Desolation Row
| «Desolation Row» Song av Bob Dylan frå albumet Highway 61 Revisited |
||
| Utgjeve | 30. august 1965 | |
| Innspelt | Columbia Studios i New York, 4. august 1965 | |
| Sjanger | Folkrock | |
| Lengd | 11:21 | |
| Selskap | Columbia | |
| Låtskrivar(ar) | Bob Dylan | |
|---|---|---|
| Produsent | Bob Johnston | |
«Desolation Row» er det siste sporet på det sjette studioalbumet til Bob Dylan, Highway 61 Revisited frå 1965. Songen er kjend for lengda (11:21) og den surrealistiske teksten. Han vart spelt inn 4. august 1965, i Columbia sitt Studio A i New York City. To opptak vart sett saman for albumutgåva. Charlie McCoy spelte akustisk gitar på innspelinga og er den einaste songen på albumet som ikkje inneheld elektrisk gitar. Eit anna opptak med elektrisk gitar og meir tydeleg bass vart gjeven ut på The Bootleg Series Vol. 7: No Direction Home: The Soundtrack.
Musikkmagasinet Rolling Stone plasserte songen på 185. plass på lista deira over dei 500 største songane gjennom tidene.[1] Joe Strummer har ein referanse til «Desolation Row» i songen sin «Coma Girl» på albumet Streetcore. Songen vert òg referert til i Laura Branigan sin «Spanish Eddie» i 1985.
Innhaldsliste |
[endre] Inspirasjon og komposisjon
|
They're selling postcards of the hanging Bob Dylan
|
I eit intervju med USA Today i 2001 hevda Dylan at songen er ein «trubadursong»[2]
Det har vore diskutert kvar Desolation Row er. Dylan fortalte i 1965 at det var «ein stad i Mexico», medan Al Kooper (som spelte orgel og piano på albumet) hevdar det er Eighth Avenue i New York City.[3]
[endre] Andre utgåver
Den italienske visesongaren Fabrizio de André skreiv «Via della Povertà», ei italiensk tolking av «Desolation Row» på albumet Canzoni i 1974. Åge Aleksandersen spelte inn ei norsk utgåve av songen kalla «Nederst på Karl Johan» (på Fredløs: Dylan på norsk, 1997).
I følgje nettsida til Grateful Dead har dei spelt «Desolation Row» sidan midten av 1980-åra. Songen finst på albumet deira Postcards of the Hanging frå 2002.
Chris Smither spelte inn songen på albumet Train Home frå 2003 med Bonnie Raitt på korvokal og slidegitar.[4]
Dan Tillberg gjorde ein svensk versjon av songen kalla «Hopplöshetens gränd» på Kärlek minus noll.
[endre] My Chemical Romance-utgåva
| «Desolation Row» Singel av My Chemical Romance frå albumet Watchmen: Music from the Motion Picture |
||
| Utgjeve | 26. januar 2009 | |
| Innspelt | 2008 | |
| Sjanger | Rock | |
| Lengd | 3:01 | |
| Selskap | Reprise Records Warner Sunset Records |
|
| Låtskrivar(ar) | Bob Dylan | |
|---|---|---|
| My Chemical Romance-kronologi | ||
| «Teenagers» (2007) |
«Desolation Row» | «Death Before Disco» (2009) |
My Chemical Romance spelte ei punkrock-utgåve av «Desolation Row»[5], for filmen Watchmen i 2009.[6] Songen nådde 20. plass på Billboards Modern Rock Tracks i mars 2009.[7] Det første kapittelet i Watchmen («At Midnight All the Agents») er òg kalla opp etter ei av linjene i songen, som òg inneheld eit sitat frå songen på slutten av kapittelet.
[endre] Bakgrunnsstoff
[endre] Kjelder
- Denne artikkelen bygger på «Desolation Row» frå Wikipedia på engelsk, den 23. oktober 2009.
- Wikipedia på engelsk oppgav desse kjeldene:
- ↑ "Rolling Stone's 500 Greatest Songs of All Time". http://www.rollingstone.com/news/coverstory/500songs/page/2. Henta 23. oktober 2009.
- ↑ Gundersen, Edna Dylan is positively on top of his game, USA Today 10. oktober 2001
- ↑ Dylan on Dylan, s. 61. Wenner Media, 2006
- ↑ Choates, Rick (2003). "Chris Smither's Long Train Home". Northern Express. http://www.northernexpress.com/editorial/music.asp?id=174. Henta 23. oktober 2009.
- ↑ "My Chemical Romance video for Desolation Row". Youtube. http://www.youtube.com/watch?v=q9VaVukLtfg.
- ↑ "My Chemical Romance Release Bob Dylan Cover Next Month". Kerrang. http://www2.kerrang.com/2009/01/my_chemical_romance_release_bo.html. Henta 23. oktober 2009.
- ↑ "Artist Chart History - My Chemical Romance". Billboard. http://www.billboard.com/bbcom/retrieve_chart_history.do?model.vnuArtistId=489806&model.vnuAlbumId=1144893. Henta 23. oktober 2009.
