4]
Vox7/10[5]

The Rapture fekk god kritikk. Melody Maker skreiv: «The Rapture er ei fascinerande og transkontinental reise gjennom farar og exotica». Arrangenmtet vart skildra som «eit levande overflodshorn med rik instrumentering, mandolinar som kjemper med celloar og bjøller, sveipande strykarar som skildrar stjernelyse hav og sirener som kallar frå kvasse klipper, og loft som gøymer løynde verder».[6] Steve Malins i Vox likte òg albumet. Han sa «Tittelsporet er eit strålande melodrama som minner om eksperimenteringa på Peepshow og Kiss in the Dreamhouse frå 1982», og konkluderte med «The Rapture representerer ein intelligent vri på kjende Banshees lidenskapar».[5] Liz Buckley i Sun Zoom Spark skreiv «Korleis kan eit band som vart skipa nesten to tiår sidan klare å halde seg så vitalt og så sett pris på? Svaret: Metamorfose». Buckley skreiv òg at «albumet klarar å få håra på nakken til å reise seg».[7] Select gav albumet fire av fem stjerner og skreiv at bandet var «leverer skummel pop betre enn dei fleste». Matt Hall skreiv at gruppa «travar fram med muntre melodiar om mentale samanbrot, kjærleik på grensa til mani og alvorleg forvridde forhold. The Rapture er ei fin lita russisk dukke på plate. Under klaverlinjene, dei frodige strykarane og OTT-perkusjon, finn ein i sentrum av kvar song ein flik av uro som gjer at du lyttar om att og om att».[4]

Innhald[endre | endre wikiteksten]

Alle spora produserte av Siouxsie and the Banshees utanom spor 1-2 og 7-8-9 av John Cale. Spor 4 produsert av Siouxsie and the Banshees og miksa av John Cale.

All musikk komponert av Siouxsie and the Banshees, utanom bonusspora «FGM» av Siouxsie/Jon Klein og «New Skin» av Siouxsie.

All tekst er skriven av Siouxsie Sioux, utanom der andre er nemnde.

Nr.TittelTekstLengd
1.«O Baby» 3:19
2.«Tearing Apart» 3:21
3.«Stargazer» 3:14
4.«Fall from Grace»Steven Severin3:43
5.«Not Forgotten» 4:44
6.«Sick Child»Budgie4:49
7.«The Lonely One» 3:29
8.«Falling Down» 2:53
9.«Forever» 4:04
10.«The Rapture» 11:30
11.«The Double Life»Severin4:10
12.«Love Out Me» 4:43
Bonusspor på 2014-utgåva
Nr.TittelLengd
13.«O Baby» (Manhattan mix)3:27
14.«FGM» (Ikkje-utgjeven demo)3:05
15.«New Skin» (Ikkje-utgjeven, lang versjon frå Showgirls)8:06

Medverkande[endre | endre wikiteksten]

Andre medverkande
Teknisk
  • John Cale - produsent og miks
  • Martin Brass - lydteknikar
  • Charlie Gray - lydteknikar

Salslister[endre | endre wikiteksten]

Album

År Liste Plassering
1995 UK Albums Chart 33
1995 US Billboard 200[8] 127

Singlar

År Singel Liste Plassering
1995 «O Baby» UK Singles Chart 34
1995 «O Baby» U.S. Modern Rock Tracks 21
1995 «Stargazer» UK Singles Chart 64

Kjelder[endre | endre wikiteksten]

  1. ↑ Sprague, David (7. januar 1995). Siouxsie Sioux Trades... Billboard. s. 13. 
  2. ↑ «Siouxsie and the Banshees relaunch archival campaign, new reissues due out in October». Consequenceofsound. 22. august 2014. Henta 28. august 2020. 
  3. ↑ Ogg, Alex. «The Rapture - Siouxsie and the Banshees». AllMusic. Henta 3. desember 2016. 
  4. ↑ 4,0 4,1 Hall, Matt. «Siouxsie and the Banshees The Rapture - review». Select. February 1995.
  5. ↑ 5,0 5,1 Malins, Steve. The Rapture review. Vox. Februar 1995
  6. ↑ Unsworth, Cathi. «Baby, Come back». Melody Maker. 14. januar 1995.
  7. ↑ Buckley, Liz. «Siouxsie and the banshees». Sun Zoom Spark. January 1995
  8. ↑ «Billboard 200 for Week Ending 4. mars 1995». Billboard: 95. 4. mars 1995. Henta 17. august 2015. 
Henta frå «https://nn.wikipedia.org/w/index.php?title=The_Rapture_av_Siouxsie_and_the_Banshees&oldid=3385251»