Julelenke

Juletre med julelenker av papir og perleband.

Ei julelenke eller juletrelenke er ein girlander ein kan bruka som julepynt, gjerne på eit juletre. Slike lenker kan til dømes vera av bær, greiner, popkorn, perler, papir eller kunstmateriale.

Julelelenker av papir

Laging av papirlenke på ein skule i England i 1944.

Ein lagar gjerne julelenker av papir som er farga eller glansa.

Ein vanleg norsk variant er lenker danna av papirstrimlar som er forma til ringar. Den fyrste strimmelen limar ein til enden av seg sjølv for å danna ein ring. Kvar nye strimmel blir tredd gjennom den førre ringen og lima til enden av seg sjølv. Når ein gjentek dette fleire gonger blir det laga ei kjettingliknande papirlenke.

Ein annan type julelenke av papp eller papir er kjend som musetrapp, og er laga av to lange papirstrimlar som ein brettar over kvarandre i trinn. Ein eldre tradisjon som er blitt sjeldan i nyare tid er ein jakobsstige i papir. Han førestiller ein himmelstige med englar på, og eit bevart eksemplar frå før 1837 er det eldste eksempel på papirjulepynt som finst i Danmark.

Å laga juletrelenker blir mellom anna brukt som ein aktivitet for barn i førjulstida. Ein kan laga lenker av glanspapir, trykksaker eller anna dekorativt papir.

Papirlenker eller girlandrar ein pyntar med til jul kan også ha dekorative papirstykke, som flagg, vimplar eller julefigurar. Flagglenker med norske eller danske flagg er vanleg julepynt i Noreg og Danmark.

Kjelder

• Denne artikkelen bygger på «Juletrelenke» frå Wikipedia på bokmål, den 25. november 2020.

Bakgrunnsstoff

Commons har multimedium som gjeld: Papirlenker

• Søk etter julelenke ved Digitalt Museum