Tyrkia i Eurovision Song Contest

Tyrkia
Offisielt	Tyrkia
TRT
Uttakingar
Nasjonalt	26
Internt	8
Deltaking
Debutår	1975
Deltakingar	34
Beste resultat
Semifinalen	1 (2010)
Finalen	1 (2003)
Verste resultat
Semifinalen	13 (2011)
Finalen	Sist (1975, 1983 og 1987)
Poeng
Semifinalane	790
Finalane	1 996
Totalt	2 786

Tyrkia debuterte i Eurovision Song Contest i 1975 og deltok til saman 34 gongar inntil landet trekte seg frå tevlinga i 2012 på ubestemt tid. Tyrkia har vunne tevlinga éin gong, i 2003 då Sertab Erener deltok med songen «Everyway That I Can». Tyrkia har òg hamna på sisteplass tre gongar, to av dei utan poeng.

Historikk

Det var Tyrkia si statlege kringkastar, TRT, som deltok i Eurovision Song Contest på vegner av Tyrkia. Tyrkia debuterte i 1975 og kom då på ein sisteplass med «Seninle bir dakika», framført av Semiha Yankı. Tyrkia hadde liten suksess i tevlinga fram til 2000, og dei einaste topp ti-plasseringane Tyrkia hadde var ein niandeplass i 1986 og ein tredjeplass i 1997. Fyrst då landet gjekk over til å syngje på engelsk i 2003, fekk landet sin fyrste siger i Eurovision Song Contest då Sertab Erener og «Everyway That I Can» slo Belgia og Russland med høvesvis to og tre poeng.

Sigeren var starten på ein lang periode med høge plasseringar for Tyrkia. På heimebane i 2004 kom gruppa Athena på ein fjerdeplass. To nye fjerdeplassar følgde i 2007 og 2009, og i Oslo i 2010 kom gruppa maNga på ein andreplass. I 2011 klarte ikke Tyrkia å kvalifisere seg til finalen; dette var fyrste og einaste gongen at Tyrkia ikkje kvalifiserte seg til finalen sidan semifinaleordninga vart innført i 2004.

Tyrkia trekkjer seg

Ved fleire anledningar har Tyrkia stått over tevlinga, fyrste gongen i 1976 og 1977. I 1979 hadde Tyrkia vald både song og artist, men landet trakk seg frå tevlinga kort tid før finalen. Årsaka var at finalen skulle haldast i Jerusalem, og dei arabiske nabolanda kravde at den tyrkiske regjeringa måtte trekkje landet frå tevlinga, på grunn av den arabiske konflikten med vertsnasjonen Israel.

I 1994 var ikkje Tyrkia kvalifisert for finalen på grunn av den dårlege plasseringa året før, men frå 1995 deltok Tyrkia kvart einaste år fram til og med 2012.

I desember 2012 offentleggjorde TRT at dei ikkje ville deltake i Eurovision Song Contest 2013 i Malmö. Den tyrkiske regjeringa grunngav avgjerda med at dei ikkje var fornøgde med dei nye røystereglane i tevlinga. Tyrkia har ikkje delteke sidan, og TRT har førebels ingen planar om å deltake i Eurovision Song Contest igjen.

