El Dorado av Iron Maiden
| El Dorado Singel av Iron Maiden frå albumet The Final Frontier | ||
| Utgjeve | 8. juni 2010 | |
| Innspelt | Compass Point Studios i Nassau på Bahamas i 2010 | |
| Sjanger | Heavy metal | |
| Lengd | 6:49 | |
| Selskap | EMI | |
| Tekstforfattar | Steve Harris | |
| Låtskrivar(ar) | Bruce Dickinson, Adrian Smith, Steve Harris [1] | |
|---|---|---|
| Produsent | Kevin Shirley | |
| Iron Maiden-kronologi | ||
| «Different World» (2006) |
El Dorado | «Speed of Light» (2015)
|
«El Dorado» er ein song av det engelske heavy metal-bandet Iron Maiden frå albumet The Final Frontier frå 2010. Songen vart den 41. singelen til bandet og den einaste frå albumet. Songen vart gjort tilgjengeleg for gratis nedlasting via den offisielle nettsida til bandet 8. juni 2010, ein dag før turneen for albumet byrja.[2] Singelomslaget vart laga av Anthony Dry og er basert på omslag av EC Comics, publiserte av William Gaines, som var populære i 1950-åra. Om den tidlege utgjevinga sa vokalisten Bruce Dickinson «El Dorado er ei førehandsvising av det komande albumet vårt. Me skal spele han på den komande turneen, så me tenkte å takke fansen vår med å få dei i The Final Frontier-stemning og gje dei ein song før turneen byrja og albumet kjem ut.»[2]
Dickinson forklarte at teksten er ein kynisk kritikk av finanskrisa i 2007-2008 og samanlikna bankfolka som var ansvarlege med folka som selde myta om El Dorado.[1]
«El Dorado» vann Grammyprisen for beste metal-song i 2011.[3] Det var første gongen bandet vann etter å ha vore nominert to gonger tidlegare.[4][5]
Gitarsoloen i songen vert spelt av alle dei tre gitaristane i bandet, Adrian Smith (3:42-3:53), Dave Murray (3:53-4:06) og Janick Gers (4:06-4:23).[6]
Medverkande[endre | endre wikiteksten]
- Iron Maiden
- Bruce Dickinson – solovokal
- Dave Murray – gitar
- Adrian Smith – gitar
- Janick Gers – gitar
- Steve Harris – bassgitar, medprodusent
- Nicko McBrain – trommer
- Produksjon
- Kevin Shirley – produsent, miksing
- Jared Kvitka – lydteknikar
- Anthony Dry – illustrasjon
- Peacock – kunstnarisk leiar, design
Kjelder[endre | endre wikiteksten]
- Denne artikkelen bygger på «El Dorado (Iron Maiden song)» frå Wikipedia på engelsk, den 5. september 2016.
- Wikipedia på engelsk oppgav desse kjeldene:
- ↑ 1,0 1,1 «'We're Taking No Prisoners'». Kerrang!. 9. juni 2010. Henta 9. juni 2010.
- ↑ 2,0 2,1 «Maiden Announce Release Date, Artwork and Tracklisting for New Album The Final Frontier». Iron Maiden official website. 1. september 2016. Arkivert frå originalen 27. september 2015. Henta 5. september 2016.
- ↑ «Iron Maiden, Slayer, Megadeth, Ozzy, Korn Among Grammy Awards Nominees». Blabbermouth. 1 December 2010. Henta 5. september 2016.
- ↑ «Grammy Awards: Best Metal Performance». Rock on the Net. Henta 5. september 2016.
- ↑ «53rd Grammy Awards Winners». Grammys. 5. september 2016. Henta 5. september 2016.
- ↑ «El Dorado - Single Review». Ultimate Guitar. 10. november 2010. Arkivert frå originalen 28. juli 2012. Henta 5. september 2016.
