New Kid in Town

New Kid in Town Singel av Eagles frå albumet Hotel California
B-side	«Victim of Love»
Språk	engelsk
Utgjeve	7. desember 1976
Sjanger	Softrock
Lengd	5:04 (album); 4:49 (singel)
Selskap	Asylum
Komponist	Glenn Frey, Don Henley, J. D. Souther
Tekstforfattar	Glenn Frey, Don Henley, J. D. Souther
Låtskrivar(ar)	Don Henley, Glenn Frey, J.D. Souther
Produsent	Bill Szymczyk
Eagles-kronologi
«Take It to the Limit» (1975)	New Kid in Town	«Hotel California» (1977)

«New Kid in Town» er ein song skriven av Don Henley, Glenn Frey og J.D. Souther og spelt inn av Eagles for albumet Hotel California i 1976. Han vart gjeven ut som den første singelen frå albumet og nådde toppen av singellista i USA og 20. plassen i Storbritannia. Singelversjonen tonar ut tidlegare enn albumversjonen. Den 26. februar 1977 nådde songen toppen av Billboard-lista. Glenn Frey syng solovokal på songen med Don Henley på harmonivokal. Randy Meisner spelar gitarrón mexicano og Joe Walsh elektrisk piano og orgel.

Eagles-biografen Marc Eliot skriv at «New Kid in Town» fangar «ein presis og spektakulær augneblink som alle karar som har kjent smerte, sjalusi, utryggleik, sinne og hjartesorg i den augneblinken han oppdagar at kjærasten likar nokon andre betre og har gått vidare kjenner att.» Han skriv òg at han fangar eit meir abstrakt tema om «den lunefulle karakteren til både musen og massane.»

I plateomslaget til The Very Best Of snakka Don Henley om kva songen tyder:

«

Han handlar om den forbigåande, lunefulle karakteren til kjærleik og romanse. Han handlar òg om den forbigåande karakteren til kjendislivet, særleg innan musikkindustrien. Me sa i hovudsak, 'Sjå her, me veit me er særs heite akkurat no, men me veit òg at nokon kjem til å kome og erstatte oss - både i musikk og kjærleik.'

»

I 1977 vann Eagles Grammy-prisen for beste stemmearrangement med «New Kid in Town».

På det første soloalbumet til Henley, I Can't Stand Still, refererer han til songen i linja «there's a new kid in town» mot avslutninga av «Johnny Can't Read».

Medverkande

• Glenn Frey: solovokal, akustisk gitar
• Don Henley: trommer, perkusjon, korvokal
• Don Felder: sologitar
• Joe Walsh: elektrisk piano, orgel
• Randy Meisner: bassgitar, gitarrón mexicano, korvokal

Lister

Liste (1976–77)	Plassering
Canadian RPM Top Singles	1
Canadian RPM Adult Contemporary Tracks	2
Canadian RPM Country Tracks	12
Nederland Top 40	9
UK	20
U.S. Billboard Hot 100	1
U.S. Billboard Hot Adult Contemporary Tracks	2
U.S. Billboard Hot Country Singlar	43

Årslister

Liste (1977)	Plassering
Canada	19
U.S. Billboard Hot 100	59

|}

Andre versjonar

• Den amerikanske countrysongar Trisha Yearwood song songen i 1993 på albumet Common Thread: The Songs of the Eagles.
• Den svenske dansebandsongaren Kikki Danielsson spelte songen i 2006 på albumet I dag & i morgon.
• Den finske gruppa Cumulus spelte songen i 1977 med den svenske tittelen «En främling i stan».
• Den franske countrysongaren Dick Rivers song songen i 1979 på albumet De Luxe med den franske tittelen «Le dernier d'la classe».

Kjelder

• Denne artikkelen bygger på «New Kid in Town» frå Wikipedia på engelsk, den 17. oktober 2015.
  • Wikipedia på engelsk oppgav desse kjeldene:

Bakgrunnsstoff

• Heile songteksten på MetroLyrics