Hopp til innhald

Hellas i Eurovision Song Contest

Frå Wikipedia – det frie oppslagsverket
Hellas

OffisieltGreece, Griekenland, Griechenland, Grèce, Grece, Ελλαδα

Kringkastar(ar)
Uttakingar

Nasjonale uttakingar
Interne uttakingar
Deltaking
Debutår1974
Deltakingar42
Beste resultat
Semifinalen1 (2008 og 2011)
Finalen1 (2005)
Verste resultat
Semifinalen16 (2016)
Finalen21 (2019)
Poeng
Semifinalane1 507
Finalane3 032
Totalt4 539

Hellas debuterte i Eurovision Song Contest i 1974. Landet har delteke kvart år sidan, med unntak av 1975, 1982, 1984, 1986, 1999 og 2000. I 2005 vann Élena Paparízou med songen «My Number One». 12. juli 2013 vart kringkastaren Ellinikí Radiofonía Tileórasi stengd på grunn av den økonomiske krisa i landet, og Hellas hadde ikkje høve til å delta utan ein kringkastar som var medlem i Den europeiske kringkastingsunionen (EBU).[1] 4. mai 2014 vart Néa Ellinikí Radiofonía, Ínternet kai Tileórasi starta opp og Hellas fekk delteke i Eurovision Song Contest berre fire dagar seinare, trass i at kringkastaren ikkje var medlem i Den europeiske kringkastingsunionen. Ifylgje reglane må kringkastaren vere aktivt medlem i Den europeiske kringkastingsunionen, men Hellas slapp unna denne regelen etter at Ellinikí Radiofonía Tileórasi vart lagd ned, og vart dimed det fyrste og førebels einaste landet som har delteke i Eurovision Song Contest utan medlemskap. Special Broadcasting Service som debuterte for Australia i 2015 var assosiert medlem. I desember 2014 vart den nye kringkastaren medlem og landet fekk delteke i 2015.[2] 11. juni 2015 vart Néa Ellinikí Radiofonía, Ínternet kai Tileórasi nedlagt, og Ellinikí Radiofonía Tileórasi som vart attopna vil på nytt representere Hellas av di kringkastaren allereie er aktivt medlem i Den europeiske kringkastingsunionen.[3] Sidan 2013 har den private musikkanalen MAD TV organisert og produsert dei nasjonale uttakingane.

Etter debuten i 1974 ynskte ikkje Hellas å deltake i 1975. I følgje Den europeiske kringkastingsunionen var grunnen ukjent, men det vart oppdaga at dei trekte seg i protest mot debuten til Tyrkia og invasjonen av Kypros i 1974. Hellas vart diskvalifisert frå tevlinga i 1982 då det vart avslørt at songen dei skulle delteke med, «Sarantapénte Kopeliés», hadde vorte utgjeven tidlegare. Ein kjend gresk folkesong hadde vorte endra på til tevlinga, men fekk ikkje delteke fordi alle songane måtte vere originale. Hellas måtte å betale ei bot, men fekk lov å kome attende året etter. Om dei hadde delteke hadde dei starta som nummer to i finalen i Harrogate. Etter attendevendinga i 1983 bestemte Ellinikí Radiofonía Tileórasi (ERT) seg for å ikkje deltake i 1984 på grunn av låg kvalitet på songane.

Hallas kom attende til tevlinga i 1985 og Polína vart vald til å representere landet i 1986 i Bergen, men trekte seg heilt uventa frå tevlinga. Polína sa at det var på grunn av politiske problem i Hellas, men den offisielle Eurovision Song Contest-nettstaden hadde oppgjeve at det var fordi tevlinga vart halden kvelden før den ortodokse påsken. Ho skulle delteke med songen «Wagon-lit».

Hellas kom attende i 1987 og deltok kvart år fram til 1999, då dei ikkje fekk delteke fordi dei ikkje hadde fått nok poeng dei fem siste åra til å kunne kvalifisere seg til å vere med i tevlinga. Året etter kunngjorde ERT at dei ikkje kom attende til Eurovision Song Contest 2000 av økonomiske grunnar.

31 år etter at dei fyrste gong var med, vann Hellas for fyrste gong i 2005 med Élena Paparízou og songen «My Number One». Songen er den fyrste etter 2000 som vann tevlinga utan å gå gjennom ein semifinale. Etter Eurovision Song Contest toppa songen listene i Hellas, Kypros og Sverige, og kom inn på topp ti i Romania, Nederland, Ungarn, Belgia og USA. Under 50 årsjubileet til Eurovision Song Contest i 2005, der ein skulle røyste fram den mest populære framføringa gjennom tidene, enda songen på fjerdeplass.

Før sigeren var den høgaste greske plasseringa tredjeplass, frå 2001 og 2004. Det verste resultatet kom i 1998, då dei enda på 20. plass med tolv poeng, alle frå Kypros. Dei fekk òg 20. plass i 2014, då med 35 poeng.

