Help!
| «Help!» Singel av The Beatles frå albumet Help! |
||
| B-side | «I’m Down» | |
|---|---|---|
| Utgjeve | 6. august 1965 | |
| Innspelt | Abbey Road 13. april 1965 | |
| Sjanger | Folkrock | |
| Lengd | 2:18 | |
| Selskap | Parlophone (UK) Capitol Records (U.S.) |
|
| Låtskrivar(ar) | Lennon/McCartney | |
| Produsent | George Martin | |
| The Beatles-kronologi | ||
| «Ticket to Ride» (1965) |
«Help!» | «Yesterday» (1965) |
«Help!» er ein song av The Beatles som var tittelsporet på både albumet Help! og filmen Help!. Han vart òg gjeve ut på singel og nådde førsteplassen i mange land, inkludert Noreg, Storbritannia og USA. Songen er hovudakleg skrive av John Lennon, men tilskriven til Lennon/McCartney (som alle Beatles-songar skrive av desse to).[1] Lennon fortalte seinare at tittelen kom av desperasjon.[2] Musikkmagasinet Rolling Stone plasserte songen på 29. plass på lista deira over dei 500 største songane gjennom tidene.
Innhaldsliste |
Inspirasjon [endre]
|
When I was younger, so much younger than today |
Lennon skreiv teksten til songen for å uttrykket presset på bandet etter den raske vegen til toppen av hitlisten etter fleire år som ukjend band. Sidan Lennon sin utryggleik motsa bilete av Beatles som eit optimistisk og sjølvsikkert band, følte Lennon at det nesten var umogeleg får tilhengjarane å forstå opphavet til songen. Forfattar Ian MacDonald skildrar songen som den første sprekka i skalet som Lennon nytta til å verne kjenslene sine i tida då Lennon vart verdskjende og at dette var ein viktig milepåle i måten han kom til å skrive songar på.
I 1970 fortalte Lennon at sidan songen var så ærleg var det ein av favorittsongane hans av The Beatles, men han hadde ønskt at dei hadde spelt han inn i eit seinare tempo.
Medverkande [endre]
- John Lennon – solovokal på to spor og akuatisk gitar.
- Paul McCartney – bass og støttevokal
- George Harrison – sologitar og støttevokal
- Ringo Starr – trommer
Innspeling og utgjeving [endre]
The Beatles spelte inn songen på 12 forsøk den 13. april 1965 i Abbey Road Studio Two. Dei første åtte forsøka var utan vokal.[3]
Singel- og album-versjonen er så smått forskjellige. Den amerikanske utgåva starta med ein James Bond-aktig instrumental.
I Noreg låg songen inne på VG-lista 14 veker, seks av dei på førsteplassen.
Andre versjonar [endre]
- I 1968 spelte Deep Purple inn ein mykje seinare versjon av songen til albumet deira Shades of Deep Purple.
- I 1970 gjorde the Carpenters ein versjon av songen for Close to You.
- Henry Gross spelte inn ein versjon av songen i 1976 for musikkdokumentaren All This and World War II. George Harrison og Paul McCartney medverka med støttevokal.
- I 1976 spelte The Damned songen som B-side av «New Rose».
- John Farnham gjorde songen som ein piano-basert ballade i 1980.
- I 1985 betalte visstnok Ford Motor Company 100 000 amerikanske dollar for å nytte songen i ein reklame for Lincoln-Mercury. Dette var første gong ein Beatles-song vart nytta i ein reklamekampanje.
- I 1984 gav Tina Turner ut songen på singel. Denne utgåva nådde 40. plass i Storbritannia.
- U2 spelte ofte songen på konsertar i 1986 og 1987.
- I 1989 gav Bananarama ut songen på singel. Denne versjonen nådde 3. plass på den britiske singellista.
- Richard Marx spelte songen på ein konsert nær Berlinmuren i 1989.
- Noel Gallagher spelte songen på enkelte Oasis-konsertar.
- Andre artistar som har spelt songen er Michael Stanley, dc Talk, Dolly Parton, Alma Cogan, Rick Wakeman, Howie Day, McFly, Roxette og Fountains of Wayne.
Kjelder [endre]
- Denne artikkelen bygger på «Help! (song)» frå Wikipedia på engelsk, den 11. oktober 2008.
- Wikipedia på engelsk oppgav desse kjeldene:
- ↑ Barry Miles, Paul McCartney, s. 199
- ↑ William J Dowlding, Beatlesongs, s. 97
- ↑ The Beatles Bible: Help! Vitja 11. oktober 2008
| Føregjengar «Blue Blue Day» The Spotnicks |
Toppen av VG-lista The Beatles 6 veker, veke 33–38 1965 |
Etterfylgjar «(I Can’t Get No) Satisfaction» The Rolling Stones |
