Eurovision Song Contest 1975

Eurovision Song Contest 1975
Dato
Vertskap
Stad Sankt Eriks-Mässan Stockholm i Sverige
Programleiar(ar) Karin Falck
Varigskap
Opningsnummer
Pausenummer
Bidrag
Debuterte Tyrkia
Attende Frankrike Malta
Trekte seg Hellas
Kart
Røysting
Vinnar «Ding-A-Dong»
Eurovision Song Contest
1974 1976

██ Land som deltok i konkurransen██ Land som ikkje deltok i konkurransen

Eurovision Song Contest 1975 (ESC 1975) var den 20. gongen Eurovision Song Contest blei arrangert. Konkurransen blei halden i Sankt Eriks-Mässan i Stockholm i Sverige. Finalen fann stad laurdag 22. mars. Nederland vann konkurransen med songen «Ding-A-Dong», framført av Teach-In på engelsk.

Fleire land nytta seg av høvet til å ikkje synge på nasjonalspråket. Land som Portugal og Jugoslavia song på engelsk under prøvane som blei vist for juryane, for deretter å synge på nasjonalspråket under fjernsynssendinga. Det portugisiske bidraget «Madrugada» var ei hyllest til nellikrevolusjonen, der songen hadde spela ei nøkkelrolle. Ifølgje historikaren John Kennedy O'Connor skal den portugisiske artisten ha måtta blitt overtala til å ikkje ha på seg militæruniform, og til å ikkje ha med seg våpen på scena.

Poengsystemet der juryen for kvart gjev poeng i valørane 12, 10 og 8–1 til sine favorittbidrag, blei innført i 1975, og dette systemet blir framleis brukt i konkurransen. Forslaget kom frå finsk TV, og målet var å forhindre at bidrag skulle få null poeng. Stemmene blei presentert i den rekkjefølgja bidraga hadde blitt framført i, ikkje i stigande rekkjefølgje, slik som i dag. Dette blei innført fyrst i 1980.

Tyrkia deltok for fyrste gong i Eurovision Song Contest dette året, og Hellas trekte seg frå konkurransen som følgje av den tyrkiske invasjonen av Nord-Kypros. Frankrike og Malta kom tilbake til konkurransen. Totalt 19 bidrag deltok i konkurransen, noko som var ny rekord.

Bidraga

Finale

• Finalen blei halden den 22. mars 1975 i Sankt Eriks-Mässan.
• Nederland vann konkurransen for fjerde gong.
• Jugoslavia og Monaco kom på ein delt 13. plass.
• Det norske bidraget av Ellen Nikolaysen kom på 18. plass.

Nr.	Land	Artist	Song	Språk	Plass	Poeng
1.	Nederland	Teach-In	«Ding-A-Dong»	Engelsk	1	152
2.	Irland	The Swarbriggs	«That's What Friends Are For»	Engelsk	9	68
3.	Frankrike	Nicole Rieu	«Et bonjour à toi l'artiste»	Fransk	4	91
4.	Vest-Tyskland	Joy Fleming	«Ein Lied kann eine Brücke sein»	Tysk, engelsk	17	15
5.	Luxembourg	Geraldine Branagan	«Toi»	Fransk	5	84
6.	Noreg	Ellen Nikolaysen	«Touch My Life (With Summer)»	Engelsk	18	11
7.	Sveits	Simone Drexel	«Mikado»	Tysk	6	77
8.	Jugoslavia	Pepel In Kri	«Dan ljubezni»	Slovensk	13	22
9.	Storbritannia	The Shadows	«Let Me Be the One»	Engelsk	2	138
10.	Malta	Renato Micallef	«Singing This Song»	Engelsk	12	32
11.	Belgia	Ann Christy	«Gelukkig zijn»	Nederlandsk, engelsk	15	17
12.	Israel	Shlomo Artzi	«את ואני» («At Va'Ani»)	Hebraisk	11	40
13.	Tyrkia	Semiha Yankı	«Seninle Bir Dakika»	Tyrkisk	19	3
14.	Monaco	Sophie	«Une chanson c'est une lettre»	Fransk	13	22
15.	Finland	Pihasoittajat	«Old Man Fiddle»	Engelsk	7	74
16.	Portugal	Duarte Mendes	«Madrugada»	Portugisisk	16	16
17.	Spania	Sergio y Estíbaliz	«Tú volverás»	Spansk	10	53
18.	Sverige	Lasse Berghagen	«Jennie, Jennie»	Engelsk	8	72
19.	Italia	Wess & Dori Ghezzi	«Era»	Italiensk	3	115

Kjelder

• Denne artikkelen bygger på «ESC 1975» og «ESC 1975» frå Wikipedia på bokmål og VG.no, den 11. februar 2011.