Ugljan
| Ugljan | |
|---|---|
| |
| Geografi | |
| |
| Stad | Adriahavet |
| Koordinatar | |
| Øygruppe | Zadar
|
| Areal | 50,21 km²
|
| Administrasjon | |
| Land | Kroatia |
| Fylke | Zadar
|
| Demografi | |
| Folketal | 5 666 (2021[1])
|
Ugljan er ei øy i Adriahavet ved kysten av Kroatia, nordvest for øya Pašman og søraust for Rivanj og Sestrunj. Ho har eit areal på 50,21 kvadratkilometer, ei lengd på 22 km og er opp til 3,8 km brei. Det bur 5 666 menneske på øya (2021).[1]
Administrativt er øya delt mellom tre kommunar. Den nordlege halvparten er administrert av kommunen Preko, som og omfattar småøyane Rivanj, Sestrunj og Ošljak. Kommunen Kali ligg mot sør, og den sørlegaste delen av øya er administrert av kommunen Kukljica.[2][3]
Mellom øya og fastlandet ligg Zadarsundet, og ho er forbunde med øya Pašman av ei bru over Ždrelacsundet. Kalkstein er den dominerande bergarten på øya, som er dekt av krattskog, medan dolomittområdet er jordbruksland. Rundt øya ligg dei større vikene Muline i nordvest, Lamjana Vela og Lamjana Mala i søraust. Austsida av øya går slakt ned mot sjøen.
Ugljan er ei av dei tettast folkesette øyane i Kroatia. Alle busetnadane (Preko, Ugljan, Lukoran, Sutomišćica, Poljana, Kali og Kukljica) ligg langs den oppdyrka austkysten på øya. Her vert det stort sett dyrka oliven, fiken og vindruer. Det går ei ferjerute frå Preko til Zadar.
Øya vart først nemnd med dagens namn i 1325, men ho har vore busett sidan neolittisk tid. Ho var tett folkesett alt under romartida, særleg dei nordvestlege delane der det ligg store romerske ruinar av antikke bygningar. Dagens busetnadar går tilbake til mellomalderen.
Folketal
[endre | endre wikiteksten]Folketalet på øya ved dei siste folketeljingane, fordelt på kommunane, var:
| Folketal 2001[4] | Folketal 2011[5] | Folketal 2021[1] | |
|---|---|---|---|
| Preko kommune[a] | 3 783 | 3 297 | 3 453 |
| Kali kommune | 1 731 | 1 638 | 1 585 |
| Kukljica kommune | 650 | 714 | 628 |
| Øya Ugljan | 6 164 | 6 049 | 5 666 |
Dei største tettstadene på øya var:
| Kommune | Folketal 2001[4] | Folketal 2011[5] | Folketal 2021[1] | |
|---|---|---|---|---|
| Kali | Kali | 1 731 | 1 638 | 1 585 |
| Preko | Preko | 1 351 | 1 286 | 1 250 |
| Ugljan | Preko | 1 316 | 1 278 | 1 024 |
| Kukljica | Kukljica | 650 | 714 | 628 |
| Lukoran | Preko | 492 | 503 | 478 |
| Sutomišćica | Preko | 354 | 336 | 380 |
| Poljana | Preko | 270 | 294 | 321 |
Merknader
[endre | endre wikiteksten]Kjelder
[endre | endre wikiteksten]Referansar
[endre | endre wikiteksten]- ↑ 1,0 1,1 1,2 1,3 «Population by age and sex, by settlements, 2021 Census». Narodne novine (Offisielt lysingsblad) (på kroatisk og engelsk). 2022. Henta 13. januar 2025.
- ↑ «The Constitution of the Republic of Croatia» (PDF) (på engelsk). Constitutional Court of the Republic of Croatia. 15. januar 2014. Henta 7. januar 2025. Offisiell omsetjing
- ↑ «Zakon o područjima županija, gradova i općina u Republici Hrvatskoj (Lov om territoria til fylke, byar og kommunar i Republikken Kroatia)». Narodne novine (Offisielt lysingsblad) (på kroatisk). 19. juli 2006. Henta 7. januar 2025.
- ↑ 4,0 4,1 «Census 2001; Population by age and sex, by settlements». Croatian Bureau of Statistics (på kroatisk og engelsk). Henta 13. januar 2025.
- ↑ 5,0 5,1 «Census of Population, Households and Dwellings 2011; Population by age and sex, by settlements» (på engelsk). Croatian Bureau of Statistics. Henta 13. januar 2025.