Songen Never Let Me Down

Frå Wikipedia – det frie oppslagsverket
Hopp til navigering Hopp til søk
Never Let Me Down
Singel av David Bowie
frå albumet Never Let Me Down
B-side

'87 and Cry

Utgjeve 17. august 1987
Innspelt Tidleg 1987
Studio Power Station (New York City)
Lengd 3:58
Selskap EMI
Låtskrivar(ar)
Produsent
David Bowie-kronologi
«Time Will Crawl»
(1987) 		Never Let Me Down «Under the God»
(1989)


«Never Let Me Down» er ein song av den engelske songaren David Bowie, som var tittelsporet for studioalbumet hans med same namn frå 1987. Han vart gjeven ut som den tredje og siste singelen frå plata i 1987 og var den siste solosingelen hans før «Real Cool World» i 1990 (sjølv om ein remiks av «Fame» kom ut i 1990) «Never Let Me Down» var skriven av Bowie sjølv og Carlos Alomar, og innspelinga var produsert av Bowie og David Richards.

Musikkpressa har rekna songen som ein av dei beste på Never Let Me Down og meinte han var ein av dei mest undervurderte songane i karrieren hans. Ein tilhøyrande musikkvideo for singelen vart filma av den franske regissøren Jean-Baptiste Mondino og fekk på liknande vis positiv omtale. Kommersielt nådde «Never Let Me Down» 27. plassen på Billboard Hot 100 og 34. plassen på UK Singles Chart. Det var den siste singelen til Bowie som nådde topp 40 i USA før «Lazarus» (2015).

Bakgrunn og utvikling[endre | endre wikiteksten]

«Never Let Me Down» var den siste songen skriven og spelt inn for albumet, men trass i dette sa Bowie at songen var «fullstendig fullført på 24 timar frå byrjinga av skrivinga til han var ferdig arrangert».[1] Namnet på songen var opphavleg «Isolation» før Bowie endra det.[2] Han hadde byrja på sin eigen akkordstruktur for songen, men var ikkje nøgd med det, og kalla det «tungt og gravferdsaktig.»[3] Den mangeårige samarbeidspartnaren og låtskrivaren Carlos Alomar omarbeidde akkordane for «Never Let Me Down», og brukte ein akkordstruktur frå ein song han hadde skrive sjølv, kalla «I'm Tired», og fekk dermed status som låtskrivar på songen.[1][3] Songaren skildra singelen som eit «sentralt augneblikk» for han sjølv, og kalla han den mest personlege songen han hadde skrive for eit album fram til då i karrieren.[3] Innspelinga handlar om den mangeårige personlege assistenten til Bowie, Coco Schwab. Bowie skildra forholdet deira og sa:[4] «Det er platonisk. Men det er ein romanse der, trur eg, sidan det er vanskelig for to menneske å føle seg heilt trygge i kvarandre sitt selskap i den perioden og ikkje forvente for mykje av kvarandre. Alltid førebudd på å vere der om den andre treng noko, veit du? Det er ikkje mange menneske du finn i livet du kan gjere det med, eller føle det slik med.»

Utgjeving og marknadsføring[endre | endre wikiteksten]

«Never Let Me Down» kom ut på EMI i 1987 og var den første Bowie-singelen som kom ut på CD, inkludert ein ny remiska versjon.[1][5] Ein digital versjon av singelen kom ut i 2007.[1] Bowie framførte songen på Top of the Pops på BBC den 16. september 1987 og han vart sendt på den første sendinga av den amerikanske utgåva av programmet.[6] Songen vart spelt på Glass Spider-turneen i 1987 og kom ut som ein del av konsertfilmen Glass Spider (1988).[1] Songen kom ut på fleire samlealbum, som Bowie: The Singles 1969-1993 (1993) og Best of Bowie (2002).[1][7][8] Ein ommastra og nyinnspelt versjon av songen kom ut i plateboksen Loving the Alien (1983–1988) (2018).[2]

Musikkvideo[endre | endre wikiteksten]