Bidraga

År	Artist	Song	Språk	Finalen		Semifinalen
				Poeng	Plass	Poeng	Plass
1975	Semiha Yankı	«Seninle bir dakika»	Tyrkisk	3	19
1978	Nilüfer og Grup Nazar	«Sevince»	Tyrkisk	2	18
1979	Maria Rita Epik og 21. Peron	«Seviyorum»	Tyrkisk	Trekt
1980	Ajda Pekkan	«Petr'Oil»	Tyrkisk	23	15
1981	Modern Folk Trio og Ayşegül	«Dönme dolap»	Tyrkisk	9	18
1982	Neco	«Hani?»	Tyrkisk	20	15
1983	Çetin Alp og the Short Waves	«Opera»	Tyrkisk	0	19
1984	Beş yıl önce, on yıl sonra	«Halay»	Tyrkisk	37	12
1985	MFÖ	«Didai didai dai»	Tyrkisk	36	14
1986	Klips ve Onlar	«Halley»	Tyrkisk	53	9
1987	Seyyal Taner og Lokomotif	«Şarkım sevgi üstüne»	Tyrkisk	0	22
1988	MFÖ	«Sufi»	Tyrkisk	37	15
1989	Pan	«Bana bana»	Tyrkisk	5	21
1990	Kayahan feat. Demet Sağıroğlu	«Gözlerinin hapsindeyim»	Tyrkisk	21	17
1991	İzel Çeliköz, Reyhan Karaca og Can Uğurluer	«İki dakika»	Tyrkisk	44	12
1992	Aylin Vatankoş	«Yaz bitti»	Tyrkisk	17	19
1993	Burak Aydos	«Esmer yarim»	Tyrkisk	10	21
1995	Arzu Ece	«Sev»	Tyrkisk	21	16
1996	Şebnem Paker	«Beşinci mevsim»	Tyrkisk	57	12	69	7
1997	Şebnem Paker og Grup Ethnic	«Dinle»	Tyrkisk	121	3
1998	Tüzmen	«Unutamazsın»	Tyrkisk	25	14
1999	Tuğba Önal og Grup Mistik	«Dön artık»	Tyrkisk	21	16
2000	Pınar Ayhan og The SOS	«Yorgunum anla»	Tyrkisk og engelsk	59	10
2001	Sedat Yüce	«Sevgiliye son»	Tyrkisk og engelsk	41	11
2002	Buket Bengisu og Group Safir	«Leylaklar soldu kalbinde»	Tyrkisk og engelsk	29	16
2003	Sertab Erener	«Everyway That I Can»	Engelsk	167	1
2004	Athena	«For Real»	Engelsk	195	4	Vertsnasjon
2005	Gülseren	«Rimi rimi ley»	Tyrkisk	92	13	Topp 12 året før
2006	Sibel Tüzün	«Süper star»	Tyrkisk og engelsk	91	11	91	8
2008	Mor ve Ötesi	«Deli»	Tyrkisk	138	7	85	7
2009	Hadise	«Düm tek tek»	Engelsk	177	4	172	2
2010	maNga	«We Could Be the Same»	Engelsk	170	2	118	1
2011	Yüksek Sadakat	«Live It Up»	Engelsk	Ikkje kvalifisert		47	13
2012	Can Bonomo	«Love Me Back»	Engelsk	112	7	80	5

Røystehistorikk

Finalane

Tyrkia har gjeve flest poeng til Nr. Land Poeng 1 Bosnia-Hercegovina 129 2 Storbritannia 126 3 Irland 119 4 Spania 118 5 Tyskland 86

Tyrkia har fått flest poeng frå Nr. Land Poeng 1 Tyskland 170 2 Frankrike 151 3 Nederland 132 4 Belgia 108 5 Sveits 104

Semifinalane

Tyrkia har gjeve flest poeng til Nr. Land Poeng 1 Makedonia 48 2 Bosnia-Hercegovina 46 3 Bulgaria 43 Georgia 5 Armenia 31

Tyrkia har fått flest poeng frå Nr. Land Poeng 1 Bulgaria 50 Sveits 3 Storbritannia 49 4 Makedonia 46 5 Albania 42

Galleri

• 
  Ajda Pekkan i Den Haag i 1980
• 
  Kenan Doğulu i Helsingfors i 2007
• 
  Mor ve Ötesi i Beograd i 2008
• 
  maNga i Oslo i 2010

Eurovision Song Contest i Tyrkia

År	Sted	Arena	Programleiar
2004	Istanbul	Abdi İpekçi Arena	Korhan Abay og Meltem Cumbul

Kjelder

• Den offisielle nettsida til Eurovision Song Contest

• Denne artikkelen er basert på ei omsetjing av artikkelen «Tyrkia i Eurovision Song Contest» frå Wikipedia på bokmål, den 24. august 2020.