Nise

Frå Wikipedia – det frie oppslagsverket
Gå til: navigering, søk
Nise

Status i verda: LC Livskraftig
Status i Noreg: LC Livskraftig

Teikning av niser
Teikning av niser

Systematikk
Rekkje: Chordata
Underrekkje: Vertebrata
Klasse: Mammalia
Orden: Cetacea
Underorden: Odontoceti
Familie: Phocoenidae
Slekt: Phocoena
Art: P.phocoena
Vitskapleg namn
Phocoena phocoena
Nise
Namn på andre språk
Norrønt Hnísa
Svensk Vanlig tumlare
Dansk Marsvin
Engelsk Harbour porpoise
Tysk Schweinswal, Gewöhnlicher Schweinswal
Fransk Marsouin, marsouin commun
Spansk Marsopa, marsopa común
Russisk Morskaja svinja (Морская свинья)

Nise (Phocoena phocoena) er ein liten tannkval som lever nord i Atlanterhavet, Beringhavet, Stillehavet og Svartehavet. Dei sym sakte i små flokkar og lever som regel av ymse små stimfisk. Ved norskekysten er arten særs vanleg frå Oslofjorden til Varanger, i tillegg til vestkysten av Svalbard.

Kjenneteikn[endre | endre wikiteksten]

Niser liknar delfinar, men manglar den typiske snuta. Dei er òg stort sett ganske mykje mindre, og vert sjeldan over 190 cm. Dei ca 100 tennene er flata av som på ein spade, og ikkje runde som hjå delfinane. Ryggfinnen er låg. Fargeteikningane på dyret varierer mellom svart, grått og kvitt; buken er lysare enn oversida.

Levesett[endre | endre wikiteksten]

Nisa sym i små flokkar på 2-6 dyr og jaktar etter stimfisk. Særleg et dei småsild, tobis, brisling og lodde, men det hender òg dei går på laks. Når dei jaktar på desse fiskane hender det at dei går opp i elver.

Det har vorte vist at niser jaktar på byttet sitt med lyd, slik mange andre tannkvalar òg gjer det. Synet spelar òg ei rolle.

Niser vert kjønnsmogne i 5-6-årsalderen, og paringstida er om sommaren. Hoa sym drektig i nesten eit år, og let det som regel gå 1-3 år mellom kvar fødsel. Kalven syg mora i 6-8 månader.

Kjelder[endre | endre wikiteksten]

  • Christensen, Ivar: «Hvalene» i Norges dyr, Cappelen 1992
  • Artsdatabanken