Den franske regissøren Jean-Baptiste Mondino vart valt ut av Bowie til å lage ein musikkvideo til songen. Bowie sa «Det er eit eksperiment. Eg legg meg verkeleg sjølv i hendene hans. Eg trur at visst eg gjorde videoen sjølv, ville det blitt grovt, og eg er ikkje heilt sikker på om det er slik eg vil at songen skal vere visuelt. På konsert vil han vere grov, og vil ikkje ha same kvalitet som videoen. Men eg syns verkeleg Mondino er ein fantastisk videoprodusent. Han veit berre at dette er sjangeren hans. Han er som ein handverkar, og det er det han prøver å perfeksjonere, dette handverket for å få fem minutt til å fungere.»[9] Skodespelaren Joe Dallesandro er med fleire gonger i videoen og annonserer dansemaratonen.[10] Eit klipp frå videoen vart nytta i ein reklame av 7"-singelen.[11]

Videoen vart skildra som ein draumeliknande framstilling av ein 50-tals dansemaraton, og fekk positiv omtale av kritikarane, som kalla han «kreativ og engasjerande.»[12] Ei melding i Los Angeles Times gav videoen karakteren «glimrande (85/100)»[13] og avisa vurderte sidan songen som ein av dei ti beste frå 1987.[14] Bowie-biografen Nicholas Pegg kalla videoen «fleire år føre si tid», og sa han «fangar på vakkert vis den draumeliknande kvaliteten i songen.»[1]

Mottaking[endre | endre wikiteksten]

Stephen Thomas Erlewine i AllMusic skildra songen som ein «John Lennon-hyllest» og ein av «dei mest undervurderte songane» til Bowie.[15] Pegg kalla songen «blant dei sterkaste» på albumet på grunn av ein «forfriskande spontanitet» samanlikna han med overproduksjonen på resten av albumet.[1] «Never Let Me Down» var den siste Bowie-singelen som nådde topp 40 på Billboard Hot 100 fram til «Lazarus» (2015) gjorde det same i 2016.[16] I tillegg nådde songen 34. plassen på UK Singles Chart.[17]

Innhald[endre | endre wikiteksten]

«Never Let Me Down» vart skriven av Bowie og Alomar, og «'87 and Cry» av Bowie aleine. Ei avgrensa biletplate (EAP 239) kom ut i somme land. Alle songane vart gjeve ut digitalt i 2007.[1]

  • UK 7"-singel[5]
  1. «Never Let Me Down (singel)» – 3:58
  2. «'87 and Cry (singel)» – 3:53
  • US 12"-singel #1[18]
  1. «Never Let Me Down (Extended Dance Mix)» – 7:00
  2. «'87 and Cry (Edit)» – 3:53
  3. «Never Let Me Down (Dub)» – 3:55
  4. «Never Let Me Down (A Cappella)» – 2:03
  • US 12"-singel #2[19]
  1. «Never Let Me Down (Extended dance mix)» – 7:00
  2. «Never Let Me Down (7» remix edit)" – 3:58
  3. «Never Let Me Down (Dub)» – 3:55
  4. «Never Let Me Down (A Capella)» – 2:03
  5. «Never Let Me Down (Instrumental)» – 4:00
  6. «'87 and Cry (Edit)» – 3:53
  1. «Never Let Me Down (Extended dance mix)» – 7:01
  2. «Never Let Me Down (7» remix)" – 3:58
  3. «Never Let Me Down (Dub)» – 3:55
  4. «Never Let Me Down (A Cappella)» – 2:03
  5. «Never Let Me Down (Instrumental)» – 4:00
  6. «'87 and Cry (Single version)» – 3:53

Medverkande[endre | endre wikiteksten]

Frå platenotata i Never Let Me Down.[21]

Salslister[endre | endre wikiteksten]

Liste (1987) Plassering
Australia (Kent Music Report)[22] 63
Canada (Canadian Hot 100)[23] 37
Nederland (Mega Single Top 100)[24] 70
Irland (IRMA)[25] 27
UK Singles (Official Charts Company)[17] 34
US Billboard Hot 100[26] 27
US Hot Dance Club Songs (Billboard)[27] 17
US Mainstream Rock (Billboard)[28] 15

