Bridges to Babylon

Frå Wikipedia – det frie oppslagsverket
Gå til: navigering, søk
Bridges to Babylon
Studioalbum av The Rolling Stones
Utgjeve 29. september 1997
Innspelt 13. mars til juli 1997
Sjanger Rock
Lengd 62:27
Selskap Virgin
Produsent Don Was og
The Glimmer Twins
med Rob Fraboni,
Danny Saber,
Pierre de Beauport
og The Dust Brothers
Kritikk
The Rolling Stones-kronologi
Stripped
(1995)
Bridges to Babylon No Security
(1998)

Bridges to Babylon er eit album av The Rolling Stones som kom ut i 1997. Det vart det siste studioalbumet deira på 90-talet og det siste albumet med nye songar fram til 2005. Albumet vart etterfølgd av ein år lang og suksessrik verdsturne.

Etter Voodoo Lounge, Voodoo Lounge Tour og Stripped i 1994-1995, tok dei ein velfortent pause før bandleiarane Mick Jagger og Keith Richards kom saman igjen sommaren 1996 og starta å skrive nye songar. Mot slutten av året hadde dei ny demoar. Sjølv om bandet nytta Don Was som produsent igjen var Jagger imponert av det The Dust Brothers hadde fått til med Beck-albumet Odelay. Richards, som ønskte at bandet som vanleg skulle halde seg til røtene sine, likte ikkje ideen, så det er berre mogeleg å høyre innverknaden deira på «Anybody Seen My Baby», «Saint of Me» og «Might As Well Get Juiced». Albumet vart slikt det første og einaste av Stones som har nytta sampling. Eit par ekstra produsentar skulle òg medverke på prosjektet.

Bridges to Babylon vart spelt inn våren og sommaren 1997 i Los Angeles. Albumet vart mastra og like før den første singelen, «Anybody Seen My Baby?», skulle ut, gjorde dotter til Richards, Angela, faren merksam på at songen var særs lik k.d. lang-hitten «Constant Craving» frå 1992 i refrenget. For å unngå ein framtidig rettsstrid vart medlåtskrivaren hennar, Ben Mink, tilskriven i lag med Jagger og Richards. Då songen kom ut nådde han 22. plass i Storbritannia og vart ein radiohit i USA.

Bridges to Babylon fekk blanda kritikk og nådde sjetteplassen i Storbritannia og tredjeplassen i USA, der det selde til platina. I Noreg gjekk plata heilt til topps på

VG-lista[endre | endre wikiteksten]

. Singlane «Saint of Me» og «Out Of Control» hadde òg noko suksess.

Åtte forskjellige musikarar spelte bass på albumet: Jeff Sarli, Jamie Muhoberac, Blondie Chaplin, Don Was, Danny Saber, Darryl Jones, Me'shell Ndegeocello og Doug Wimbish.

Stones hadde no vorte eit konsertfenomen. Bridges to Babylon-turneen i 1997 bestod av 108 konsertar, og vart den nest mest inntektsbringande turneen i Nord-Amerika nokon gong.

Innhald[endre | endre wikiteksten]

Alle songar er skrivne av Mick Jagger og Keith Richards, bortsett frå der andre er nemnde. 

# Tittel Lengd
1. «Flip the Switch»   3:27
2. «Anybody Seen My Baby?» (Mick Jagger/Keith Richards/k.d. Lang/Ben Mink) 4:31
3. «Low Down»   4:26
4. «Already Over Me»   5:24
5. «Gunface»   5:02
6. «You Don't Have to Mean it»   3:44
7. «Out of Control»   4:43
8. «Saint of Me»   5:14
9. «Might as Well Get Juiced»   5:23
10. «Always Suffering»   4:43
11. «Too Tight»   3:37
12. «Thief in the Night» (Mick Jagger/Keith Richards/Pierre de Beauport) 5:15
13. «How Can I Stop?»   6:54

Japansk bonusspor[endre | endre wikiteksten]

Eit konsertspor spelt inn i Tokyo Dome den 6. mars 1995 i Tokyo i Japan.

# Tittel Lengd
14. «Angie»   3:39

Medverkande[endre | endre wikiteksten]

  • Mick Jagger - vokal, elektrisk gitar, korvokal, akustisk gitar, keyboard, munnspel, shaker
  • Keith Richards - elektrisk gitar, korvokal, vokal, akustisk gitar, piano
  • Charlie Watts - trommer, korvokal
  • Ronnie Wood - elektrisk gitar, slidegitar, pedal steelgitar, dobro

Kjelder[endre | endre wikiteksten]