Eurovision Song Contest 1998

Eurovision Song Contest 1998
Dato
Vertskap
Stad Storbritannia National Indoor Arena i Birmingham, Storbritannia
Varigskap
Opningsnummer
Pausenummer
Bidrag
Debuterte Republikken Makedonia
Attende Belgia Finland Israel Romania
Ikkje med Bosnia og Hercegovina Danmark Island Italia Russland Austerrike
Kart
Røysting
Vinnar Israel Diva
Eurovision Song Contest
1997 1999

Eurovision Song Contest 1998 vart kringkasta frå National Indoor Arena i Birmingham i Storbritannia den 9. mai 1998. Storbritannia var arrangør av di dei hadde vunne året før med songen «Love Shine a Light» framført av Katrina and the Waves. Programleiarane var Ulrika Jonsson og Terry Wogan. Dei såkalla «postkorta» mellom kvart bidrag synte bilete frå Storbritannia.

Vinnaren dette året var svært kontroversiell i sitt eige heimland, Israel. Transseksuelle Dana International hadde skapt store avisoverskrifter før tevlinga, og vann til slutt med 172 poeng og songen «Diva».

Det mest oppsiktsvekkjande innslaget dette året var kanskje likevel Guildo Horn frå Tyskland med låten «Guildo hat euch Lieb» (Guildo er glad i dykk). På scena, og til og med utanfor scena, utførte han ulike ablegøyer; han ringde med bjøller, gjekk ut blant publikum og kyssa folk, og avslutta med å klatra høgt opp i et stillas på scenen. Tyskland enda til slutt på ein sjuandeplass. Noreg sitt bidrag, «Alltid sommer» av Lars Fredriksen, enda på plassen bak.

Ungarn, Romania, Irland og Tyrkia var dei fire siste landa som framleis brukte juryordning ved denne tevlinga; alle dei andre landa nytta teleavstemming. 1998 var også det siste året då det var obligatorisk for arrangøren å stilla med eit orkester i salen (frå og med 1999 gjekk ein over til å bruka singback).

Resultatliste

Nr.	Land	Språk	Artist	Song	Nynorsk omsetjing	Plassering	Poeng
1	Kroatia	Kroatisk	Danijela	Neka Mi Ne Svane	Kan daggry aldri koma	5	131
2	Hellas	Gresk	Thalassa	Mia krifi evesthisia	Ei hemmeleg kjenslevarleik	20	12
3	Frankrike	Fransk	Marie Line	Où Aller	Kvar ein skal gå	24	3
4	Spania	Spansk	Mikel Herzog	¿Qué voy a hacer sin ti?	Kva skal eg gjera utan deg?	16	21
5	Sveits	Tysk	Gunvor	Lass' Ihn	La han vera	25	0
6	Slovakia	Slovakisk	Katarína Hasprová	Modlitba	Ei bøn	21	8
7	Polen	Polsk	Sixteen	To takie proste	Det er enkelt	17	19
8	Israel	Hebraisk	Dana International	Diva	—	1	172
9	Tyskland	Tysk	Guildo Horn	Guildo hat euch lieb!	Guildo er glad i dykk!	7	86
10	Malta	Engelsk	Chiara	The One That I Love	Den eine eg elskar	3	165
11	Ungarn	Ungarsk	Charlie	A holnap már nem lesz szomorú	Tristleiken er borte i morgon	23	4
12	Slovenia	Slovensk	Vili Resnik	Naj bogovi slišijo	La gudane høyra	18	17
13	Irland	Engelsk	Dawn Martin	Is Always Over Now?	Er alltid over no?	9	64
14	Portugal	Portugisisk	Alma Lusa	Se eu te pudesse abraçar	Viss eg kunne omfavna deg	12	36
15	Romania	Rumensk	Mălina Olinescu	Eu Cred	Eg trur	22	6
16	Storbritannia	Engelsk	Imaani	Where Are You?	Kvar er du?	2	166
17	Kypros	Gresk	Michalis Hadjiyiannis	Genesis	Byrjinga	11	37
18	Nederland	Nederlandsk	Edsilia	Hemel en aarde	Himmel og jord	4	150
19	Sverige	Svensk	Jill Johnson	Kärleken Är	Kjærleiken er	10	53
20	Belgia	Fransk	Mélanie Cohl	Dis Oui	Sei ja	6	122
21	Finland	Finsk	Edea	Aava	Ope landskap	15	22
22	Noreg	Norsk	Lars Fredriksen	Alltid sommer	—	8	79
23	Estland	Estisk	Koit Toom	Mere lapsed	Born av havet	12	36
24	Tyrkia	Tyrkisk	Tüzmen	Unutamazsın	Du kan ikkje gløyma	14	25
25	Makedonia	Makedonsk	Vlado Janevski	Ne zori, zoro	Ikkje kom, daggry	19	20

Kjelder

• Denne artikkelen er omsett frå «Eurovision Song Contest 1998» frå Wikipedia på bokmål, den 12. april 2011.