Hopp til innhald

Nof HaGalil

Frå Wikipedia – det frie oppslagsverket
(Omdirigert frå Nazerat Illit)
Nof HaGalil
נוֹף הַגָּלִיל
نوف هچليل
by
Våpenskjold
Land  Israel
Distrikt Nord
Koordinatar 32°43′N 35°20′E / 32.717°N 35.333°E / 32.717; 35.333
Areal 32,52 km²
Folketal 40 800  (2009)
Folketettleik 1 255 / km²
Grunnlagd 1954–56
 •  Bystatus 1974
Borgarmeister Shimon Gafsou[1]
Kart
Nof HaGalil
32°43′00″N 35°20′00″E / 32.716666666667°N 35.333333333333°E / 32.716666666667; 35.333333333333
Kart som viser Nof HaGalil.
Kart som viser Nof HaGalil.
Kart som viser Nof HaGalil.
Wikimedia Commons: Nof HaGalil

Nof HaGalil (hebraisk נוֹף הַגָּלִיל, arabisk نوف هچليل), frå 1958 til 2019 Nazerat Illit (hebraisk נָצְרַת עִלִּית, «Øvre Nasaret»), er ein by i Det nordlege distriktet i Israel. Mot slutten av 2007 hadde han eit folketal på 40 800.[2] Byen vart grunnlagd i 1957. Han var planlagd som ein jødisk by med utsyn over den arabiske byen Nasaret og Jezreeldalen.[3] I dag er 23 % av innbyggjarane arabarar.

Historie

[endre | endre wikiteksten]
Jezreeldalen frå Nof HaGalil

Planlegginga av Nof HaGalil starta tidleg i 1950-åra då utviklingsbyar som Karmiel og Beit She'an vart grunnlagd. Det var økonomi- og tryggleiksårsaker for å utvikle ein by i denne regionen.[4]

Det vart ekspropriert ein parsell på kring 1,2 kvadratkilometer med land, kring halvparten innanfor kommunegrensa til Nasaret, i 1954, basert på ei lov som gav løyve til eksproprieringar for offentlege føremål. Protestar mot denne handlinga gjekk heilt til høgsteretten i Israel, som i 1955 aksepterte orda til staten om at dei berre skulle reise statlege anlegg på landområdet. Det var då likevel avgjort at berre 109 dekar skulle setjast av til offentlege bygg, og resten skulle nyttast til bustadområde. Dei første husa var ferdige i september 1956, og dei første innbyggjarane flytta inn seinare det året.[5]

Demografi

[endre | endre wikiteksten]
Nof HaGalil rådhus

Ifølgje SSB bestod folkesetnaden i 2001 av 91,0 % jødar og andre ikkje-arabarar og 9,0 % arabarar (2,3 % muslimar og 6,7 % kristne). I 1990-åra var Nazerat Illit den byen i landet som utvikla seg raskast, med ein vekstrate på nesten 70 %. Nykomarar omfatta mellom andre emigrantar frå det tidlegare Sovjetunionen og Sør-Amerika, i tillegg til nokre unge par.[3] I 2012 utgjorde arabarane 17 % av dei 40 000 innbyggjarane i byen.[6]

Økonomi

[endre | endre wikiteksten]
Strauss-Elite-fabrikken i Nof HaGalil

Sjokoladefabrikken til Strauss-Elite tilset meir enn 600 arbeidarar.[7]

Forbod mot juletre

[endre | endre wikiteksten]

I 2010 nekta borgarmeisteren Shimon Gapso å la dei kristne arabarane å setje opp juletre på byplassane i dei arabiske og muslimske bydelane, og sa at det var «provoserande», og at Nazerat Illit var ein jødisk by. Arabarane svarte at jødar, kristne og muslimar levde der i fred, og at føremålet med å pynte eit tre var å spreie glede. Borgarmeisteren vart skulda for rasisme. Han fortalte ei lokal arabisk avis at om han hadde vore til stades under kampane mellom israelarar og arabarar der i 2000, så hadde fleire arabarar vorte drepne.[8][9]

Idrett

[endre | endre wikiteksten]

Hapoel Nazerat Illit er det største fotballaget i Nof HaGalil. Dei rykte opp til den øvste divisjonen i 2003, men rykte ned att i 2006 til Liga Leumit, det nest øvste nivået, der dei spelar i dag.[10] Det andre fotballaget i byen, F.C. Nazerat Illit, spelar i Liga Gimel.

Basketball-laget i byen er Hapoel Nazerat Illit og spelar på det fjerde nivået i seriesystemet i Israel.

Venskapsbyar

[endre | endre wikiteksten]

Nof HaGalil er venskapsby med:

Kjelder

[endre | endre wikiteksten]
  1. ↑ A message from the mayor, arkivert frå originalen 2. august 2014, henta 16. oktober 2014 
  2. ↑ «Table 3 - Population of Localities Numbering above 2,000 Residents and Other Rural Population» (PDF). Israelsk statistisk sentralbyrå. 30. september 2014. Henta 14. oktober 2014. 
  3. ↑ 3,0 3,1 A City with Character Arkivert 2014-06-11 ved Wayback Machine., Jerusalem Post]
  4. ↑ G. Forman: Military Rule, Political Manipulation, and Jewish Settlement: Israeli Mechanisms for Controlling Nazareth in the 1950s, The Journal of Israeli History, Vol. 25, No. 2 (2006) 335-359.
  5. ↑ Forman, s. 349.
  6. ↑ Our Canadian friend Arkivert 2015-09-24 ved Wayback Machine., The Jerusalem Post
  7. ↑ Nazeret Illit
  8. ↑ Christmas trees 'provocative:' Nasaret suburb's mayor, AFP, Dec 22, 2010
  9. ↑ Christmas Trees Are Still Banned in Nasaret Illit Arkivert 2013-01-04 ved Wayback Machine., Rebecca Greenfield, The Atlantic Wire, Dec 20, 2011
  10. ↑ Om Nazeret Illit

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Nof_HaGalil&oldid=3508538»