Have a Cigar
| Have a Cigar Singel av Pink Floyd med Roy Harper frå albumet Wish You Were Here |
||
| B-side | «Welcome to the Machine» (US) «Shine On You Crazy Diamond (Parts I-V)» (Italia og Frankrike) |
|
|---|---|---|
| Utgjeve | 1975 | |
| Innspelt | Januar - juli 1975 Abbey Road Studios i London |
|
| Sjanger | Progressiv rock, hardrock, kunstrock | |
| Lengd | 5:08 | |
| Selskap | Harvest, EMI (UK) Columbia, Capitol (US) | |
| Låtskrivar(ar) | Roger Waters | |
| Produsent | Pink Floyd | |
| Pink Floyd-kronologi | ||
| «Us and Them»/«Time» (1973) |
Have a Cigar | «Another Brick in the Wall (Part 2)» (1979) |
«Have a Cigar» er ein song av det britiske bandet Pink Floyd frå albumet deira Wish You Were Here frå 1975.
Innhaldsliste |
Komposisjon [endre]
Som «Welcome to the Machine», er både melodi og tekst skrive av Roger Waters, og er ein skarp kritikk av det Waters ser på som ein hyklersk og grådig musikkindustri. Musikken er i seg sjølv meir streit rock enn resten av albumet, og byrjar med eit gitarriff av David Gilmour i lag med ein bassgitar. Etter kvart kjem ein ekstra gitar inn i lag med elektrisk piano og synthesizer.
Klimakset i songen er ein skarp gitarsolo, før songen brått forsvinn inn i eit tinnaktig og radioliknande lydbilete. Enkelte meiner at dette representerer at musikken vert omforma til eit verdilaust massemarknadprodukt. Det siste som skjer i songen er ein lydeffekt der det høyrest ut som om nokon skiftar radiokanal, og songen hoppar rett over i neste spor, «Wish You Were Here».
Vokalen vert sunge av Roy Harper. Waters hadde slite på stemma si under innspelinga av «Shine on You Crazy Diamond», og kom ikkje opp på dei høge tonane. Gilmour var motvillig til å synge den ubehagelege teksten, og sidan Harper var i nabostudioet og spelte inn plata HQ, tilbaud han seg å hjelpe dei. Waters har seinare sagt at han håpte resten av bandet ikkje ville gå med på å la Harper synge songen i staden for han sjølv, men vart overraska over at alle syns det var ein glimrande ide. [1]
Tekstlinja «Oh by the way, which one's Pink?» var faktisk eit spørsmål bandet fekk i starten av karrieren då dei møtte leiaren i eit plateselskap på midten av 1960-talet.
Konsertutgåver [endre]
Songen vart først spelt på den nordamerikanske turnéen i 1975, mellom dei to halvdelane av «Shine on You Crazy Diamond» med Waters og Gilmour på vokal. Songen vart òg spelt på 1977-turnéen, og då var det Roger Waters på vokal, medan Snowy White spela gitarsoloen.
Medverkande [endre]
- Roger Waters - Bassgitar
- David Gilmour - Gitar, tangentinstrument
- Richard Wright - Fender Rhodes, ARP String Synthesizer, Minimoog
- Nick Mason - Trommer
- Roy Harper - vokal
Fakta [endre]
Både Primus og Foo Fighters har spela denne songen.
