Spinout av Elvis Presley

Spinout Filmmusikkalbum av Elvis Presley
Språk	engelsk
Utgjeve	31. oktober 1966
Innspelt	Februar 1966, mai-juni 1966
Sjanger	Rock and roll
Lengd	29:23
Selskap	RCA Victor
Produsent	George Stoll
Elvis Presley-kronologi
Paradise, Hawaiian Style (1966)	Spinout	How Great Thou Art (1967)
Singlar frå Spinout
«Spinout» Utgjeve: Oktober 1966

Meldingar
Karakter
Kjelde	Karakter
AllMusic

Spinout er det 27. albumet til Elvis Presley. Det vart gjeve ut av RCA Victor i mono og stereo, LPM/LSP 3702, den 31. oktober 1966. Innspelinga fann stad i Radio Recorders i Hollywood i California, den 16. og 17. februar 1966. Det nådde 18. plassen på Top Pop Albums-lista.

Innhald

Tidleg i 1966 hadde sjefane i RCA og manageren til Presley, Colonel Tom Parker, kome fram til same konklusjonen. Dei kunne ikkje lenger vente at plater med berre filmmusikk og restar av tidlegare innspelingar kom til å gjere det like sterkt som i tidlegare år. Popmusikken var i store endringar i midten av 1960-åra, der listene var dominert av The Beatles, Bob Dylan og mange andre, og Presley regjerte ikkje lenger på listene. Salet av filmmusikkalbuma stupte og nådde lågare opp på salslistene enn før.

Innspelinga til Spinout følgde likevel same formelen som dei siste fire åra. Ni av songane vart spelte inn for filmen, og alle vart nytta. Dei fleste av songane kom frå dei faste låtskriavrane, og opphavsretten deira vart gjeven til Elvis Presley Music og Gladys Music, selskapa eigd av Elvis og Parker, slik avtalen var. Ein song «Stop, Look, and Listen», var tidlegare spelt inn av Ricky Nelson og Bill Haley & His Comets. To songar vart gjevne ut på singel månaden før filmen hadde premiere, tittelsporet i lag med «All That I Am», og sjølv om begge sidene gjekk inn på salslistene, nådde A-sida berre så vidt topp 40. Elvis framførte songen «Adam and Evil» på scenen i filmen, med ein lang trommevirvel i byrjinga. Han refererer til Adam og Eva i Bibelen, med «Adam and Evil they go hand in hand / Eve taught him sin, that's the way it all began». Elvis knipsar fingrane gjennom songen.

Ein innsåg at musikksmaken hadde endra seg og tre songar som var meir moderne vart lagt til som bonusspor for å gjere albumet langt nok. Desse vart spelt inn i RCA Studio B i Nashville under innspelinga for gospelalbumet How Great Thou Art, to var rhythm and blues-songar. Den andre var «Tomorrow Is a Long Time», ein song Bob Dylan skreiv (songrettane vart sjølvsagt ikkje gjeven til Presley og Parker), ein ballad frå ei seinare Nashville-innspeling i juni. «Down in the Alley» var blitt gjeven ut i 1957 av The Clovers, oog Presley kjende til og likte Dylan songen frå versjonen på Odetta Sings Dylan av visesongaren Odetta. «I'll Remember You» var blitt spelt inn av Don Ho, og synte kjærleiken Presley hadde for Hawaii og kulturen der. Sjølv med desse ekstra songane, gjorde ikkje albumet det noko betre enn føregjengaren i 1966.

Dylan innrømde for Rolling Stone i juni 1969 at Presley sin versjon av «Tomorrow Is a Long Time» var den coverversjonen av ein av songane hans han prissette høgast. Dei tre ekstra songane finst på From Nashville to Memphis: The Essential 60s Masters, medan tre andre songar frå filmmusikken finst på Command Performances: The Essential 60s Masters II: «Spinout», «All That I Am» og «I'll Be Back».

I 2004 vart Spinout gjeven ut på Follow That Dream i ei spesialutgåve med originalalbumet og mange alternative opptak.

