Sífnos

Sífnos Lokalt namn: Σίφνος
Kapellet nedanfor Kástro
Geografi
Stad	Egearhavet
Koordinatar	36°59′5″N 24°40′5″E
Øygruppe	Kykladane
Areal	74 km²
Administrasjon
Land	Hellas
Periferi Periferieining	Dei sørlege egeiske øyane Mílos
Demografi
Folketal	2 442 (2001)
Folketettleik	33 /km²

Sífnos (gresk Σίφνος) er ei øy i Hellas som høyrer til Kykladane i Egearhavet. Sífnos er eigen kommune, og frå 2011 høyrer øya administrativt til under periferieininga Mílos i periferien Dei sørlege egeiske øyane.

Hovudbyen på øya heiter Apollonía og ligg om lag midt på øya. Den nest største landsbyen er Kástro, som er bygd på toppen av ei høg klippe på nordvestkysten. Hamna, som ligg på vestkysten, heiter Kamáres.

Geografi

Sífnos ligg i den vestlege delen av Kykladane som har noko mindre turisme enn den austlege delen av øygruppa. Ho ligg mellom Sérifos og Mílos, vest for Dílos og Páros og om lag 130 km frå Pireus. Ho har eit areal på 74 km² og er 15 km lang og 7,5 km brei med ei kystlinje på 70 km. Folketalet er på om lag 2 500. Øya har ferjesamband med ruta som går mellom fleire av øyane i Kykladane og til Pireus.

Historie

Sífnos var ei velståande øy i antikken på grunn av gull- og sølvgruvene som var her. Dette veit ein på grunn av skattkammeret innbyggjarane bygde ved Delfi på 500-talet fvt. Ein veit derimot ikkje om gruvene gjekk tom eller om dei vart fylt med sjøvatn. Uansett stoppa produksjonen opp.

Øya har vore rik på leire, har mykje sol og fine temperaturar, og dette har gjort Sífnos til eit senter for keramikk i Egearhavet gjennom tidenene.

Landsbyar

Apollonía

• Apollonía
• Artemónas
• Fáros
• Kástro
• Platýs Gialós
• Sífnos, òg kalla Kamáres Sífnou
• Vathý

Kjelde

• Denne artikkelen er basert på ei omsetjing av artikkelen Sifnos frå Engelsk Wikipedia .