Sweetheart of the Rodeo

Frå Wikipedia – det frie oppslagsverket
Hopp til navigering Hopp til søk
Sweetheart of the Rodeo
Studioalbum av The Byrds
Utgjeve 30. august 1968
Innspelt 9. til 15. mars 1968 i Columbia Studios i Nashville i Tennessee
4. april til. 27. mai 1968, Columbia Studios, Hollywood i California
Sjanger Countryrock
Lengd 32:35
Selskap Columbia
Produsent Gary Usher
The Byrds-kronologi
The Notorious Byrd Brothers
(1968)
Sweetheart of the Rodeo Dr. Byrds & Mr. Hyde
(1969)


Sweetheart of the Rodeo er det sjette albumet til det amerikanske rockebandet The Byrds og kom ut 30. august 1968 på Columbia Records.[1] Countryrockpionereen Gram Parsons var no blitt medlem i bandet, og dette var det første countryrockalbumet av ein større artist nokon gong, og for bandet var det eit stort sprang bort frå den psykedeliske rocken på det førre albumet, The Notorious Byrd Brothers.[2][3] The Byrds hadde stundom eksperimentert med country på dei fire førre albuma deira, men Sweetheart of the Rodeo er det første som stod med begge beina planta i denne leiren.[4][5][6] Med dette albumet vart Gram Parsons, som vart medlem av The Byrds like før innspelinga, kjend for det store publikum for første gong.[6][7] Albumet er derfor eit viktig kapittel for både Parsons og countrymusikken, som etter dette vart teken opp av eit ungt publikum.[8]

Albumet var opphavleg meint som ei musikalsk historie om amerikansk popmusikk frå 1900-talet, og omfatta stilar som country, jazz og rhythm and blues.[4] Lidskapen til den då ukjende Parsons for country gjorde at dette konseptet raskt vart skrinlagd, og albumet vart i staden eit reint countryalbum.[4][9] Plata vart spelt inn i både Nashville og Los Angeles, med fleire kjende studiomusikarar, som Lloyd Green, John Hartford, JayDee Maness og Clarence White.[10] Det vart krangling mellom Parsons og resten av bandet, særleg med McGuinn, og noko av vokalen til Parsons vart spelt inn på ny, mellom anna på grunn av juridiske komplikasjonar, og då albumet kom ut i august hadde Parsons alt forlete bandet.[11][12][13] Då The Byrds flytta seg frå rock og pop til country, førte dette til stor motstand i det særs konservative countrymiljøet i Nashville, som såg på The Byrds som ein gjeng hippiar som prøvde å øydeleggje countrymusikken.[9]

Då det kom ut nådde det 77. plass i i USA, men gjekk ikkje inn på lista i Storbritannia.[14][15] To singlar var gjeven ut frå albumet, «You Ain't Goin' Nowhere», som selde moderat, og «I Am a Pilgrim», som ikkje nådde lista i det heile.[15][16] Albumet fekk stort sett positiv omtale i musikkpressa, men endringa frå psykedelisk musikk framandgjorde store delar av pop-publikumet til bandet.[17] Trass i at albumet til då var det minstseljande albumet til The Byrds, vert det i dag rekna som eit av dei aller første og særs viktige countryrockalbuma.[4]

I 2003 hamna albumet på 117. plass på lista til Rolling Stone over dei 500 største albuma gjennom tidene,[18] og Stylus Magazine sette albumet på 175. plass på ei tilsvarande lista same året.[19]

Innhald[endre | endre wikiteksten]

