Run of the Mill av Judas Priest

Frå Wikipedia – det frie oppslagsverket
Hopp til navigering Hopp til søk
Run of the Mill
Song av Judas Priest
frå albumet Rocka Rolla
Utgjeve 6. september 1974
Innspelt Juni - juli 1974 i Island,[1] Trident and Olympic Studios
Sjanger Psykedelisk rock, progressive rock, hardrock, heavy metal, proto-gotisk rock
Lengd 8:34
Selskap Gold Records
Låtskrivar(ar) Rob Halford

K.K. Downing Glenn Tipton

Produsent Rodger Bain

«Run of the Mill» er ein ballade av det britiske heavy metal-bandet Judas Priest frå debutalbumet deira, Rocka Rolla. Songen var den første skriven av gitaristen K.K. Downing, som skreiv songen kort tid etter at vokalisten Rob Halford kom med i bandet.[2][3] Downing skreiv songen dels for å syne den unike vokale rekkjevidda til Halford.[treng kjelde]

Songen vart først spelt inn som ein demo kring 1973 i lag med ein annan tidleg Priest-song, «Whiskey Woman». Denne songen kom seinare ut i ei anna form på det andre albumet til Priest som «Victim of Changes».[2] Manageren til Priest på den tida, Dave Corke, tok med seg demoen til Gold Records. Plateselskapet signerte Priest etter at direktøren David Howells hadde sett ein konsert med bandet, i lag med Budgie, i Marquee Club i London den 11. februar 1974. Songen vart seinare spelt inn på ny for debutalbumet Rocka Rolla sommaren 1974.

«Run of the Mill» var den lengste songen til Priest før «Cathedral Spires» vart spelt inn i 1997 for albumet Jugulator. Sjølv om Priest ikkje har spelt songen sidan midten av 1970-åra reknar mange fans og kritikarar songen som eit høgdepunkt på albumet og ein klassisk tidleg Priest-song.[treng kjelde]

Medverkande[endre | endre wikiteksten]

Kjelder[endre | endre wikiteksten]

  1. Sharpe-Young, Garry (2007). Metal - The Definitive Guide. Jawbone Press. s. 34. ISBN 9781906002015. Henta 27 April 2014. 
  2. 2,0 2,1 «The Judas Priest History». The Jugulator. Henta 27 April 2014. 
  3. Popoff, Martin (1 May 2011). Black Sabbath FAQ. Backbeat Books. s. 169. 
  4. M. Scott, Campbell. Walk With Me Awhile. s. 340.