Stranda kommune
| Stranda kommune | |
|---|---|
 |
 |
| Komm.nr. | 1525 |
| Fylke | Møre og Romsdal |
| Adm.senter | Stranda |
| Areal | 867 km² |
| Folkemengd | 4 601 (1. jan 2012) |
| Politikk | |
| Ordførar (2011-) | Jan Ove Tryggestad (Sp) |
| Målform | Nynorsk |
| Nettstad | www.stranda.kommune.no |
| Folketalsutvikling 1951-2010[1] | |
 |
|
| Stranda kommune på Commons | |
Stranda er ein kommune i Møre og Romsdal. Han ligg ved Storfjorden på Indre Sunnmøre. Kommunesenteret er Stranda. I kommunesenteret og bygdene rundt bur det knapt 3.400 innbyggjarar, men bygdene Geiranger (250 innb.), Hellesylt (680 innb.), Liabygda (260 innb.) ligg òg i kommunen.
Industriverksemd er hovudnæringa i kommunen, og i tillegg til kjøt- og møbelindustri ligg mellom anna den største fabrikken for frosen pizza i Noreg her. Der lagar dei den kjende Grandiosa-pizzaen.
Stranda har to vidaregåande skular. Den private kristne internatskulen Vestborg vidaregåande skule og den fylkeskommunale Stranda vidaregåande skule.
Fjellområdet Åkerneset i Sunnylvsfjorden er rekna som ustabilt, og eit ras der kan skapa ei flodbølgje som vil ramma fleire av tettstadene. Fjellet er derfor nøye overvaka. [1]
Reiselivsnæringa har lange og sterke tradisjonar i kommunen. Geiranger vart tidleg eit reisemål, alt i 1869 kom det første skipet med utanlandske turistar til Geiranger. I dag er Geiranger nest største cruise-hamna i Noreg med 160 cruiseskip-anløp kvart år. I tillegg kjem dagleg anløp av hurtigruta. I alt gjestar om lag 700.000 turistar kvar sommar Geiranger.
Fossar, fjord, fjell og fråflytte fjellgardar som klorer seg fast i bratthenga, har gitt Geirangerfjorden oppnamnet ”Verdens vakraste fjord”. Han står på UNESCO si verdsarvliste.
Den ideelle organisasjonen Storfjordens Venner har i ei årrekkje restaurert fleire av dei fråflytte fjellgardane, m.a. ved hjelp av midlar frå Riksantikvaren og friviljugt arbeide.
Innhaldsliste |
Folketalsutvikling[endre]
Folketalsutvikling for noverande Stranda kommune frå 1900:
| 1900[2] | 1.12.1920[3] | 1.12.1930[4] | 3.12.1946[4] | 1.1.1951[5][6] | 1.1.1961[5][6] | 1.1.1971[5] | 1.1.1981[5] | 1.1.1991[5] | 1.1.2001[5] | 1.1.2010[5] |
|---|---|---|---|---|---|---|---|---|---|---|
| 3261 | 3101 | 3216 | 3911 | 4002 | 4474 | 4831 | 4825 | 4595 | 4656 | 4531 |
Kjende folk frå Stranda kommune[endre]
- Are Kalvø (1969– ), komikar og forfattar.
- Bjarne Solbakken, idrettsutøvar.
- Pål Øie, filmregisssør.
- Margreth Olin, filmregissør
- Per Vassbotn, (1941– ), journalist, forfattar og kommunikasjonsdirektør.
- Asbjørn Gjærde (1939– ), journalist og forfattar.
- Oddbjørn Sverre Langlo (1935–2004), høgrepolitikar.
- Inge Hermann Langlo (1933– ), tidl. møbelprodusent
- Petra Hellesylt Sæther (1907– ), jordmor.
- Peter Opsvik (1939– ), møbeldesigner. [2]
- Nils E. Ringset (1886–1976), bonde, venstrepolitikar og organisasjonsmann.
- Olav Oksvik (1888–1958), arbeidarpolitikar.
- Kristian Langlo (1894–1976), venstrepolitikar, rektor og ordførar.
- P.I. Langlo (1892–1940), føregangsmann og grunnleggjar av norsk møbelindustri.
Bakgrunnsstoff[endre]
- Sunnmøringen, lokalavis for bygdelaga i Stranda kommune.
- Stranda Sogelag - lokalsoge for bygdene: Stranda, Sunnylven, Geiranger og Liabygda.
Fotnotar[endre]
- ↑ Kjelde: SSB
- ↑ "Hjemmehørende folkemengde Møre og Romsdal 1801-1960 frå Registreringssentral for historiske data
- ↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
- ↑ 4,0 4,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 5,0 5,1 5,2 5,3 5,4 5,5 5,6 Folkemengd i Stranda 1. januar kvart år frå 1951, frå Statistisk sentralbyrå
- ↑ 6,0 6,1 Folkemengd i Sunnylven 1. januar kvart år frå 1951, frå Statistisk sentralbyrå
| Kommunar i Møre og Romsdal | ||
|---|---|---|
| Sunnmøre | Giske · Haram · Hareid · Herøy · Norddal · Sande · Skodje · Stordal · Stranda · Sula · Sykkylven · Ulstein · Vanylven · Volda · Ørskog · Ørsta · Ålesund |  |
| Romsdal | Aukra · Fræna · Midsund · Molde · Nesset · Rauma · Sandøy · Vestnes | |
| Nordmøre | Aure · Averøy · Eide · Gjemnes · Halsa · Kristiansund · Rindal · Smøla · Sunndal · Surnadal · Tingvoll | |
