Follobanen
| Follobanen | |
| Info | |
|---|---|
| Type | Jernbane |
| System | Dobbeltspora elektrifisert bane |
| Status | under bygging |
| Utgangsstasjon | Oslo sentralstasjon |
| Endestasjon | Ski stasjon |
| Tal på stasjonar | 2 |
| Drift | |
| Opna | 2022 |
| Eigar | Bane Nor |
| Type trafikk | Passasjerar og gods |
| Teknisk | |
| Lengde | 22 km |
| Lengde dobbeltspor | 22 km |
| Tunnelar | 1 |
Follobanen er ei 22 kilometer dobbeltspora, elektrifisert jernbane for høgfartstog mellom Oslo sentralstasjon og Ski stasjon på Østfoldbanen, der banen vert tilkopla Østfoldbanen. Banen er under bygging, og skal etter planen opnast i desember 2022. Byggjearbeidet tok til i juni 2015.
Follobanen, som har namn etter distriktet Follo, kjem i tillegg til den sterkt trafikkerte Østfoldbanen på strekninga Oslo-Ski og er den siste strekninga inn til Oslo sentralstasjon som får fire spor. Dette vil auke kapasiteten og regulariteten på strekninga monaleg. Banen er lagt i tunnel, Blixtunnelen, på så godt som heile strekninga, utan stasjonar. Det er bygd atskilde tunnelløp for kvart av dei to spora, i motsetnad til det som har vore vanleg her i landet til no.