Hammer to Fall

Frå Wikipedia – det frie oppslagsverket
Hammer to Fall
Singel av Queen
frå albumet The Works
B-side

Tear It Up

Utgjeve 10. september 1984 (UK) (UK etc.)
12. oktober 1984 (US)
Innspelt January 1984
Sjanger Hardrock
Lengd * 4:28 (album)
  • 3:40 (singel)
  • 5:25 (12" Headbanger's Mix)
Selskap EMI, Capitol
Komponist Brian May
Tekstforfattar Brian May
Låtskrivar(ar) Brian May
Produsent Queen og Reinhold Mack
Queen-kronologi 
«It's a Hard Life»
(1984)
Hammer to Fall «Thank God It's Christmas»
(1984)


«Hammer to Fall» er ein song frå 1984 av det britiske rockebandet Queen. Han var skriven av gitaristen Brian May og er den åttande songen på albumet The Works.[1]

Han var den fjerde og siste singelen frå albumet. Singelversjonen vart korta ned 30 sekund frå versjonen på albumet. Songen minnar om tidlege Queen-songar og vart bygd kring eit hardt og muskuløst riff. Freddie Mercury syng solovokal på songen.

«Hammer to Fall» var ein konsertfavoritt og var den tredje songen som vart framført på Live Aid i 1985.[2][3][4] Songen vart på setlista på både The Works-turneen og The Magic-turneen.[5][6] Albumversjonen finst på Queen Rocks, medan singelversjonen finst på Greatest Hits II og Classic Queen.[1]

Tolking[endre | endre wikiteksten]

Teksten har fleire referansar til den kalde krigen og mange har meint at songen handlar om atomkrig. Omgrepet «waiting for the hammer to fall» i songen er teken som ein referanse på at ein venta at den kalde krigen kunne bli «varm», eller som ein referanse til det sovjetiske hammar og sigd-symbolet. May skreiv på heimesida si at «Hammer to Fall i røynda handla om liv og død og vere klår over at døden er ein del av livet, og at hammaren er eit symbol på døden.[7]

Musikkvideo[endre | endre wikiteksten]

Musikkvideoen var regissert av David Mallet med bilete av ein konsertversjon av songen i Brussel under The Works-turneen.[8]

Konsertopptak[endre | endre wikiteksten]

Songen var ein populær konsertsong og var den tredje songen dei spelte på Live Aid, etter «Bohemian Rhapsody» og «Radio Ga Ga».[3] Under konsertversjonane spelte ofte turneklaverspelaren deira Spike Edney rytmegitar. «Hammer to Fall» vart framført på både The Works-turneen og The Magic-turneen.[5][6]

Under Freddie Mercury Tribute Concert i 1992 framførte Extreme-songaren Gary Cherone songen i lag med Queen og Tony Iommi frå Black Sabbath.[9]

Ein annan versjon av songen vart framført som ein ballade av Queen + Paul Rodgers i 2005. Songen nådde tredjeplassen på singellista i Sør-Amerika og 13. plassen i Storbritannia.[10] Songen vart nytta i filmen Highlander.

I andre media[endre | endre wikiteksten]

Lister[endre | endre wikiteksten]

Medverkande[endre | endre wikiteksten]

Kjelder[endre | endre wikiteksten]

  1. 1,0 1,1 The Works Ultimate Queen. Henta 29. juni 2016
  2. Peter Stanford (24 Sep 2011). Queen: their finest moment at Live Aid. The Telegraph. Henta 15. mai 2012
  3. 3,0 3,1 Queen Concerts: 13. juli 1985 Wembley Stadium, London, (Live Aid) Henta 29. juni 2016
  4. Live Aid: Hammer to Fall Ultimate Queen. Henta 29. juni 2016
  5. 5,0 5,1 Queen live on tour: The Works 1985 Queen Concerts. Henta 29. juni 2016
  6. 6,0 6,1 Queen live on tour: Magic tour Queen Concerts. Henta 29. juni 2016
  7. Brian May: Brian's Soapbox, April 2004, brianmay.com
  8. Queen Biography 1984 Arkivert 2012-02-17 ved Wayback Machine. Queen Zone. Henta 29. juni 2016
  9. The Freddie Mercury Tribute Concert: Hammer to Fall Henta 10. juni 2016
  10. Roberts, David (2006). British Hit Singles & Albums. London: Guinness rekordbok Limited
  11. The Tommyknockers (1987) Google Books Result

Bakgrunnsstoff[endre | endre wikiteksten]