Hopp til innhald

Tokelau

Frå Wikipedia – det frie oppslagsverket
Tokelau
Newzealandsk ikkje sjølvstyrt territorium
Flagg
Symbol
Land  New Zealand
Hovudstad ingen
Areal 10 km²
Folketal 1 499  (2016)[1]
Folketettleik 116 / km²
Protektorat skipa Juni 1889
 •  Britisk koloni 29. februar 1916
 •  Overført til New Zealand 11. februar 1926
 •  Newzealandsk suverenitet 1. januar 1949
Offisielle språk Tokelauisk, engelsk[2]
Retningsnummer +690
Internettdomene .tk
Kart
Tokelau
9°10′00″S 171°50′00″W / 9.1666666666667°S 171.83333333333°W / -9.1666666666667; -171.83333333333
Wikimedia Commons: Tokelau

Tokelau er ei øygruppe i Stillehavet, som vert administrert av New Zealand. Øygruppa består av tre atoll, om lag midtvegs mellom New Zealand og Hawaii. Arealet er 12 km² og øyane har 1392 ibuarar (2006). Dei tre øyane heiter Atafu, Fakaofo og Nukunonu. Alle tre øyane er busette av polynesiarar.

Kart over Tokelau

Øyane vart britisk protektorat i 1889. I 1916 vart dei del av den britiske kolonien Gilbert- og Elliceøyane (no dei sjølvstendige statane Kiribati og Tuvalu), men i 1926 vart dei overførte til New Zealand. Det foregår for tida ein prosess for å vedta ei grunnlov som vil gjera øyane til ein sjølvstyrt stat i fri assosiasjon med New Zealand, slik Niue og Cookøyane er. Ei folkerøysting om dette i februar 2006 oppnådde ikkje det naudsynte to tredjedelars fleirtal. Ei ny folkerøysting er planlagd for november 2007. Inntil vidare står Tokelau på SN si liste over ikkje-sjølvstyrte territorium som ikkje har blitt avkoloniserte.

Tokelau har blitt tildelt domenenamnet .tk på internet. Øyane prøver å tena pengar på å selja internett-adresser med dette domenenamnet.

  1. Final population counts: 2016 Tokelau Census (PDF), Statistics New Zealand, November 2016, s. 3 
  2. «Tokelau Info». Tokelau-info.tk. Arkivert frå originalen 26. oktober 2013. Henta 30. desember 2011.