Wairoa
Dette er ein artikkel om den newzealandske byen. For elva med same namn, sjå artikkelen om Wairoa River.
| Wairoa | ||
|---|---|---|
 |
||
| Styresmakter | ||
Land  |
New Zealand | |
| Grunnlagd | 1865[1] | |
| Mayor | Les Probert | |
| Geografi | ||
| Flatevidd - Distrikt |
4 119,18 km² |
|
| Innbyggjarar - Distrikt (2006) - Byområde |
8 481[2] 4 272 |
|
| Koordinatar | Koordinatar: | |
| Tidssone | + 12 (UTC) | |
| Diverse anna | ||
| Heimeside: http://www.wairoadc.govt.nz | ||
| Plassering | ||
  |
||
Wairoa er ein by på Nordøya på New Zealand. Det er den nordlegaste byen i regionen Hawke's Bay, og han ligg på nordbreidda av Hawke Bay ved munningen til elva Wairoa Wairoa River og vest for halvøya Mahia Peninsula. Byen ligg 70 km nordaust for Napier, og like langt sørvest frå Gisborne.
Av dei tidlegaste busetnadane i området var ein kvalfangststasjon og ein handelsstasjon, som for det meste handla med New Zealand flax. Det opphavlege namnet til byen var Clyde, men dette vart snøgt endra for å unngå samanblanding med Clive nær Napier og Clyde på Sørøya. Den nordlege delen av byen vert enno kalla North Clyde. Byen voks fram under New Zealand-krigane, då han var ein garnisonsby.
Ved folketeljinga i 2006 var innbyggjartalet i byen 4 272[3].
Wairoa er ein produksjonsby og tenesteby for landbruket. Byen er òg sete for Wairoa District Council. Wairoa District omfattar den nordlege halvdelen av havbukta, og strekkjer seg frå Mahia Peninsula til Lake Waikaremoana, og sør til munningen av Waikare River. Distriktet hadde eit folketal på 8 481 ved folketeljinga i 2006[2]. Flatevidda til distriktet er 4 119,18 km².
Wairoa ligg ved riksvegen State Highway 2 som knyter han saman med Gisborne i nordaust og Napier i sørvest. Byen har samband med sentrale delar av Nordøya gjennom State Highway 38 som går frå Wai-O-Tapu via Murupara og Frasertown til Wairoa, og samband til Rotorua via Te Urewera og Lake Waikaremoana.
Referansar [endre]
- ↑ Te Ara - Encyclopedia of New Zealand
- ↑ 2,0 2,1 Statistics New Zealand QuickStats About Wairoa District Henta 23. august 2009
- ↑ Statistics New Zealand QuickStats About Wairoa
Bakgrunnsstoff [endre]
- Denne artikkelen bygger på «Wairoa» frå Wikipedia på engelsk, den 23. august 2009.
