Eurovision Song Contest 1997

Eurovision Song Contest 1997
Dato
Vertskap
Stad Republikken Irland Point Theatre i Dublin
Varigskap
Opningsnummer
Pausenummer
Bidrag
Attende Italia
Ikkje med Belgia Finland Israel Romania Slovakia
Kart
Røysting
Vinnar Storbritannia Love Shine a Light (Storbritannia)
Eurovision Song Contest
1996 1998

Eurovision Song Contest 1997 var den 42. i rekkja, og vart arrangert i Point Theatre i Dublin i Irland den 3. mai 1997. Irland arrangerte tevlinga for sjuande gong av di Eimear Quinn vann i Oslo i 1996. Programleiarane var Carrie Crowley og Ronan Keating. Italia kom attende dette året, og den italienske kringkastaren RAI slo fast at dette var siste gongen landet akta å delta.

Katrina and the Waves, som representerte Storbritannia, vann tevlinga med rekordmange 227 poeng. Denne rekorden stod heilt fram til 2004, då semifinalen vart innført og mange fleire land vart med i avstemminga). Vinnarsongen «Love Shine a Light» fekk poeng frå alle landa, ti tolvarar og fem tiarar. Songen vert rekna som ein av dei mest vellukka som har vunne tevlinga nokonsinne. Vertslandet Irland kom på andreplass, med Marc Roberts og «Mysterious Woman».

Det var eit breitt spekter av ulike songar med dette året. Danmark sendte ein rapsong, Kroatia sendte deira versjon av Spice Girls og Sverige sendte eit boyband i beste åttitalsstil. Musikken var generelt meir moderne enn før, og for fyrste gong på seks år var det ein song med raskt tempo som vann. Noreg sitt bidrag, San Francisco av Tor Endresen kom på ein delt sisteplass saman med Portugal, og fekk null poeng.

Telefonavstemming vart testa ut i fem land dette året: Storbritannia, Sverige, Sveits, Tyskland og Austerrike. Det synte seg at resultata frå desse landa skilte seg ganske mykje frå dei andre landa, som brukte jury. For eksempel fekk Island 16 av sine totalt 18 poeng frå desse fem landa.

Resultat

Nr.	Land	Språk	Artist	Song	Nynorsk omsetjing	Plassering	Poeng
1	Kypros	Gresk	Hara & Andreas Konstantinou	Mana mu (Μάνα μου)	Moderlandet	5	98
2	Tyrkia	Tyrkisk	Şebnem Paker & Grup Etnic	Dinle	Høyr	3	121
3	Noreg	Norsk	Tor Endresen	San Francisco	—	24	0
4	Austerrike	Tysk	Bettina Soriat	One Step	Eitt steg	21	12
5	Republikken Irland	Engelsk	Marc Roberts	Mysterious Woman	Mystisk kvinne	2	157
6	Slovenia	Slovensk	Tanja Ribič	Zbudi se	Vakn opp	10	60
7	Sveits	Italiensk	Barbara Berta	Dentro di me	Inni meg	22	5
8	Nederland	Nederlandsk	Mrs. Einstein	Niemand heeft nog tijd	Ingen har tid lenger	22	5
9	Italia	Italiensk	Jalisse	Fiumi di parole	Elvar av ord	4	114
10	Spania	Spansk	Marcos Llunas	Sin rencor	Utan bitterheit	6	96
11	Tyskland	Tysk	Bianca Shomburg	Zeit	Tid	18	22
12	Polen	Polsk	Anna Maria Jopek	Ale jestem	Men eg er	11	54
13	Estland	Estisk	Maarja-Liis Ilus	Keelatud maa	Forbode land	8	82
14	Bosnia-Hercegovina	Bosnisk/kroatisk/serbisk	Alma Čardžić	Goodbye	Farvel	18	22
15	Portugal	Portugisisk	Célia Lawson	Antes do adeus	Før avskjed	24	0
16	Sverige	Svensk	Blond	Bara hon älskar mig	Berre ho elskar meg	14	36
17	Hellas	Gresk	Marianna Zorba	Horepse (Χόρεψε)	Dans	12	39
18	Malta	Engelsk	Debbie Scerri	Let Me Fly	La meg flyga	9	66
19	Ungarn	Ungarsk	V.I.P.	Miért kell, hogy elmenj?	Kvifor må du gå?	12	39
20	Russland	Russisk	Alla Pugatsjova	Primadonna (Примадонна)	—	15	33
21	Danmark	Dansk	Kølig Kaj	Stemmen i mit liv	Røysta i livet mitt	16	25
22	Frankrike	Fransk	Fanny	Sentiments songes	Lygner kjensler	7	95
23	Kroatia	Kroatisk	E.N.I.	Probudi me	Vekk meg	17	24
24	Storbritannia	Engelsk	Katrina & The Waves	Love Shine a Light	Kjærleik skin eit ljos	1	227
25	Island	Islandsk	Paul Oscar	Minn hinsti dans	Min siste dans	20	18

Kjelder

• Denne artikkelen er omsett frå «Eurovision Song Contest 1997» frå Wikipedia på bokmål, den 12. april 2011.