Roxy Music av Roxy Music

Frå Wikipedia – det frie oppslagsverket
Gå til: navigering, søk
Roxy Music
Studioalbum av Roxy Music
Utgjeve 16. juni 1972
Innspelt 14. til 29. mars 1972 i Command Studios i London
Sjanger Glamrock, kunstrock
Lengd 45:37
Selskap Island, Polydor (UK)
Reprise, Atco (U.S.) [1]
Produsent Peter Sinfield
Kritikk
Roxy Music-kronologi
Roxy Music For Your Pleasure
(1973)


Roxy Music er debutalbumet til kunstrockbandet Roxy Music, gjeven ut i juni 1972. Det vart generelt godt motteke av kritikarane då det kom ut og nådde 10. plass på den britiske albumlista. I Noreg nådde det 23. plass.

Stil og tema[endre | endre wikiteksten]

Opningssongen, «Re-Make/Re-Model», har vorte kalla ein postmodernistisk pastisj med soloar av kvart bandmedlem som gjentek forskjellige kjente musikkstykke som The Beatles sin «Day Tripper», Duane Eddy sin versjon av «Peter Gunn» og Wagner sin «Ride of the Valkyries». Det mystiske refrenget «CPL 593H» var visstnok bilnummeret til ein bil som Bryan Ferry såg, med ei vakker dame bak rattet. Eno produserte noko sjølvlaga 'galskap' då Ferry bad han om ein lyd «som likna månen» på songen «Ladytron». «If There Is Something» vart spelt inn på ny av David Bowie sitt Tin Machine, og vart seinare nytta mykje i den britiske filmen Flashbacks of a Fool.

Mange av songane var tematisk knytte til filmar. «2HB» er ein hyllest til Humphrey Bogart og siterte linja «Here’s looking at you, kid», som vart gjort kjend i filmen Casablanca (1942); «Chance Meeting» var inspirert av David Lean sin Brief Encounter (1945). «The Bob» tok tittelen frå filmen Battle of Britain (1968) og inneheld parti som simulerer geværskot.

Om musikken sa Andy Mackay seinare at «me fann definitivt ikkje opp eklektisisme, men me sa og beviste at rock 'n' roll kunne tilpassast - vel, alt mogeleg eigentleg.»

Produksjon[endre | endre wikiteksten]

Bandet hadde øvd og omarbeidd songane i fleire månader før dei endeleg fann ein stad å spele dei inn. Heile albumet vart spelt inn i løpet av ei enkelt veke. Dette var naudsynt sidan dei ikkje hadde platekontrakt enno, og managerane deira i EG finansierte innspelingane sjølve. Albumet vart produsert av tekstforfattaren til King Crimson, Peter Sinfield, som nyleg hadde gått frå det bandet. I mai 1972, eit par veket etter innspelinga, signerte bandet ein kontrakt med Island Records og i juni kom albumet ut.

Hangen til glamour kom til syne i både tekstane og plateomslaget i 50-talsstil, med bilete, hårfrisyre og skriftdetaljar på omslaget. Fotografen Karl Stoecker tok bilete på omslaget med modellen Kari-Ann Muller, som seinare gifta seg med Chris Jagger, bror til Mick Jagger. Albumet var tileigna Susie, ein trommeslagar som prøvespelte for Roxy Music den første tida deira.

Singel[endre | endre wikiteksten]

Den originale plata inneheldt ingen singlar. I juli 1972, eit par veket etter kontrakten vart signert, spelte Roxy Music inn to songar til, «Virginia Plain» og «The Numberer», som vart gjevne ut som ein singel. Han nådde 4. plass i Storbritannia og medverka til at albumet selde godt. Sjølve albumet gjekk til 10. plass. På seinare utgåver av albumet, inkludert CD-utgåva er songen «Virginia Plain» med.

Mottaking[endre | endre wikiteksten]

I Q & Mojo Classic Special Edition Pink Floyd & The Story of Prog Rock, er albumet plassert på 31. plass på lista over 40 kosmiske rockealbum.[6]

Ferry sa rundt tida då dei gav ut det tredje albumet, Stranded, at han ikkje likte den rare produksjonen på det første albumet, og spelte inn att «Re-Make/Re-Model», «Chance Meeting» og «Sea Breezes» som han gav ut som B-sider på solosinglane sine.

Innhald[endre | endre wikiteksten]

Alle songar er skrivne av Bryan Ferry

Side ein
# Tittel Lengd
1. «Re-Make/Re-Model»   5:14
2. «Ladytron»   4:26
3. «If There Is Something»   6:34
4. «Virginia Plain» (ikkje på den originale britiske utgåva) 2:58
5. «2HB»   4:30
Side to
# Tittel Lengd
6. «The Bob (Medley)»   5:48
7. «Chance Meeting»   3:08
8. «Would You Believe?»   3:53
9. «Sea Breezes»   7:03
10. «Bitters End»   2:03

Medverkande[endre | endre wikiteksten]

Kjelder[endre | endre wikiteksten]

  1. Strong, Martin C. (2006). The Essential Rock Discography. Edinburgh: Canongate. s. 930. ISBN 1841958603. 
  2. Erlewine, Stephen Thomas. «allmusic ((( Roxy Music > Review )))». Allmusic. http://www.allmusic.com/album/r17007. Henta 31. mars 2011. 
  3. Brackett, Nathan. "Roxy Music". The New Rolling Stone Album Guide. November 2004. s. 705,
  4. Christgau, Robert. "Roxy Music". robertchristgau.com, henta 31. mars 2011.
  5. Scaruffi, Piero. "Roxy Music". pieroscaruffi.com (italiensk). Henta 31. mars 2011.
  6. Q Classic: Pink Floyd & The Story of Prog Rock, 2005.