Medverkande

Elvis Presley – vokal The Jordanaires – korvokal Boots Randolph – saksofon

Scotty Moore, Tommy Tedesco – elektrisk gitar Tiny Timbrell – akustisk gitar Floyd Cramer – piano

Charlie Hodge – piano (på «Beach Shack») Bob Moore – kontrabass D.J. Fontana, Buddy Harman – trommer

Innhald

Originalutgåva

Side ein

Nr.	Tittel	Låtskrivar(ar)	Innspelt	Lengd
1.	«Stop, Look and Listen»	Joy Byers	16. februar 1966	1:31
2.	«Adam and Evil»	Fred Wise og Randy Starr	17. februar 1966	1:55
3.	«All That I Am»	Sid Tepper og Roy C. Bennett	17. februar 1966	2:15
4.	«Never Say Yes»	Doc Pomus og Mort Shuman	17. februar 1966	1:53
5.	«Am I Ready»	Sid Tepper og Roy C. Bennett	16. februar 1966	2:26
6.	«Beach Shack»	Bill Giant, Bernie Baum, Florence Kaye	16. februar 1966	1:48

Side to

Nr.	Tittel	Låtskrivar(ar)	Innspelt	Lengd
1.	«Spinout»	Ben Weisman, Dolores Fuller, Sid Wayne	17. februar 1966	2:32
2.	«Smörgåsbord»	Sid Tepper og Roy C. Bennett	16. februar 1966	2:01
3.	«I'll Be Back»	Ben Weisman og Sid Wayne	17. februar 1966	2:02
4.	«Tomorrow is a Long Time» (bonusspor)	Bob Dylan	26. mai 1966	5:20
5.	«Down in the Alley» (bonusspor)	Jesse Stone	26. mai 1966	2:48
6.	«I'll Remember You» (bonusspor)	Kui Lee	10. juni 1966	2:52

«Spinout» vart gjevenn ut på singel i oktober 1966 med «All That I Am» på B-sida. Snogane nådde høvesvis 40. og 41. plassen på listene, i USA på Billboard's Hot 100 og 21. og 18. plassen i Storbritannia.

Follow That Dream-utgåva frå 2004

Oiriginalutgåva Nr. Tittel Lengd 1. «Stop Look and Listen» 1:32 2. «Adam and Evil» 1:54 3. «All That I Am» 2:17 4. «Never Say Yes» 1:54 5. «Am I Ready» 2:26 6. «Beach Shack» 1:49 7. «Spinout» 2:34 8. «Smorgasbord» 1:57 9. «I'll Be Back» 2:05 Originale bonusspor Nr. Tittel Lengd 10. «Tomorrow is a Long Time» 5:26 11. «Down In the Alley» 2:52 12. «I'll Remember You» 4:09

Nye bonusspor Nr. Tittel Lengd 13. «Stop Look And Listen» (opptak 1, 2, 3) 3:43 14. «Am I Ready» (opptak 1) 2:28 15. «Never Say Yes» (opptak 1, 2) 2:40 16. «Spinout» (opptak 1, 2) 3:26 17. «All That I Am» (opptak 1, 2) 3:57 18. «Adam And Evil» (opptak 1, 14, 16) 5:51 19. «Smorgasbord» (opptak 1) 2:18 20. «Beach Shack» (opptak 1, 2, 3) 3:47 21. «Am I Ready» (opptak 3, 4) 2:51 22. «Never Say Yes» (opptak 4, 5) 2:17 23. «All That I Am» (opptak 4) 2:42 24. «Stop Look And Listen» (opptak 6) 1:34 25. «Smorgasbord» (opptak 5) 2:26

Lister

Album

År	Lister	Plassering
1966	Billboard Pop Albums	18

Kjelder

• Denne artikkelen bygger på «Spinout (album)» frå Wikipedia på engelsk, den 4. desember 2016.
  • Wikipedia på engelsk oppgav desse kjeldene: