Never Let Me Down

Never Let Me Down Studioalbum av David Bowie
Utgjeve	27. april 1987
Innspelt	Mountain Studios i Montreux i Sveits, hausten 1986
Sjanger	Rock, poprock
Lengd	53:07
Selskap	EMI America Records
Produsent	David Bowie og David Richards
Kritikk
Allmusic Robert Christgau (C+)
David Bowie-kronologi
Labyrinth (1986)	Never Let Me Down	Tin Machine: Tin Machine (1988) David Bowie: Black Tie White Noise (1993)

Never Let Me Down er eit album av David Bowie, som kom ut i april 1987. Det vart skriven over ein periode på tre månader og spelt inn i Sveits,. Då albumet kom ut rekna Bowie det som «eit steg attende til rock 'n' roll-musikk. Særs direkte.»

Bowie skildra songane frå Never Let Me Down som særs orienterte mot å framførast på scenen og dei danna ryggraden i den særs teatralske Glass Spider-turneen i 1987.

Då albumet kom ut tenkte Bowie at han ønskte å gå attende i studio for å spele inn fleire songar og sa: «Me er alle veldig begeistra om å gå attende i studio. Me skreiv mange songar for dette albumet og eg trur det er mykje meir nytt me ønskjer å spele inn.» Planane vart ikkje noko av og det neste soloalbumet til Bowie kom ikkje før Black Tie White Noise i 1993.

Album- og songutvikling

Etter suksessen med Serious Moonlight-turneen sa Bowie at sjølv om han likte den plutselege populariteten «songane mine ser ut til å ha no ... så var det ei kjensle der eg ikkje var komfortabel med, med all denne glansen, og eg ønskte å gå attende til eit lite, tett rockeband, slik det var då eg starta» Trass i kritikk i pressa, sa Bowie at dette var eit av dei mest morosame og energiske album ahan hadde laga på lang tid.

Den første songen ut på singel, «Day-In Day-Out», vart skriven fordi Bowie hadde fått med seg det som skjedde i Amerika gjennom media om handsaminga av heimlause, og ønskte å uttale seg om dette. Videoen til songen vart bannlyst på somme nettverk, noko Bowie meinte var «latterleg».

«Time Will Crawl» var i følgje Bowie sjølv favoritten hans på albumet, inspirert av hendingane i Tsjernobyl, og ideen om at nokon i ditt eige nabolag kunne vere ansvarleg for slutten av verda. Songen var den andre singelen frå albumet.

Tittelsporet, «Never Let Me Down», handlar om den langvarige personlege assistenten til Bowie, Coco Schwab. Songen var den tredje singelen frå albumet.

Skodespelar Mickey Rourke spurte Bowie om han kunne få vere med på ein av songane, etter at dei møttest i London, der Rourke var med i filmen A Prayer for the Dying. Bowie fekk han til å rappe i midten av songen «Shining Star (Makin' My Love)».

Ettermæle

I 1993, då han heldt pressekonferansar for albumet Black Tie White Noise, sa Bowie at sjølv om dette albumet selde meir enn nokre av dei førre albuma hans, hadde han ei kreativ vanskeleg tid frå 1984 til 1988. «Eg mista i røynda interessa for musikken».

Ingen av songane frå albumet er spelte på konsertar av Bowie etter turneen i 1987.

Innhald

Alle songar er skrivne av David Bowie, bortsett frå der andre er nemnde.

Nr.	Tittel	Låtskrivar(ar)	Lengd
1.	«Day-In Day-Out»		4:38
2.	«Time Will Crawl»		4:18
3.	«Beat of Your Drum»		4:32
4.	«Never Let Me Down»	Bowie, Carlos Alomar	4:03
5.	«Zeroes»		5:46
6.	«Glass Spider»		4:56
7.	«Shining Star (Makin' My Love)»		4:05
8.	«New York's in Love»		3:55
9.	«'87 and Cry»		3:53
10.	«Too Dizzy»	Bowie, Erdal Kizilcay	3:58
11.	«Bang Bang»	Iggy Pop, Ivan Kral	4:02

Nyutgjevingar

«Too Dizzy» er fjerna frå alle seinare nyutgjevingar av albumet. I 1995 gav Virgin Records ut albumet på CD med tre bonusspor. EMI gav ut albumet med ny lyd i 1999, men utan bonusspor og «Too Dizzy».

CD: Virgin (1995-utgåva)

11. «Girls» (extended edit) (Bowie, Kizilcay) (B-side frå 1987 til «Time Will Crawl») – 5:38
12. «Julie» (B-side til «Day-In Day-Out» frå 1987) – 3:45
13. «When the Wind Blows» (frå When the Wind Blows frå 1985) – 3:36

Medverkande

• Produsentar:
  • David Bowie
  • David Richards

• Musikarar:
  • David Bowie – vokal, gitar, tangentinstrument, tamburin, korvokal
  • Carlos Alomar – gitar, gitarsynthesiser, tamburine, korvokal
  • Erdal Kizilcay – tangentinstrument, trommer, bass, trompet, korvokal, fiolinar
  • Peter Frampton – sologitar
  • Philippe Saisse – piano, tangentinstrument
  • Carmine Rojas – bass
  • Earl Gardner – valthorn
  • Crusher Bennet – perkusjon
  • Stan Harrison – altsaksofon
  • Laurie Frink – trompet
  • Steve Elson – barytonsaksofon
  • Lenny Pickett – tenorsaksofon
  • Robin Clark, Loni Groves, Diva Gray, Gordon Grodie – korvokal
  • Sid McGinnis – sologitar på Bang Bang, Time Will Crawl og Day-In Day-Out
  • Mickey Rourke – rap på Shining Star (Makin' My Love)

Lister

År	Liste	Plassering
1987	Noreg	3
1987	US Billboard 200	34

Kjelder

• Denne artikkelen bygger på «Never Let Me Down» frå Wikipedia på engelsk, den 23. september 2011.
  • Wikipedia på engelsk oppgav desse kjeldene: