Time kommune

Frå Wikipedia – det frie oppslagsverket

**Time kommune**
Våpen	Kart

Grunnleggjande opplysningar
Kommunenr:	1121
Fylke:	Rogaland
Administrasjonssenter:	Bryne
Flatevidd:	182 km²
Folketal:	15 459 (2008)
Målform:	Nynorsk
Internettside:	www.time.kommune.no
Politikk
Ordførar:	Arnfinn Vigrestad (KrF) 1999-2011

Time er ein kommune midt på Jæren i Rogaland fylke. Han grenser til Sandnes i nord, Gjesdal i aust, Bjerkreim og Hå i sør og Klepp i vest. Delar av grensa til Klepp kommune går gjennom Frøylandsvatnet.

Den største tettstaden er Bryne, som fekk bystatus 1. januar 2001. Andre tettstadar er Frøyland, Kvernaland (som også ligg delvis i Klepp), Lyefjell og Undheim.

Avisa Jærbladet kjem ut på Bryne. Time kommune er med i Landssamanslutninga av nynorskkommunar.

[endre] Historikk

Kommunen (og soknet) er oppkalla etter garden Time (Norrønt språk Þímin, *Þímvin), der Time kyrkje ligg. Kommunen kom til i samband med formannskapslovene i 1837.

[endre] Næringsliv

Av kommunearealet på 182 km² er 13 km² ferskvatn og 68 km² jordbruksareal. Landbruket og husdyrhaldet er viktig i Time, med mellom anna hønse-, saue-, storfe- og svinehald. Industrien sysselset trass i dette kring dobbelt så mange.

[endre] Kultur

Kommunen sin tusenårsstad er Bryne Mølle. Bryne Mølle er saman med kulturhuset Storstova Jæren sitt regionale kulturhus. Tusenårstreet vart planta ved kyrkjegarden ved Time kyrkje. Garborgheimen på Garborg og Knudaheio ved Undheim er museum.