Katzrin

Frå Wikipedia – det frie oppslagsverket
Hopp til navigering Hopp til søk
Koordinatar: 32°59′31″ N 35°41′28″ E
Katzrin
קַצְרִין, Qazrin, Katzrin, Katsrin
lokal kommune
Katzrinlibrary.jpg
Land Flag of Israel.svg Israel
Distrikt Nord
Koordinatar 32°59′31″ N 35°41′28″ E
Areal 12,21 km²
Folketal 6 700 (2010)
Folketettleik 549 / km²
Borgarmeister Sammy Bar-Lev[1]
Israel location map.svg
Locator Red.svg
Wikimedia Commons: Katzrin

Katzrin (hebraisk קַצְרִין; òg Qatzrin) er ein israelsk busetnad og lokal kommuneGolanhøgdene.[2] Han er kjend som «hovudstaden i Golan»,[3] og er den nest største staden der etter Majdal Shams, og den største jødiske staden.[2][4] Mot slutten av 2010 hadde Katzrin eit folketal på 6 700.[4] Det internasjonale samfunnet reknar israelske busetnader på Golanhøgdene ulovleg etter folkeretten, sjølv om dei israelske styresmaktene motset seg dette.[5] Trass i at han ikkje er ein del av det rettslege område til Israel er han sete for Golan regionale kommune.

Geografi[endre | endre wikiteksten]

Sør for Katzrin ligg Genesaretsjøen, i nord Hermon, og i vest Israel, og meir spesifikt åsane i Øvre Galilea.[6][7]

Historie[endre | endre wikiteksten]

Antikken[endre | endre wikiteksten]

Staden var busett frå midtre bronsealderen, og heldt fram inn i jernalderen og hellenstisk og romersk tid, då han vart øydelagd.[8] Dei viktigaste ruinane som står att er frå sein romersk, bysantinsk og tidleg islamsk tid (200-talet til midten av 700-talet), då staden var ein jødisk landsby med ein synagoge.[8]

Arabarane og mamelukkane[endre | endre wikiteksten]

Den jødiske busetnaden tente som ein viktig kjøpstad i regionen, men starta å bli mindre viktig då handelsrutene endra seg etter den islamske erobringa. Landsbyen vart øydelagd i eit jordskjelv i 746–749.[9][10] Som følgje av jordskjelvet vart staden truleg fråflytta av det jødiske samfunnet.

Under mamelukkane (1200- og 1300-talet) var han ein muslimsk landsby og det vart bygd ein moské i ruinane av synagoga.[8][9]

Osmansk, fransk og syrisk styre[endre | endre wikiteksten]

I 1880-åra vart Kisrin, som han då vart kalla, skildra som «ein liten beduin-vinterlandsby, med ei gruppe vakre eiketre og gamle ruinar».[11] Frå seint på 1800-talet til 1967, var landsbyen busett av beduinar.[8] Sidan 1920 og fram til Syria fekk sjølvstendet sitt i 1944, var området underlagt Det franske mandatet for Syria.

Israelsk okkupasjon[endre | endre wikiteksten]

Inngangen til Katzrin kjøpesenter.

Dagens Katzrin vart grunnlagd i 1977 som eit planlagt bysentrum for Golan basert på avgjersla til regjeringa i november 1973. Bygginga byrja i 1976 på eit platå aust for Genesaretsjøen.[12] I 1981 innførte Israel sivilrett i Golanhøgdene (inkludert Katzrin), men denne avgjersla vart fordømd internasjonalt og erklært ugyldig av Tryggleiksrådet i SN.[13][14][15] Katzrin er ein distriktsby,[16] med tenester for utdanning, administrasjon og kultur for den omliggande regionen.[17]

Demografi[endre | endre wikiteksten]

Dei første innbyggjarane var unge par og single profesjonelle frå Tel Aviv og Haifa.[18] Mot slutten av 1980-åra slo mange jødar frå det tidlegare Sovjetunionen seg ned i Katzrin. I dag er ein tredjedel av innbyggjarane jødar frå Sovjetunionen og etterkomarane deira. Katzrin er delt inn i fem bydelar: Gamla, Naveh, Kedma, Afek og Batra.[17]

Kjelder[endre | endre wikiteksten]

  1. Sammy Bar Lev, Mayor of Katzrin
  2. 2,0 2,1 Aronson, Geoffrey (1998). «Settlement Monitor». Journal of Palestine Studies (University of California Press) 27 (4): p. 138. 
  3. Golan olive attractions
  4. 4,0 4,1 Israelsk statistisk sentralbyrå (2011), populations of localities numbering above 2 000 residents
  5. «The Geneva Convention». BBC News. 10. desember 2009. Henta 27. november 2010. 
  6. The Golanhøgdene attracting young israelarar
  7. http://www.lib.utexas.edu/maps/middle_east_and_asia/golan_heights_rel89.jpg
  8. 8,0 8,1 8,2 8,3 Ann E. Killebrew (2004). «Reflections on a reconstruction of the ancient Qasrin synagogue and landsby». I John H. Jameson. The Reconstructed Past: Reconstructions in Public Interpretation of Archeology and History. Altamira Press. s. 127–129. 
  9. 9,0 9,1 Claudine Dauphin (1998). La Palestina byzantine, Peuplement et Populations, Vol. III : Catalogue. BAR International Series 726. Oxford: Archeopress. s. 653–654. 
  10. Shmuel Marco, Moshe Hartal, Nissim Hazan, Lilach Lev and Mordechai Stein (2003). «Arkeologi, history, and geology of the A.D. 749 Earthquake, Dead Sea transform». Geology 31: 665–668. doi:10.1130/g19516.1. 
  11. G. Schumacher (1888). The Jaulan. London: Richard Bentley and Son. s. 194. 
  12. The Golan Heights come down to Earth, Haaretz
  13. Dei sameinte nasjonane. Resolusjonar i Tryggleiksrådet, 1981.
  14. Council on Foreign Relations. UN Security Council Resolution 497.
  15. BBC News. Regions and territories: The Golan Heights.
  16. In Golan Heights, Doubts Plus a Bit of Confidence, New York Times
  17. 17,0 17,1 Katzrin community guide
  18. The Golan Heights came down to Earth, Haaretz

Bakgrunnsstoff[endre | endre wikiteksten]

Wikivoyage-Logo-v3-icon.svg Reiseguide for Qatzrin frå Wikivoyage