Schweigt stille, plaudert nicht

Schweigt stille, plaudert nicht (Kaffeekantate) BWV 211 Kantate av Johann Sebastian Bach
Sjanger	Koral
Periode	Barokken
Komponert	1734
Første framføring	Midten av 1734
Publiseringsdato	1837
Typisk lengd	27:12
Satsar	10

Schweigt stille, plaudert nicht, òg kalla Kaffikantaten, BWV 211, er ein kantate komponert av Johann Sebastian Bach. Sjølv om han er klassifisert som ein kantate er han i røynda ein liten komisk opera.

Som ein satirisk kommentar omhandlar kantaten kaffiavhengnad, eit aukande samfunnsproblem på 1700-talet i Leipzig, der verket hadde premiere.

Librettoen til kantaten, skriven av Christian Friedrich Henrici, har tekstlinjer som «Om eg ikkje kan drikke ein kopp kaffi tre gonger dagleg, så vil eg i pinsle skrumpe inn som ei geitesteik», noko som truleg vart godt likt av eigarane av Zimmerman's Kaffihus i Leipzig, der stykket vart framført første gong.

Bach skriv aldri operaer og denne kantaten vart skriven som ein konsertframføring, men vert i dag ofte framført med kostyme.

Instrumentering og struktur

Stykket er instrumentert for tverrfløyte, to fiolinar, bratsj, cembalo continuo, samt solistane: Forteljar (tenor), Lieschen (sopran), Schlendrian (bass)

Det består av ti satsar:

1. «Schweigt stille, plaudert nicht», Resitativ for tenor
2. «Hat man nicht mit seinen Kindern», Arie for bass
3. «Du boses Kind, du loses Madchen», Resitativ for sopran & bass
4. «Ei! wie schmeckt der Coffee susse», Arie for sopran
5. «Wenn du mir nicht den Coffee lass'st», Resitativ for sopran & bass
6. «Madchen, die von harten Sinnen», Arie for bass
7. «Nun folge, was dein Vater spricht», Resitativ for sopran & bass
8. «Heute noch, lieber Vater, tut es doch», Arie for sopran
9. «Nun geht und sucht der alte Schlendrian», Resitativ for tenor
10. «Die Katze lasst das Mausen nicht», Koral

Kjelder

• Schweigt stille, plaudert nicht (Kaffeekantate). Bach-kantater. Vitja 20. april 2010.

• Delar av denne artikkelen bygger på «Schweigt stille, plaudert nicht, BWV 211» frå Wikipedia på engelsk, den 20. april 2010.
  • Wikipedia på engelsk oppgav desse kjeldene:

Bakgrunnsstoff

• Piano- og songpartitur for BWV 211 på bach-cantatas.com