Buddy Holly

Frå Wikipedia – det frie oppslagsverket
Gå til: navigering, søk
Gravsteinen i Lubbock

Charles Hardin Holley, betre kjend som Buddy Holly, (7. september 19363. februar 1959) var ein US-amerikansk songar og låtskrivar. Han var ein av dei leiande i utviklinga av musikkstilen Rock and Roll.

Liv og gjerning[endre | endre wikiteksten]

Holley var fødd i Lubbock i Texas, i ein musikalsk familie. Holley danna i 1956 bandet 'The Crickets' og byrja spele inn plater i eit studio i Clovis i New Mexico. Mellom songane som vart spela inn var «That'll Be the Day». 'Buddy Holly and The Crickets' fekk kontrakt med Coral Records. «That'll Be the Day» vart ein kjempehit i 1957.

Etter at gruppa hadde gitt ut fleire suksessrike songar, reiste Buddy Holly og bandet i mars 1958 på turne til Storbritannia. I 1959 braut Buddy Holly med The Crickets og drop ut på soloturne med kjende artistar som Ritchie Valens, Waylon Jennings og J. P. Richardson (kjend som «The Big Bopper»).

Hollys stil var meir kontrollert enn Elvis sin stil. Stilen var også meir oppfinnsam enn det dei fremste Country and Western-artistane stod for, og hadde i ei tid sterk innverknad på ungdomskulturen på begge sider av Atlanterhavet. New Wave-rørsla med musikarar som Elvis Costello og Marshall Crenshaw var særleg påverka, men også tidlege folkrockgrupper som The Byrds og The Turtles.

Buddy Holly var den som framom nokon gjorde 'Fender Stratocaster' til eit kjent instrument. Denne gitartypen, med sine revolusjonarende magnetmikrofonar, gav musikken hans eit eige lydbilete (sound), som seinare vart kopiert av både beatmusikarar, folkrockmusikarar og andre.

Holly omkom i ein flystyrt ved Clear Lake i Iowa i 1959. Saman med Ritchie Valens og J. P. Richardson var han i småfly på veg frå eit speleoppdrag, også dei omkom.

Diskografi[endre | endre wikiteksten]

  • 1963 Brown Eyed Handsome Man
  • 1962 Reminiscing
  • 1960 True Love Ways
  • 1959 It Doesn't Matter Anymore
  • 1959 Raining In My Heart
  • 1959 Peggy Sue Got Married
  • 1959 Crying, Waiting, Hoping
  • 1958 Maybe Baby
  • 1958 Rave On
  • 1958 Heartbeat
  • 1958 Well All Right
  • 1957 That'll Be The Day
  • 1957 Peggy Sue
  • 1957 Everyday
  • 1957 Oh Boy!
  • 1957 Not Fade Away

Kjelde[endre | endre wikiteksten]