Kjelder[endre | endre wikiteksten]

  1. ↑ 1,0 1,1 1,2 1,3 1,4 1,5 1,6 1,7 1,8 Pegg, Nicholas (October 2016). The Complete David Bowie New Edition: Expanded and Updated. Titan Books. 
  2. ↑ 2,0 2,1 Loving the Alien (1983–1988). Parlophone. 2018. 
  3. ↑ 3,0 3,1 3,2 Isler, Scott (August 1987), «David Bowie Opens Up – A Little», Musikar (106): 60–73 
  4. ↑ Loder, Kurt (23. april 1987), «Stardust Memories», Rolling Stone Magazine (498): 74–77, 80, 82, 168, 171 
  5. ↑ 5,0 5,1 Never Let Me Down (Liner notes). EMI (Barcode: 5099920199678). 1987. 
  6. ↑ Bowie Wonderworld, henta 10. september 2021 
  7. ↑ Bowie: The Singles 1969–1993 (Liner notes). Rykodisc (Barcode: 014431021824). 1993. 
  8. ↑ Best of Bowie (Liner notes). EMI (Barcode: 724349010390). 2002. 
  9. ↑ «Dave In, Dave Out», Music & Sound Output Magazine, June 1987 
  10. ↑ Ferguson, Michael (17. februar 2015). Joe Dallesandro: Warhol Superstar, Underground Film Icon, Actor. Open Road Media. 
  11. ↑ Never Let Me Down (Liner notes). EMI. 1987. 
  12. ↑ Jacobson, Colin (2002). «David Bowie Best of Bowie 2002 Video Review». Henta 2. januar 2017. 
  13. ↑ Atkinson, Terry (16. august 1987), «Where The Surf Meets The Rap», Los Angeles Times, henta 29. oktober 2013 
  14. ↑ Willman, Chris; Atkinson, Terry (27. desember 1987), «The Year of Tawny's Legs», Los Angeles Times, henta 29. oktober 2013 
  15. ↑ Erlewine, Stephen Thomas. «David Bowie – Never Let Me Down». AllMusic. Henta 10. september 2021. 
  16. ↑ Gary Trust (19. januar 2016). «David Bowie Scores First Top 40 Hot 100 Single Since 1987 With 'Lazarus'». Billboard. Henta 10. september 2021. 
  17. ↑ 17,0 17,1 "Archive Chart" UK Singles Chart. Official Charts Company.
  18. ↑ Never Let Me Down (Liner notes). EMI (Barcode: 5099920203764). 1987. 
  19. ↑ Never Let Me Down (Liner notes). EMI (Barcode: 077771925511). 1987. 
  20. ↑ Never Let Me Down (Liner notes). EMI (Barcode: T4988006617544). 1987. 
  21. ↑ Never Let Me Down (Liner notes/ CD booklet). EMI. 1987. 
  22. ↑ Kent, David (1993). Australian Chart Book 1970–1992. St Ives, NSW: Australian Chart Book. ISBN 0-646-11917-6. 
  23. ↑ "Bowie?f=793&g=Singles David Bowie Album & Song Chart History" Canadian Hot 100 for David Bowie. Prometheus Global Media.
  24. ↑ "Dutchcharts.nl – David Bowie – Never Let Me Down" (på nederlandsk). Mega Single Top 100. Hung Medien / hitparade.ch.
  25. ↑ "The Irish Charts – Search Results – Never Let Me Down". Irish Singles Chart.
  26. ↑ "Bowie?f=379&g=Singles David Bowie Album & Song Chart History" Billboard Hot 100 for David Bowie. Prometheus Global Media.
  27. ↑ "Bowie?f=359&g=Singles David Bowie Album & Song Chart History" Billboard Hot Dance/Club Play for David Bowie. Prometheus Global Media.
  28. ↑ "David Bowie Chart History (Mainstream Rock)". Billboard. Retrieved 2. september 2021.

Bakgrunnsstoff[endre | endre wikiteksten]

Henta frå «https://nn.wikipedia.org/w/index.php?title=Songen_Never_Let_Me_Down&oldid=3331453»