Eidsvold–Hamarbanen

Frå Wikipedia – det frie oppslagsverket
Hopp til navigering Hopp til søk

Eidsvold–Hamarbanen eller Hedemarksbanen var tidlegare namnet på jernbanen mellom Eidsvoll og Hamar. Denne 58,6 km lange jernbanestrekninga vart sett i drift 8. november 1880 og offisielt opna 11. november same året av kong Oscar II. Banen inngjekk saman med Rørosbanen og Meråkerbanen i samnemninga Nordbanerne, som ikkje må forvekslast med Nordbanen som er det eldste namnet på Gjøvikbanen med sidelinjene Skreiabanen og Røykenvikbanen.[1]

I 1890 vedtok Stortinget å forlenge Eidsvold–Hamarbanen oppover langs austsida av Mjøsa og vidare opp Gudbrandsdalen heilt til Otta. Det nye baneselskapet vart derfor kalla Eidsvoll–Ottabanen og seinare òg Eidsvoll–Dombåsbanen. Dermed opphøyrte Eidsvold–Hamarbanen som offisielt namn på banestrekninga mellom Eidsvoll og Hamar. I dag inngår den som ein del av Dovrebanen.

Kjelder[endre | endre wikiteksten]

  1. Bjerke, T. & Holom, F. (2004). Banedata 2004. Hamar/Oslo: Norsk Jernbanemuseum og Norsk Jernbaneklubb. s. 74