Side ein
# Tittel Lengd
1. «You Ain't Goin' Nowhere» (Bob Dylan) 2:33
2. «I Am a Pilgrim» (tradisjonell, arrangert av Roger McGuinn, Chris Hillman) 03:39
3. «The Christian Life» (Charles Louvin, Ira Louvin) 02:30
4. «You Don't Miss Your Water» (William Bell) 03:48
5. «You're Still on My Mind» (Luke McDaniel) 02:25
6. «Pretty Boy Floyd» (Woody Guthrie) 02:34
Side to
# Tittel Lengd
7. «Hickory Wind» (Gram Parsons, Bob Buchanan) 03:31
8. «One Hundred Years from Now» (Gram Parsons) 02:40
9. «Blue Canadian Rockies» (Cindy Walker) 02:02
10. «Life in Prison» (Merle Haggard, Jelly Sanders) 02:46
11. «Nothing Was Delivered» (Bob Dylan) 03:24

Medverkande[endre | endre wikiteksten]

The Byrds
Andre medverkande

Kjelder[endre | endre wikiteksten]

  1. Rogan, Johnny. (1998). The Byrds: Timeless Flight Revisited (2nd utg.). Rogan House. s. 544–546. ISBN 0-95295-401-X. 
  2. Smith, Chris. (2009). 101 Albums That Changed Popular Music. Oxford University Press. s. 63. ISBN 0-195-37371-5. 
  3. Hjort, Christopher. (2008). So You Want To Be A Rock 'n' Roll Star: The Byrds Day-By-Day (1965-1973). Jawbone Press. s. 187–188. ISBN 1-90600-215-0. 
  4. 4,0 4,1 4,2 4,3 Fricke, David. (1997). Sweetheart of the Rodeo (1997 CD liner notes). 
  5. «Sweetheart of the Rodeo review». Allmusic. Henta 18. oktober 2010. 
  6. 6,0 6,1 «Sweetheart of the Rodeo review». Sputnikmusic. Henta 18. oktober 2010. 
  7. Griffin, Sid. (1985). Safe at Home (1991 CD liner notes). 
  8. «Sweetheart of the Rodeo». ByrdWatcher: A Field Guide to the Byrds of Los Angeles. Henta 18. oktober 2010. 
  9. 9,0 9,1 Fricke, David. (2003). Sweetheart of the Rodeo: Legacy Edition (2003 CD liner notes). 
  10. Rogan, Johnny. (1998). The Byrds: Timeless Flight Revisited (2nd utg.). Rogan House. s. 624–625. ISBN 0-95295-401-X. 
  11. Rogan, Johnny. (1998). The Byrds: Timeless Flight Revisited (2nd utg.). Rogan House. s. 250–261. ISBN 0-95295-401-X. 
  12. Hjort, Christopher. (2008). So You Want To Be A Rock 'n' Roll Star: The Byrds Day-By-Day (1965-1973). Jawbone Press. s. 162–176. ISBN 1-90600-215-0. 
  13. Hjort, Christopher. (2008). So You Want To Be A Rock 'n' Roll Star: The Byrds Day-By-Day (1965-1973). Jawbone Press. s. 177–187. ISBN 1-90600-215-0. 
  14. Whitburn, Joel. (2002). Top Pop Albums 1955-2001. Hal Leonard Corp. s. 121. ISBN 0-63403-948-2. 
  15. 15,0 15,1 Brown, Tony. (2000). The Complete Book of the British Charts. Omnibus Press. s. 130. ISBN 0-7119-7670-8. 
  16. Whitburn, Joel. (2008). Top Pop Singles 1955-2006. Record Research Inc. s. 130. ISBN 0-89820-172-1. 
  17. Rogan, Johnny. (1998). The Byrds: Timeless Flight Revisited (2nd utg.). Rogan House. s. 269. ISBN 0-95295-401-X. 
  18. «The RS 500 Greatest Albums of All Time». Rolling Stone. Henta 18. oktober 2010. 
  19. «Top 101-200 Favourite Albums Ever». Stylus Magazine. Henta 18. oktober 2010. 
    • Rogan, Johnny, The Byrds: Timeless Flight Revisited, Rogan House, 1998, ISBN 0-95295-401-X
    • Hjort, Christopher, So You Want To Be A Rock 'n' Roll Star: The Byrds Day-By-Day (1965–1973), Jawbone Press, 2008, ISBN 1-90600-215-0.