Eurovision Song Contest 2006 vart halden i Aten i Hellas. Programleiarane var María Menoúnou og Sákis Rouvás. Ánna Víssi representerte Hellas i heimlandet.

Frå 2004 til 2006 valde ERT ut høgprofilerte artistar internt og arrangerte ein nasjonal finale der ein skulle røyste fram songen artisten skulle synge i Eurovision Song Contest, medan i 2007 og 2008 arrangerte ERT ein nasjonal finale der ein røysta fram både artist og song.

ÅrArtistSongSpråkFinalenSemifinalen
PoengPlassPoengPlass
1974Marinella«Krasí, thálassa kai t' agóri mou»Gresk00711
1976Mariza Koch«Panayiá mou, panayiá mou»Gresk02013
1977Paschalis, Marianna, Robert og Bessy«Máthima solfége»Gresk09205
1978Tánia Tsanaklídou«Tsárly Tsáplin»Gresk06608
1979Elpída«Sokráti»Gresk06908
1980Ánna Víssi«Otostóp»Gresk03013
1981Yiannis Dimitras«Feggári kalokairivó»Gresk05508
1983Kristi Stassinopoulou«Mou les»Gresk03214
1985Takis Biniaris«Miázoume»Gresk01516
1987Bang«Stop»Gresk06410
1988Afroditi Frida«Klóoun»Gresk01017
1989Mariánna Evstratíou«To dikó sou astéri»Gresk05609
1990Christos Callow og Wave«Khorís skopó»Gresk01119
1991Sofía Vóssou«I ánikhi»Gresk03613
1992Kleopátra«Ólou tou kósmou i Elpída»Gresk09405
1993Katerína Garití«Elláda, khóra tou fotós»Gresk06409
1994Kostas Bigalis«To trekhantíri»Gresk04414
1995Elina Konstantopoulou«Pia prosevkhí»Gresk06812
1996Mariánna Evstratíou«Emeís foráme to khimóna anoixiátika»Gresk03614
1997Mariánna Zormpá«Khórepse»Gresk03912
1998Thalassa«Mia krufí evaisthisía»Gresk1220
2001Antique«Die For You»Engelsk14703
2002Mikhális Rakinizís«S.A.G.A.P.O.»Engelsk02717
2003Mantó«Never Let You Go»Engelsk02517
2004Sákis Rouvás«Shake It»Engelsk2520323803
2005Élena Paparízou«My Number One»Engelsk23001XX
2006Ánna Víssi«Everything»Engelsk12809XX
2007Sarbel«Yassou Maria»Engelsk13907XX
2008Kalomíra«Secret Combination»Engelsk2180315601
2009Sákis Rouvás«This Is Our Night»Engelsk1200711004
2010Jórgos Alkaíos and Friends«ÓPA!»Gresk1400813302
2011Loúkas Jórkas«Watch My Dance»Gresk og engelsk1200713301
2012Elefthería Eleftheríou«Aphrodisiac»Engelsk0641711604
2013Koza Mostra feat. Agáthonas Iakovídis«Alcohol Is Free»Gresk og engelsk1520612102
2014Freaky Fortune feat. Riskykidd«Rise Up»Engelsk0352007407
2015María-Élena Kiriákou«One Last Breath»Engelsk0231908106
2016Argo«Utopian Land»Gresk og engelskXX04416
2017Demy«This Is Love»Engelsk0771911510
2018Jánna Terzí«'Oniró mou»GreskXX08114
2019Katerine Duska«Better Love»Engelsk0742118505
2020Stefania«SUPERG!RL»EngelskAvlyst
2021Stefania«Last Dance»Engelsk1701018406
2022Amanda Tenfjord«Die Together»Engelsk2150821103
2023Victor Vernicos«What They Say»EngelskXX1413
2024Marina Satti


Røystehistorikk (1974-2021)

[endre | endre wikiteksten]
Hellas har gjeve flest poeng til
Nr.LandPoeng
1 Kypros201
2 Spania137
3 Frankrike126
4 Irland99
5 Storbritannia84
Hellas har fått flest poeng frå
Nr.LandPoeng
1 Kypros268
2 Spania125
3 Storbritannia110
4 Tyskland97
5 Frankrike94
ÅrStadArenaProgramleiar
2006AtenOlymbiakό Kleistό GymnastírioMaría Menoúnou og Sákis Rouvás
  1. ↑ Mona W. Claussen (12. juni 2013). «Statsministeren har lagt ned gresk statlig TV og radio» (på norsk). Aftenposten. Henta 15. juni 2013.
  2. ↑ «Greece joins Eurovision 2015» (på engelsk). Eurovision.tv. Henta 21. desember 2014.
  3. ↑ «Greece: Welcome back ERT!» (på engelsk). esctoday.com. 11. juni 2015. Henta 11. juni 2015.
Henta frå «https://nn.wikipedia.org/w/index.php?title=Hellas_i_Eurovision_Song_Contest&oldid=3524047»