David Live

Frå Wikipedia – det frie oppslagsverket
Gå til: navigering, søk
David Live
Konsertalbum av David Bowie
Utgjeve 29. oktober 1974
Innspelt Tower Theatre i Philadelphia i USA
8.-12. juli 1974.
Sjanger Glamrock og soul
Lengd 80:37
Selskap RCA Records
Produsent Tony Visconti
Kritikk
David Bowie-kronologi
Diamond Dogs
(1974)
David Live Young Americans
(1975)

David Live er det første offisielle konsertalbumet til den britiske musikaren David Bowie, opphavleg gjeve ut på RCA Records i 1974. Det vart spelt inn under den andre delen av den amerikanske Diamond Dogs-turnéen i 1974. Bowie hadde hatt ein pause for å spele inn musikk for albumet Young Americans, og starta turneen på nytt, men kalla han då Philly Dog-turnéen.

Albumet viste Bowie sin overgang frå Ziggy Stardust-perioden til «plastikksoul»-perioden hans på Young Americans. Sjølv om omslaget viste Bowie i «soul-klede» - ein kvit dress - var det framleis fleire songar frå 1972-1973 perioden. Turnéen var Bowie sin mest ambisiøse til då, og hadde ei gigantisk kulisse som skulle bringe fram «Hunger City», den post-apokalyptiske settinga på Diamond Dogs, og eit band leia av Michael Kamen. På songen «Space Oddity» song Bowie songen inn i ein mikrofon forma som ein telefon, medan han sat i ein stol som vart løfta ut over publikum. Ein av dei første rockumentarane gjennom tidene vart filma av Alan Yentob, Cracked Actor for BBC, frå turneen.

Det viste seg å vere vanskeleg å spele inn musikken på band, og koristane måtte spelast inn på nytt i studio i etter kant (som det står på omslaget). Musikarane vart i tillegg opprørt då dei fann ut at dei ikkje kom til å få ekstra betaling for konsertinnspelinga, noko Bowie hjelpte til med å fikse. Det ferdige albumet har vore kritisert for at Bowie omarrangerte alle dei eldre songane, og for at han har ein noko anstrengd vokal. Kvaliteten på det musikalske har òg fått kritikk, trass i at anerkjende musikarar som Michael Kamen, Earl Slick og David Sanborn, i tillegg til Herbie Flowers, Mike Garson og Tony Newman var med på plata. Enkelte songar fekk derimot mykje ros, som latinjazz-utgåva av «Aladdin Sane» og dei nye, atmosfæriske instrumentalbitane i «The Width of a Circle». Albumet er òg kjend for å ha Bowie si første utgjeving av songen «All the Young Dudes».

Bowie har seinare kommentert at dette var den definitive avsluttinga av Ziggy, og at han på omslaget såg ut som han akkurat hadde stått opp frå dei døde. På bakgrunn av dette sa han at albumet eigentleg burde heite «David Bowie is Alive and Well and Living Only in Theory» (ein referanse til Jacques Brel, som Bowie hadde spelt songar av) David Live klatra til andreplass på den britiske albumlista, og til åttandeplass i USA. I Noreg nådde albumet 12. plass. Songen «Knock on Wood» vart gjeve ut på singel, og nådde tiandeplass i Storbritannia. I 2005 vart albumet gjeven ut på nytt med den komplette songlista frå dei originale konsertane, i tillegg til at plata var miksa på nytt av Tony Visconti. Mange meinte at dette var ei betre utgåve enn den originale.

Innhald[endre | endre wikiteksten]

Alle songar er skrivne av David Bowie, bortsett frå der andre er nemnde. 

Side ein
# Tittel Lengd
1. «1984»   3:20
2. «Rebel Rebel»   2:40
3. «Moonage Daydream»   5:10
4. «Sweet Thing» (består av «Sweet Thing/Candidate/Sweet Thing (Reprise)») 8:48
Side to
# Tittel Lengd
5. «Changes»   3:34
6. «Suffragette City»   3:45
7. «Aladdin Sane»   4:57
8. «All the Young Dudes»   4:18
9. «Cracked Actor»   3:29
Side tre
# Tittel Lengd
10. «Rock 'n' Roll with Me» ((tekst: Bowie, musikk: Bowie, Warren Peace)) 4:18
11. «Watch That Man»   4:55
12. «Knock on Wood» (Eddie Floyd, Steve Cropper) 3:08
13. «Diamond Dogs»   6:32
Side fire
# Tittel Lengd
14. «Big Brother» (består av «Big Brother/Chant of the Ever-Circling Skeletal Family») 4:08
15. «The Width of a Circle»   8:12
16. «The Jean Genie»   5:13
17. «Rock 'n' Roll Suicide»   4:30

Andre utgåver[endre | endre wikiteksten]

Albumet har vore gjeve ut att på nytt to gonger så langt. Den første gongen var i 1990 av Rykodisc (med to bonusspor og Bowie sin bandintroduksjon) og den andre gongen i 2005 av EMI med to ekstra bonusspor, og ei anna rekkefølgje på songane der bonusspora var sett inn på dei korrekte plassane. I tillegg var plata miksa på nytt av Tony Visconti. Denne utgåva var derimot kopiverna i Europa med CDS 200.

Bonusspor på 1990-utgåva[endre | endre wikiteksten]

  1. Band Intro – 0:09
  2. «Here Today, Gone Tomorrow» (Leroy Bonner, Joe Harris, Marshall Jones, Ralph Middlebrooks, Dutch Robinson, Clarence Satchell, Greg Webster) – 3:32
  3. «Time» – 5:19

Innhald på 2005-utgåva[endre | endre wikiteksten]

  1. «1984» – 3:20
  2. «Rebel Rebel» – 2:40
  3. «Moonage Daydream» – 5:10
  4. «Sweet Thing» – 8:48
  5. «Changes» – 3:34
  6. «Suffragette City» – 3:45
  7. «Aladdin Sane» – 4:57
  8. «All the Young Dudes» – 4:18
  9. «Cracked Actor» – 3:29
  10. «Rock 'n' Roll with Me» – 4:18
  11. «Watch That Man» – 4:55
  12. «Knock on Wood» – 3:08
  13. «Here Today, Gone Tomorrow» – 3:32
  14. «Space Oddity» (bonusspor) – 6:27
  15. «Diamond Dogs» – 6:32
  16. «Panic in Detroit» (bonusspor) – 5:41
  17. «Big Brother» – 4:08
  18. «Time» – 5:19
  19. «The Width of a Circle» – 8:12
  20. «The Jean Genie» – 5:13
  21. «Rock 'n' Roll Suicide» – 4:30
  22. Bandintroduksjon – 0:09

Medverkande[endre | endre wikiteksten]

Kjelder[endre | endre wikiteksten]

  • Denne artikkelen bygger på «David Live» frå Wikipedia på engelsk, den 9. februar 2007.
    • Wikipedia på engelsk oppgav desse kjeldene:
    • Roy Carr & Charles Shaar Murray (1981). Bowie: An Illustrated Record
    • David Buckley (1999). Strange Fascination - David Bowie: The Definitive Story
    • Nicholas Pegg (2000). The Complete David Bowie''