James Guthrie
| James Guthrie | |
| Fødd | 14. november 1953 Edmonton i Middlesex i England |
| Sjanger | Rock |
| Aktive år | 1973 til i dag |
| Yrke | Lydteknikar, plateprodusent |
| Tilknytte artistar | Pink Floyd |
James K.A. Guthrie (fødd 14. november 1953) er ein britisk lydteknikar og og plateprodusent som er mest kjend for arbeidet sitt med Pink Floyd. Han var lydteknikar og produsent for bandet sidan 1978. Han eig òg das boot recording i Lake Tahoe i California.
Guthrie var lydteknikar og medprodusent for albumet The Wall (1979), og den påfølgjande turneen og har i ettertid arbeidd med bandet i ulike rollar på alle utgjevingar sidan den gong. Han har òg ført oppsyn med nyutgjevinga til CD av heile katalogen og vore teknikar under nyutgjevingar av albuma til 5.1 kringlyd. James Guthrie fekk ein «Grammypris» for beste lyd på Pink Floyd The Wall i 1982. Guthrie var bindeleddet mellom Roger Waters og resten av Pink Floyd etter at Waters forlét bandet, og han klarte å få til eit samarbeid mellom medlemmane om utgjevinga av samlealbummet Echoes i 2001.
Guthrie har vore å finne bak miksepulten på soloutgjevingar av både Roger Waters, David Gilmour, Nick Mason og Richard Wright. Han har òg produsert Toto sitt «Grammyvinnande» debutalbum, Queensrÿche-albumet The Warning (1984), Judas Priest-albuma Stained Class (1978) og Hell Bent for Leather (1979) medan han i 1983 var lydteknikar på filmen The Dead Zone.
Diskografi[endre]
- 1978 - Judas Priest - Stained Class (Produsent)
- 1978 - Toto - Toto (Produsent)
- 1979 - Judas Priest - Hell Bent for Leather (Produsent)
- 1979 - Pink Floyd - The Wall (Perkusjon, sequencer, synthesizer, assisterande produsent, lydteknikar, miksing)
- 1981 - Pink Floyd - Money (LP-singel, miksing)
- 1981 - Nick Mason - Fictitious Sports (Miksing)
- 1983 - Pink Floyd - The Final Cut (Lydteknikar, produsent)
- 1984 - Queensrÿche - The Warning (Produsent)
- 1984 - David Gilmour - About Face (Miksing)
- 1987 - Pink Floyd - A Momentary Lapse of Reason (Lydteknikar på nyutgjevinga)
- 1992 - Pink Floyd - Amused to Death (Miksing)
- 1994 - Pink Floyd - The Division Bell (Lydteknikar)
- 1995 - Pink Floyd - PULSE (Produsent)
- 1996 - Richard Wright - Broken China (Miksing)
- 2000 - Pink Floyd - Is There Anybody Out There? (Produsent, miksing)
- 2000 - Roger Waters - In the Flesh Live (Produsent, miksing)
- 2001 - Pink Floyd - Echoes (Produsent, miksing)
- 2003 - Pink Floyd - Dark Side of the Moon 30-års jubileumsutgåve (Teknikar på 5.1 format)
- 2004 - Pink Floyd - The Final Cut nyutgjeving (Lydteknikar, produsent)
Film[endre]
- 1982 - Pink Floyd: The Wall (Lydteknikar)
- 1983 - The Dead Zone (Lydteknikar)
Kjelder[endre]
- Denne artikkelen bygger på «James Guthrie» frå Wikipedia på bokmål, den 22. februar 2011.
