Juledekorasjon

Frå Wikipedia – det frie oppslagsverket
Butikkvindauge med juletre, nisse, lysestake med elektriske lys og mindre juleaktige varer som bord og veggur i Sverige
Utandørs juledekorasjon i Brasil.

Juledekorasjon eller juleutstilling er ei oppstilling eller arrangement av ulike pynteelement i samband med jul. Slike utstillingar kan finnast på fleire ulike stader og ha mange føremål, som å skapa julestemning,[1] trekka til seg folk,[2] knyta saman lokalsamfunn, visa fram rikdom, samla inn pengar til veldedige føremål[3] eller selja varer.

Juledekorasjonar kan innehalda ulike former for eller framstillingar av julepynt, juletre, blomar og grønt, levande eller elektriske lys,[2] julefigurar, vintereffektar som pyntesnø og diverse andre element som kan minna om jul, lys eller vinter.

Det er vanleg å laga juledekorasjonar i heimar, institusjonar, offentlege stader og ulike verksemder som butikkar, stormagasin og kjøpesenter. Ein kan setja opp juledekorasjonar i oktober, november[4] eller desember. Dei blir gjerne tekne ned ein gong i januar.[3] Større dekorasjonar kan ha ei offisiell opning utført av til dømes ein kjendis, politikar eller annan lokal person.

Julekrybber[endre | endre wikiteksten]

Julekrybber er utstillingar med figurar frå juleevangeliet og ulike tilleggsfigurar. Julekrybber eller presepio blei utbreidde i Italia på 1500-talet, og utvikla seg frå enkle framstillingar av Jesusbarnet i ei krybbe med to dyr rundt til rike tablå av figurar og bygningar tilknytt den bibelske forteljinga og sitt eige nærmiljø.[5] Julekrybbene blei opphavleg sette opp i kyrkjer nær altaret, men blei seinare attraksjonar i husa til framståande adelsfolk.[6] Det finst i dag ei rekkje ulike variasjonar over krybbene, som Weihnachtsberg (julefjell) frå Tyskland og Tsjekkia, papirový betlém eller 'papirkrybber' frå Tsjekkia, szopka frå særleg Kraków i Polen, og caganer-tradisjonen frå Catalonia.[7]

Kjelder[endre | endre wikiteksten]

  1. Chris Tighe; Andrea Felsted (21. desember 2012), «Retailers fight online trend with fairy lights», Financial Times 
  2. 2,0 2,1 Northern Lights Christmas attraction: Norwich tunnel of light, BBC News, 26. november 2016 
  3. 3,0 3,1 Featherstone house in final charity Christmas light display, BBC News, 19. desember 2014 
  4. Heidi Venæs, Raymond har pyntet huset med 400.000 julelys, TV2 
  5. D'Aponte 1977, s. 50-51.
  6. Raggio 1965, s. 151.
  7. Sarah Rainsford (23. desember 2010), A traditional Nativity scene, Catalan-style, BBC News 
  • Raggio, Olga (1965), «A Neapolitan Christmas Crib», The Metropolitan Museum of Art Bulletin (The Metropolitan Museum of Art) 24: 151–158, henta 3. desember 2016 
Bibliografi

Bakgrunnsstoff[endre | endre wikiteksten]

Commons har multimedium som gjeld: Juledekorasjon