Timiş

Timiş Tamiš (Тамиш)
Tamiš nær Pančevo
Utspring	Semenicfjella i Trei Ape i Romania
- Høgd	1440 moh
Munning	Donau, nær Pančevo i Serbia
Land i nedslagsfelt	Romania SRB Serbia
Lengd	359 km
Middelvassføring	47 m³/s
Nedslagsfelt	13 085 km²
Renn gjennom	Sfântu Gheorghe, Râmnicu Vâlcea, Slatina
Kart med Timiş inntegnet

Flaum i Jaša Tomić i 2005

Timiş eller Tamiš (rumensk Timiş; serbisk: Тамиш eller Tamiš; tysk: Temesch; ungarsk: Temes) er ei 359 km lang elv i Romania og Serbia. Ho spring ut frå Semenicfjella, sør i Karpatane i Caraş-Severin fylke i Romania. Frå her renn ho gjennom regionen Banat region og munnar ut i Donau nær Pančevo, nord i Serbia.

Namn

I antikken vart elva kalla Tibiscus og Tibisis.

Kjenneteikn

Elva har eit nedslagsfelt på 13 085 km² (8085 km² i Romania, 5000 km² i Serbia). Via Donau høyrer elva til Svartehavet sitt nedslagsfelt.

Elva startar frå innsjøen Trei Ape der elvane Brebu,Grădiştea og Semenic renn ut. Etter å ha kome inn i Banat flyt ho sakte og svingar seg over slettene. I regntunge periodar fører ho ofte til flaum i dette området. Flaumen i 2005 råka særleg hardt då landsbyane Boka og Jaša Tomić fekk store skadar. I april 2005 vart elva målt 8,44 m over normalt nivå, det høgaste som er målt i elva. Våren 2007 byrja arbeidet med å vollar langs elvebreidda for å hindre fleire flaumar her.

I den nedre delen er elva regulert og dei siste 53 km er det mogeleg med skipsfart. Den viktigaste hamna er industribyen Pančevo.

Sideelvar

241 km av elva renn gjennom Romania og her mottar ho fleire mindre sideelvar: Râul Rece, Slatina, Valea Mare, Măcicaş, Pârâul Lung, Armeniş, Sebeş, Bistra, Şurgani, Timişana, Pogăniş, Timişul Mort og Vena Mare. 118 km renn i Serbia og her mottar ho berre ei større sideelv, Brzava, som òg er den største sideelva hennar.

Byar

Dei største byane Caransebeş og Lugoj i Romania.

Kjelder

• Denne artikkelen bygger på «Timiş River» frå Wikipedia på engelsk, den 4. juli 2008.
  • Wikipedia på engelsk oppgav desse kjeldene:
• Mala Prosvetina Enciklopedija, Third edition (1985); Prosveta; ISBN 86-07-00001-2
• Jovan Đ. Marković (1990): Enciklopedijski geografski leksikon Jugoslavije; Svjetlost-Sarajevo; ISBN 86-01-02651-6
• Administraţia Naţională Apelor Române - Cadastrul Apelor - Bucureşti
• Institutul de Meteorologie şi Hidrologie - Rîurile României - Bucureşti 1971
• Trasee turistice - judeţul Timiş [1]